السلام عليكم ورحمة الله وبركاته
مو عارفة كيف ادخل في الموضوع مشكلتي هي نومي الزايد انام باليوم حوالي 12 ساعة ويضيع وقتي في النوم حتى صلاتي اللي كنت محافظة عليها تضيع بعضها بسبب النوم
وانا كل يوم تزيد حسرتي على نفسي وبعضهم قال لي ان هذا بسبب العين اللي فيني
ياربي ايش اسوي اقرا على نفسي الرقية الشرعية واتعب وانام ولا احس بعمري وضميري يؤنبني وحياتي مو مستقرة مع اني متغطية ولا اسمع اغاني وكلن يظن اني متدينة ما يدرون عن صلواتي اللي تفرط بعضها مني
انا في عذاب والحمد لله على كل حال
تكفون ادعوا لي بان الله يشفيني ويثبتني على طاعته
تكفون ما ابي بس طقطقة كيبورد ابيكم تستقبلون القبلة وتدعون لي من قلب ما ابي ادخل النار تكفوووووووون
لحقوا علي قبل ما ادخل النار
م
05-08-2006 | 11:03 AM
s
05-08-2006 | 11:15 AM
اسم الله عليج
الحمدلله انج خايفه على عمرج وهذا اهم شي معناته ان الايمان بقلبج والحمدلله
تجنبي السهر قد ما تقدرين اقري اذكار النوم ونامي على الجنب اليمين وخلي المنبه بعيد عنج وقومي صلي الفجر وبعدين ظبطي المنبه على صلاة الظهر وهكذا وخليه بعيد يعني لازم تقومين تمشين عشان تصكينه
الله يوفقج ويهديج ويثبتج على الدين
عقب كل صلاه قولي 7 مرات " ربنا ولا تزغ قلوبنا بعد اذ هديتنا وهب لنا من لدنك رحمه انك انت الوهاب "
الحمدلله انج خايفه على عمرج وهذا اهم شي معناته ان الايمان بقلبج والحمدلله
تجنبي السهر قد ما تقدرين اقري اذكار النوم ونامي على الجنب اليمين وخلي المنبه بعيد عنج وقومي صلي الفجر وبعدين ظبطي المنبه على صلاة الظهر وهكذا وخليه بعيد يعني لازم تقومين تمشين عشان تصكينه
الله يوفقج ويهديج ويثبتج على الدين
عقب كل صلاه قولي 7 مرات " ربنا ولا تزغ قلوبنا بعد اذ هديتنا وهب لنا من لدنك رحمه انك انت الوهاب "
ا
05-08-2006 | 11:18 AM
وعليكم السلاام..
اظن .. ان عندج حاله نفسية .. مثل نوم غير كااافي..
يجب ان تغييري موعد النوم..
يعني قومي في بداية اليوم الاول في موعد صلاه الفجر بدقاائق واشغلي نفسج الى صلاه الظهر .. وبعدين نامي الظهر فقط قيلوله مدتها ساعه او اقل..
ابتعدي عن الاكل الدسم جدااا.. والخموول اللي بدون ريااضه..
ماارسي ولو جزء بسيط من الرياااضه لتعويض الجسم عن الاكسجين الفاسد بالجسم..
غيري برناامج ونظاام الاكل ونظاام النوم..
حاولي انج تحطين منبه تكرار لو بالجوال..
ووعليج وضع هدف توصلين له.. يعني خلي الصلاه محور تركيزج .. وان طافت لج صلاه صليها ولاتتركينهاا لو بعد النووم..
ارجوو اني قدرت اوصل لج القليل
اظن .. ان عندج حاله نفسية .. مثل نوم غير كااافي..
يجب ان تغييري موعد النوم..
يعني قومي في بداية اليوم الاول في موعد صلاه الفجر بدقاائق واشغلي نفسج الى صلاه الظهر .. وبعدين نامي الظهر فقط قيلوله مدتها ساعه او اقل..
ابتعدي عن الاكل الدسم جدااا.. والخموول اللي بدون ريااضه..
ماارسي ولو جزء بسيط من الرياااضه لتعويض الجسم عن الاكسجين الفاسد بالجسم..
غيري برناامج ونظاام الاكل ونظاام النوم..
حاولي انج تحطين منبه تكرار لو بالجوال..
ووعليج وضع هدف توصلين له.. يعني خلي الصلاه محور تركيزج .. وان طافت لج صلاه صليها ولاتتركينهاا لو بعد النووم..
