قالتلي عملية شسوي ساعدوني ...

السلام عليكم عزيزاتي

بغيت مساعدتكم لي وانشاالله ما تخذلوني :sad:

انا حامل في الشهر التاسع وهذا اول حمل لي .. وكان كل شي ماشي على ما يرام ولله الحمد

لين البارحه يوم سرت موعدي في المستشفى كالعاده وانصدمت :sad: يوم خبرتني الدكتوره انه

راس الجنين سار فوق وانا فعلا كنت حاسه بضغط على القفص الصدري من كم يوم ... المهم انها

قالتلي انه الجنين منجلب راسا على عقب وانا الحين في الاسبوع 39 يعني المفروض انه ما يتحرك

وايد بس الله رايد انه يتحرك مع اني الاسبوع اللي قبله كان وضعه طبيعي الحمداللله بس شو اللي

صار مادري .. انا سألت الدكتوره اذا كان في شي اقدر اسويه يغير وضعيه الجنين قالتلي لا

حتى المشي مايخصه في حركة الجنين :confused:

انا وايد مضايجه مب من العملية بحد ذاتها قد ما مضايجه من اني احاتي وزني واني ما راح اقدر

اسوي الطقوس اللي تسويها المربيه طبيعي ( الحصاه والحزام وشرب السوائل اللي تنزل الوصخ )

مادري اذا معلوماتي صح والا لا بس هاللي اعرفه اني ماقدر اسوي شي عسب تروح الكرشه ؟؟

خواتي اي وحده مجربه العمليه او عندها خبره من حد تقولي شو اقدر اسوي عسب استرجع

صحتي ووزني مثل ما كان مع العلم اني زدت 10 كيلو ومب عارفه شسوي :angry:

اتريا نصيحتكم ومساعداتكم لي :confused:

لا تبخلون علي بالنصيحه :sad: