يا مصراويه يا هاله يا بنات ردوا الله يخليكم عايزة اتجوز بقى

بصى انا هقولك الى اعرفة

الحمام المغربى دى مصراوية قالت علية فى سنتر محمد عبد الحميد الماكيير فى شارع الاسراء فى المهندسين
بصى بالنسبة للميك اب انا بحس ان الميك اب اللبنانى مش حلو خالص و تقيل موت المهم دى اذواق بصى حبيبتى انتى ممكن تقولى اى اسم معروف و انا هعرف اجبلك التليفون و العنوان
بالنسبة للتاتو انا مش عرفة مكان معين بس واللة نصيحة مش تسترخسى واللة فى ابدا لانة تقريبا لو اتعمل غلط بيبقا صعب شوية انة يتغير
انا اعرف سنتر بعمل فى دايما بانتظام تنظيف بشرة لو عايزة اقولك علية
كمان انتى مش قولتى انتى هتجوزى امتى
معلش انا مش عرفة اوى ارد على اسئلتك بس قولت لازم مش اطلع غير لما ارد عليكى باءى حاجة الى اعرفة
مستنية ردك يا جميلة

مش عارفه اشكرك ازاى والله على مساعدتك بس اذا تأدرى تقوليلى تليفون خبيرة التجميل هويدا نصار مش عارفه حاسه انها كويسه و ممكن تعملى التاتو حلو و فى كمان واحده اسمها نانيس بدر بس دى اول مرة اسمع عنها و كمان انا خطيبى هينزل من برة انشاءالله على شهر 5 عشان كده انا عايزة اعمل التاتو مثلا على 3 وانا فعلا مش هسترخص فيه انتى عارفه ان الحواجب اكتر حاجه واضحه فى الوش وياريت لو انتى تعرفى تليفونات او عناوين خبيرات تجميل اكتبيهم وانا هروح كل الاماكن و اشوف اكتر واحده استريحتلها ياريت تردى عليا يا stacy وانا مستنيه ردك ضرورى

انا اسفة جدا واللة بس عندى امتحانات ومش لقيا لسة ال Guide الى بتلع منة النمر

بصى انا هخلص يوم السبت كدة

ممكن اديك نمرة امينة شلباية تكلميها هتقولك على كل النمر الى انتى عايزاها

انا واللة عايزة اساعدك بس خايفة يوم السبت دى بالنسبة ليكى يبقى متاخر

بصى نمرة امينة شلباية 2300

و اختار رقم 3 عشان تسيبى سؤال و اكتبى الرقم السرى الى هيدهولك و بعد يوم اختارى رقم 4 و دخلى الرقم السرى هتسمعى الاجابة

انا بجد اسفة جدا واللة بس انا واللة مطحونة فى الامتحانات

ربنا معاكى يا عسل و انشاءالله هيعدى على خير و انا مش عارفه اشكرك بجد ازاى و مش مشكله انا هستنى ردك عليا بعد السبت بس لو عدتيه على خير قوليلى وانا هدعيلك والله من قلبى
مش عارفه اشكرك والله ازاى

وعلى فكرة لو تعرفى كمان رقم المصمم هانى البحيرى تبقى احلى بنت فى الدنيا اصلى عايزة اعمل فستان فرحى عنده انتى عارفه دى ليله مبتجيش تانى

بصى دى نمرة السنتر الى فى صلاح سليم و مديحة سليم دول بابا و ماما بتوع نانيس سليم هو كوافير و هى Make-up artist زى بنتها

ممنوع وضع ارقام الهواتف على العام

و الباقى انشاء اللة هحاول اجبيهولك بس مش قدرة دلوقتى ادور لانى تعبانة موت من الامتحان

معلش انا اتلخبط و افتكرتك عايزة نمرة نانيس سليم الى بتعمل ميك اب و لف طرح

متزعليش انشاء اللة قريب بكرة اكتر حاجة

هجبلك نمرة هوايدا نصار , هانى البحيرى و هشوفلك حد بردة كويس بيعمل تاتو

و انا اسفة جدا بجد انى اتلغبط بس لانى بجد تعبانة موت مترح الامتحانات

والله انتى زى العسل واحب اقوللك ان وشك حلو عليا عشان اناا لسه حالا عارفه موقع هانى البحيرى و عنوانه كمان بس انتى مقولتليش عملتى ايه انهارده وامتحان ايه ده هو انتى فى ايه بالظبط و مش مشكله يا حبيبتى كويس انك كتبتى نمرة نانيس عشان انا مش محدده حد معين للميك اب بس هى دى كويسه فى الماكياج يعنى ولا ايه
يارب تلاقيلى حد بيعمل تاتو حلو وليا طلب عندك


















ممكن نبقى اصحاب اصلى انا حاسه انك زيى بتحبى تساعدى اى حد حتى لو متعرفهوش انتى بنت طيوبه قوى والله ربنا يجازيكى خير بس بردو طمنينى عملتى ايه انهارده فى امنحانك

هاي فتفوته بصي انتي لو عايزه تشوفي الميك اب بتاع نانيس ادخلي علي موقع بص وطل اختاري من القائمه شبابيك واختاري منها قمر 14 هتلاقي معظم المواضيع لنانيس بجد الميك اب بتاعها جميل وعجبني وياريت انا اعمل الميك عندها بس هي طبعا مش هتقدر تيجيلي لان المسافه بعيده الموقع عنوانه www.boswtol.com