ارجوو اني قدرت اوصل لج القليل
B
05-08-2006 | 11:33 AM
الله يبعد عنج الشر ومالي إلا ادعي لج من قلبي ان شا ءالله بالشفاء وتفريج الهم بس اطلبي من الله سبحانه وتعالى والله اكيد مابيخب انسان يبي يتقرب منه
2
05-08-2006 | 06:04 PM
الله يثبتك ويعينك ويعيننا وان شاء الله لن انساكي من دعائي..وفقك الله
س
06-08-2006 | 12:11 AM
حبيبتي سوي بنصيحتي و ان شاء الله بتنحل المشكلة
حطي المنبه (مثل ما ذكرت الاخت اللي قبلي) بعيد عشان تقومين تصكرينه
و خلي سجادة الصلاة بالقرب من المنبه عشان اول ما تشوفينها تذكرين صلاتج
اذا ما نفع المنبه حطي منبهين
انا اعرف وحدة نفس مشكلتج بالضبط و قدمتلها نفس النصيحة مع قراءة القران
سبحان الله الحين هي باحسن حل الحمدلله
و اذا استفدتي عفية ابي دعوة من قلب ان الله يفرج عني همي و يرزقني اللي ابيه :)
حطي المنبه (مثل ما ذكرت الاخت اللي قبلي) بعيد عشان تقومين تصكرينه
و خلي سجادة الصلاة بالقرب من المنبه عشان اول ما تشوفينها تذكرين صلاتج
اذا ما نفع المنبه حطي منبهين
انا اعرف وحدة نفس مشكلتج بالضبط و قدمتلها نفس النصيحة مع قراءة القران
سبحان الله الحين هي باحسن حل الحمدلله
و اذا استفدتي عفية ابي دعوة من قلب ان الله يفرج عني همي و يرزقني اللي ابيه :)
ا
06-08-2006 | 01:18 AM
الله يهدينا و يثبتنا
الصلاه اول الاعمال اللي ترفع الى الله تعالى عشان جذي اختي لازم نحرص عليها قبل اي عمل ثاني
ادعي معاي:
اللهم ارزقنا حبك و حب من يحبك و حب كل عمل يقربنا الى حبك
اللهم اعننا على طاعتك و وفقنا و اهدنا الى ما تحبه و ترضاه
يا رب ما يجي رمضان الا و هو راضي عننا
اللهم امين
لك مني اعذب تحيه
اختك في الله
الريم (f)
الصلاه اول الاعمال اللي ترفع الى الله تعالى عشان جذي اختي لازم نحرص عليها قبل اي عمل ثاني
ادعي معاي:
اللهم ارزقنا حبك و حب من يحبك و حب كل عمل يقربنا الى حبك
اللهم اعننا على طاعتك و وفقنا و اهدنا الى ما تحبه و ترضاه
يا رب ما يجي رمضان الا و هو راضي عننا
اللهم امين
لك مني اعذب تحيه
اختك في الله
الريم (f)
R
06-08-2006 | 01:28 AM
محرقية وافتخر
":"
":"":":
":":
":"
":
":::
اختي الغاليه
مثل ما اذكرو البنات خلي المنبه بعيد عنج اكيد ما معاج احد بالغرفه صح ؟؟ اذا اي
خلي احد ينام عندج بالغرفه اختج او امج الى ان تعدين هالمرحله
واكثري من الاستغفار .
وممكن بعد تشربين من المنبهات الشاي القهوة يعني اذا صار العصر وبتنامين او الظهر شربي قهوة او شاي
وبطلب مثل ماطلبو البنات اذا فادة الطريقه ابيج تدعيلي من قلب
أختج
أم زهراء
":"
":"":":
":":
":"
":
":::
اختي الغاليه
مثل ما اذكرو البنات خلي المنبه بعيد عنج اكيد ما معاج احد بالغرفه صح ؟؟ اذا اي
خلي احد ينام عندج بالغرفه اختج او امج الى ان تعدين هالمرحله
واكثري من الاستغفار .
وممكن بعد تشربين من المنبهات الشاي القهوة يعني اذا صار العصر وبتنامين او الظهر شربي قهوة او شاي
وبطلب مثل ماطلبو البنات اذا فادة الطريقه ابيج تدعيلي من قلب
أختج
أم زهراء
ا
06-08-2006 | 02:14 AM
الله يشفيك ويعافيك ويرفع عنك وعن كل مريض مسلم
انا بقول لك كيف اتصرف اذا انقلب نومي
مثلا نمت الصبح متاخر
احط المنبه حق الجوال على ساعة اذان الظهر واقوم اصلي وارجع انام الين صلاة العصر واقوم للعصر وارجع انام وهكذا ... ماشاء الله تبارك الله تعودت على هالنظام اذا انقلب نومي
وصدقيني اذا عودتي نفسك تقومين للصلاة وترجعين تنامين مارح تتضايقين
ورح يجيك النوم عادي
بالبداية ممكن تتنكدين ومارح تقدرين ترجعين تنامين لكن مع التعود كل شي بيصير طبيعي
طبعا حلي هذا بحال انك ماقدرتي تعدلين نومك
اما اذا حاولتي وقدرتي تعدلينه فهذا افضل حل
انا بقول لك كيف اتصرف اذا انقلب نومي
مثلا نمت الصبح متاخر
