تعالوا اخبركم..

السلام عليكم ورحمة الله وبركاته

كيفكم يا حلوات..

اليوم عاد انا فايقه ورايقه..

عارفين انه عرسي هالشهر ان شاء الله .. بعد 3 اسابيع..

وحبيت اخبركم بتجهيزاتي.. يمكن تستفيدووون.. .


خلصت سوالف الكوشة... والديجي .. والمسكه... والفستان

سويت الكوشة من محل الكوشة في بوهيل...

الديجي.. من الافراح العامرة.. وللمرة الخامسه نتعامل معاهم..

المسكه من حدائق روز..... انا وديت له صورة المسكه....

الفستان............. فصلته عند إزرا....

==================================

الفساتين..

خذت لي فستان لاكروا.. وفستان فصلته عن مصمم في دبي.. وبدله حلوة عند مصمم في شارع الرقة.........

سويت لي بدل ماركات... للزيارات الخفيفة............. عن وحده مواطنه

المخاوير........ سويت 6 في سوق المرر دبي... وحده تلي مع لولو.. رهيبه...
و 4 في سوق المخاوير الشارجه..

و3 مغربيات..........

مع العلم انا مااحب البس جلابيات.. بس مجبورة..

=================================

خذت بدل عاديه من برومود.. آيس بيرج...... بوجاتي...........

بناطلين من كذا محل....... عمليات....... من زارا ومانغو.. وآيس بيرج..

وكمن محل من مول الامارات مااذكرهم...

=============================
الملابس الداخلية

خذت من الملا بلازا..... المحل اللي تحت وايد رهيب..

من مول الامارات........ محل بندون... عجيب
ومحل.. KLynn.......... شغلاته حلوة...
ومحل Oysho.......... بجايم حلوة.. وبنوتيه...
فمنا اللي في ميغا موووول.. عندهم قمصان نوم عجيبة...
لوجين....... في مركز الغرير................
ومن لاسنزا.......... وومن سيكرت........ لاينز...........

==================
النعول..

خذت لي اربعه من فلنسيا مول الامارات.... شيك وراقيات
و2 من آيف سان لوران........

و3 من Kieth & Sharly..... اعتقد هذا اسمه..
و6 سليبرز من محلات نعومي ولاسنزا.. وغيره..

======================

الشنط..

خذت غوتشي وحده......... وايف سان لوران وحده.....
واختي بتجيب لي الباقي من برع....
و3 من اكسسورايز للسفر...
====================

بعد فصلت........... 5 تنانير سادة.. بس فيهن موديلات...
وفستان دلع... شيفون....
و4 بدل كاملة..

هذيل سويتهن عند خياط.عادي بس يضبط الشغل..

==============

بخصوص العبايات...

سويت عند مريم الشيباني وحده
وعهود 2
وبدون اسم 2
وسويت ليدي 3
و2 للمناسبات.. يعني عبايات فخمه.......... بس الخامه وكل شي من عندي ...
يادوووووب راعي العبي فصلهن لي..
==========================

باقي شي

ايوا الميك اب.....

عن نفسي مااحب احط ميك اب وايد.. وفاونديشن وبلش.. وهالخرابيط
بس خذت لي شوي

من ميك اب فور ايفر.. فراشي... وغسول للفراشي.. وكمن آيشدو.. وعلبة ارواج
ومن ماك....... بودرة NC40.. و4 جليتر... وارواج يمكن 2.. وبلش واحد
ومن جيرلان 2 قلوس........
ومن VODOK... علبة آيشدووو...
وبعد لاتنسون..... سمركيك.. تعيبني.. خفيفة.. للطلعات السريعه

==================

خذت اكسسوارات من كليرز....... وربطات للشعر.. وحركات دلع من عندهم...

وكليبات للشعر....... لقطت من كمن مكان............

==============================

وباقي سشوار باناسونيك..... اللي بروحه بدون العدة كلها للحين مالقيته..
شكلي باخذ الطقم كامل.. مع اني مااستخدم غير المشط ماله بس..

======================

فيه شي ناقص

طبعا انا ماذكرت الغسول .. ومعطرات الفم.. والعطور.. وعطر الفراش وهالسوالف..
لانه عندكم خلفيه عنهم..

تحياتي لكم