موضوع

السلام عليكم ورحمة الله وبركاته
مرحبا بوعبدالله وجزاك الله ألف خير ومشكور على تفسير الاحلام بس بغيت أسألك اذا ممكن كل الاحلام ألي فسرتها لي كلها صح بس تفسير الافعى ظهرامراة ونحنا عندنا من العائلة خالتي صح سوت لنا مشاكل موب بس انا لانها كانت تبغيني حق ولدهاويوم انا رفضت قامت تسوي لنا مشاكل وكل مرة تسوي لنا شي بس نحنا ماخذين الامور بسياسة وتفاهم وما تجي على بيتنا وبختصارنحن نكلمها فقط على الهاتف ونزورها في المناسبات فقط وألحين ماتسوي لنا شي على شأن نحن من بعيد لبعيد


وقلت لي تفسير الافعى هي مراة تحب تجي على بيتنا على غفلة كلامك صح وهي مراة من سلطنة عمان موب من أهلنا بس معرفة وهي مراة سوداء الشكل وهذه خلقت الله انا لااعترض بس بغيت اوضح لك الشكل ويقولون فيها عين وماتقول ما شاء الله نحن الحمد لله عايشين وما قصرنا شي ويوم امي تشتري اغراض من الجمعية تقول حق شو هذا كله وايد وغالي كيف انتو تشترون كله غالي وشترينا خبز بالليل وبعد الصبح قالت لي انتو تشترون وايد على شأن وايد عندكم فلوس وتسأل امي تقول لها كم رصيدك بالبنك وانا اشوفها وايد حاطه بالها على بيتنا .وانا بصراحه ما اعرف سوالف الجن كثير بس هي على راسها الجن والله يا بو عبدالله كنت نايمه بالليل وهي جتني وانا نايمه اول شي حسيت ما اجدر اقوم من مكاني ما خلتني اتحرك وانا اصرخ وانادي امي بس اذا كان احد جنبي مايشوفني اصرخ ولايشوف اي حركه بس يشوفني نايمه وجاتني بالمنام وهي تضحك ضحكات بصوت عالي وتقول لي نمتي وانا ابكي وانادي امي .



اسمحلي يا بوعبدالله بس بغيت نصيحتك ما اعرف وش اسوي وحاليا هي في بيتنا اونه جايه تزورنا وبتم عندنا اسبوعين وانا خايفه منها وكله تبغي تحرض امي عألي بس امي متفاهمة معاي والحمد لله .
والسموحة يا بوعبدالله