احط المنبه حق الجوال على ساعة اذان الظهر واقوم اصلي وارجع انام الين صلاة العصر واقوم للعصر وارجع انام وهكذا ... ماشاء الله تبارك الله تعودت على هالنظام اذا انقلب نومي
وصدقيني اذا عودتي نفسك تقومين للصلاة وترجعين تنامين مارح تتضايقين
ورح يجيك النوم عادي
بالبداية ممكن تتنكدين ومارح تقدرين ترجعين تنامين لكن مع التعود كل شي بيصير طبيعي
طبعا حلي هذا بحال انك ماقدرتي تعدلين نومك
اما اذا حاولتي وقدرتي تعدلينه فهذا افضل حل
M
06-08-2006 | 02:24 AM
اختي احنا بندعيلج بس بعد الحل في ايديج انت في الاول والاخير وهذي صلاه مب شي هين ودامج تحسين بالندم وعدم الراحه يعني الحمدالله الايمان في قلبج مثل ما قالت وحده من الخوات
ومثل ما قالوا الخوات ما قصروا ماشاء الله حطي المنبه..واذا لزم الامر حطي بدل المنبه اثنين ثلاث لين ما تنحل المشكلة وان شاء الله الله يسهل عليج وتحافظين على صلاتج في وقتها والله يثبتج ويثبتنا
ومثل ما قالوا الخوات ما قصروا ماشاء الله حطي المنبه..واذا لزم الامر حطي بدل المنبه اثنين ثلاث لين ما تنحل المشكلة وان شاء الله الله يسهل عليج وتحافظين على صلاتج في وقتها والله يثبتج ويثبتنا
ا
06-08-2006 | 12:22 PM
الله يثبتج على طاعتج واعتقد ان هذا من تاثير العين لان دائما اللي فيهم هالامراض الروحية يحسون بخمول وتهاون في الطاعات الله يرفع عنج البلاء اللهم امين
ع
06-08-2006 | 01:11 PM
ماشاء الله عليج 12 ساعه نوم
وانا اتمني انام 6 او حتى 5 ساعات متواصلة
المهم
اسمحيلي... المشكلة مش مشكلة انك متغطية او لا... ولا سالفة تسمعين اغاني اولا
انتي عندك حاله هروب من شيء ما.... انتي تهربين من الواقع وصار النوم عندك مثل المخبأ
شوفي نفسك ...حلي مشاكلك ...انوجدت ...مارسي الرياضة وخصوصا السباحة
عودي نفسك على الصحيان البدري
ياحلو القعدة الصبح مع الترويقة التمام والتمشي بالسوق او النادي الصحي
الله وياك....
وانا اتمني انام 6 او حتى 5 ساعات متواصلة
المهم
اسمحيلي... المشكلة مش مشكلة انك متغطية او لا... ولا سالفة تسمعين اغاني اولا
انتي عندك حاله هروب من شيء ما.... انتي تهربين من الواقع وصار النوم عندك مثل المخبأ
شوفي نفسك ...حلي مشاكلك ...انوجدت ...مارسي الرياضة وخصوصا السباحة
عودي نفسك على الصحيان البدري
ياحلو القعدة الصبح مع الترويقة التمام والتمشي بالسوق او النادي الصحي
الله وياك....
ا
06-08-2006 | 02:01 PM
بندعي لك الغاليه ولايهمك
بس حاولي تساعدين نفسك مثل ماقالوا العرايس
روحي ارقدي في غرفة حد من أهلك عشان تقومين معاهم للصلاة
والله يحفظك
حاولي قراءة سورة البقرة ويس وادعي
بس حاولي تساعدين نفسك مثل ماقالوا العرايس
روحي ارقدي في غرفة حد من أهلك عشان تقومين معاهم للصلاة
والله يحفظك
حاولي قراءة سورة البقرة ويس وادعي
م
06-08-2006 | 02:14 PM
جزاكم الله خير انا احتجم ورحت للطبيبة قالت ما فيج شيء سليمة ماشاء الله وانام من بعد العشاء واضبط الساعة على وقت صلاة الفجر ومرة اصحى ومرة ما احس بالساعة حتى اهلي عجزوا لا يكسرون الباب علي اخلي الباب مفتوح لكن لا شعوريا اقفله بع ما يروحون اهلي واذا خذوا المفتاح اقعد ابكي واتم سهرانة ليما احصل المفتاح وترجع لي نوبة النعاس عند وقت صلاة العصر يعني عند كل وقت صلاة احس بنعاس شديـــــــــــــــــــــد
والله تعبت لكن الحمد لله وانا كنت مصابة بالسحر لكن الله شفاني وانا ما اوسوس بالنسبة للعين الشيخ اكد لي هالشيء واقرا على نفسي لكن احس كلما اقرا كلما كسلي يزيد وطاعتي تقل الله يغفر لي ويثبتني على طاعته ويجزاكم الجنة
والله تعبت لكن الحمد لله وانا كنت مصابة بالسحر لكن الله شفاني وانا ما اوسوس بالنسبة للعين الشيخ اكد لي هالشيء واقرا على نفسي لكن احس كلما اقرا كلما كسلي يزيد وطاعتي تقل الله يغفر لي ويثبتني على طاعته ويجزاكم الجنة
س
06-08-2006 | 06:32 PM
حبيبتي شغلي القران في غرفتج و خاصة صورة البقرة خليها على طوول تشتغل