ربنا يخليكى يا هوبا انا هدخل واشوف شغلها و متشكرة اوى بس نفسى اعرف هو هانى البحيرى علا غالى اصلى مرة اسمع ان اسعارة عدى و مرة اسمع انه غالى ياترى لو اتصلت بيه ممكن يقولى تفصيل الفستان عنده كام ياريت يقولى عشان احدد انا هعمل فين بالظبط

بصي يا فتفوته انا معرفش موضوع الاسعار ده بس شكله كده غالي لان امينه شلبايه التقت بيه قبل كده وعلي فكره هو اشهر واحد في مصر حتي قبل كده صمم فستان فرح محجبات واللي كانت لابسه وعرضته هي حنان ترك اول لما اتحجبت فشكله غالي طبعا

اسمحيلي ارد علي السؤال بخصوص هاني البحيري مش بيعمل فستان اقل من 20الف وطالع
ودي صورة احد تصميماته وكانت بتعرضه ملكة جمال مصر


ممنوع وضع صور بدون تظليل


وبالنسبه لنانيس سليم انا اعرف انها بتروح في كوافير جديد فتح في دار الدفاع الجوي بس مش فاكره اسمه ممكن تتصلي بالدار وتعرفي التليفون والاسم وموعيدها اتمني اكون افدك ببعض المعلومات

شكرا على افادتك ليا يا عروسه حيرانه اصلى كنت فاكرة ان هانى البحيرى اسعاره كويسه بس ياريت حد يعرفنى احسن مكان تفصيل فساتين اعراس كويس اصلى قررت انزل الموديل من على النت و اوديه بقى عند اتيليه كويس يعمله بصراحه خسارة ادفع 20الف على 3 ساعات لبس بس حرام يعنى

انا كنت هقترح عليكي كده برضه وهحاول اجيب لك اسم اتليه كويس
بس لي سؤال انتي ليه مفكرتيش في الجاهز احسن واريح وفي كتير موديلات حلوه ومش منتشره يعني بتلاقي في المحل الفستان منه واحد بس زي محل ندا اللي في جنينه مول وفي فرعين في الموسكي وده اللي انا جبت منه فستاني
وفي كمان ماي ليدي اللي في السراج مول

انا فعلا روحت الموسكى بس مفيش حاجه عجبتنى لاقيت الموديلات كلها عاديه و انتى عارفه ان الفساتين السنه دى مختلفه و بصراحه شكلها عاجبنى اوى انتى شوفتى الفستان اللى عرضته حنان ترك كان لونه فضى تحفه انا بقى عايزة حاجه جديده اى انا قلت انزل المحلات بتاعه التأجير و اشوف يمكن الاقى اللى انا عيزاه الاول بس انا بحط كل الاحتمالات الاول عشان اكون مجهزة نفسى

معك حق الوحده لازم تحط بدائل للي عوزاه عش لو مكنش متوفر تدور علي البديل
وعلي فكره انا كنت اقصدمحل ندا اللي في الموسكي بالات مش باقي محلات الموسكي لان باقي المحلات وقها مش قوي ومحل ندا اللي في جنينه ده خطير
كمان في ماي ليدي اللي في السراج ممكن تفصلي الموديل اللي يعجبك من الكتالوج اللي في المحل
وفي طبعا ناديه الشيخ دي مصممه معروفه بس مش فاكره مكانها يمكنفي سيتي ستار او عباس العقاد

انا شكلى فعلا هحدد الفستان و انزل ادور على اخسن حد ممكن يفصل بس ناديه الشيخ دى فين و ياترى اسعارها معقوله ولااااااااااا ؟و هروح بردو محل ندا ده ممكن اكون مشفتوش بس هو فين فى الموسكى بالظبط وياترى ماى ليدى ده كمان كويس لو فصلت عنده ولا ايه و اسعاره تعرفى عنها حاجه يا حيرانه

بصي يا قمر
بالنسبه للاسعار دي بتختلف حسب الفستان يعني انتي هتفصلي بس ولا هتصممي فستان من الالف الي الياء يعني الاتليه هيعملك لم تصميم مخصوص ولا من كتالوج عنده ولا هتشتري جاهز ومعظم الاتليهات والمحلات عندها ال3 انظمه والاسعار بتختلف حسب التطريز وكده لو عاوزه نصحتي انتي لازم تلفي شويه علي الجاهز والتفصيل يعني تروحي يوم مصر الجديده المحلا ت الجاهز والاتليهات ويوم الموسكس ويوم المولات وكدا وانا جبت
وبالنسبه لناديه الشيخ انا اعرف انها في سيتي سنتر في مكرم عبيد ممكن تدوري في الديل
او وانتي رايحه اي مول تشوفي وتساليها وتاخدي فكره لان لازم تشوفي بنفسك
اما ماي ليدي فهو كويس ولعتقد اسعارهمعقوله زي ندا باتلنسبه للجاهز لكن التفصيل حسب الموديل يعني ندا بتبدا من 200 وطالع
في كمان محلا كتير زي
مدينة نصر
1مالبي عباس العقاد

نورهان عباس العقاد وملحق بيه اتيله خاص بالمحل وله فره تاني في مصر الجديده


مصر الجديدة
1- العبودي ميدان روكسي
2- العروسة ميدان روكسي بجوار الطاوس

وسط البلد
1- اتيله عادل ابو هميله في شارع سليمان باشا


الجمل له فرع في شارع رمسيس عند غمره وفرع في عمارات السعودية بالسواح وده بيبيع ويفصل وياجر

والله انا تعباكى معايا اوى و انا فعلا منزله كام موديل من على النت و هدخل حوالى 3 فى فستان واحدبس محتارة بين اللون الفضى و الاوف ويت على دهبىانا انشاء الله هنزل الاماكن دى و اشوف