بنات الامارات بسرعه ردوا علي

صح و نسيت اسالكم من وين اسوي مسكه للعروس في بوظبي و شو هي الموضه احين
بعد اسبوعين تقريبا عرس اختي اتمنى تردون علي

والله ماعندي اي معرفه بخصوص بوظبي

ياريت قدرت اساعدج

ميكب عندج نجلا ×عجمان×

مسكات عندج في داماس او حدائق الروز ×شارجه*×

حنا سوق الحمريه ×دبي×

اذا تبين مكياج عرايس مانصحج بمنيره يالغاليه لانها مزاجيه وانا ربيعاتي مجربات عندها اعرف حتى اسلوبها مش اوكي والحق ينقال ..

اذا تبين في عندج عاشه شويطر البحرينيه .. وفي وحده اغلب عرايس دبي يحطن عندها اسمها داليا لبنانيه ..واذا ماحصلتي عندهم عندج الصالون اللبناني وايد حلو واغلب بنات المنتدى مسويات وبيسون عنده .


واذا تبين المسكه عند سفير للزهور مسكااات رهيبه واتجنن والموضه الحينه كرستال ولولو .. روحوله وهو بيخبركم ..


وعن الكرستال مال الموضه عندج في مركز مدينة زايد اشياء حلوه كرستالات حلوه ورهيبه تلقينهن برع ب 600 واكثر لكن عنده هو ع 100


وعن الرموش هاا مادري عنه والله ..


اذا تبون حنا في وحده اتحني عرايس اسمها عوضيه هاي سودانيه .. وحناها وايد حلو الشيخات يتحنن عندها .. وفي وحده ثانيه اسمها هوما ا هيه فدبي واتي حق العروس ب 2000 اذا فبوظبي انا حاجزه عندهاالصراحه نا ماجربتها بس ربيعااااااتي وايد يمددحنها ..


وعن الدخله او الزفه


مثلا ممكن اتسوون كوشة الف ليله وليله واتيبون هنتين يمشون جدام العروس وايسون عرض الف ليله وليله ..


ممكن اتسون كوشة فراعنيه واتيبون هنتين لابسين لبس فراعنه ويدخلونها بدخلتهم الفرعونيه ..



وممكن اتسسسون الدخله الصينيه اتسون الكوشه كلها مال الصين وجي واتيبون بعد هنتين يمشون ويرقصون الرقصه الصينيه

في وايد افكار بعد للزفات لو قريتي في هالقسم ..

واتمنى اني افدتج واذا تبين اي شي خبريني وانا حاضره تبين ارقامهم بطرشلج ..

مرحبا الغالية

اختي ظبية بوظبي كفت ووفت بس حبيت اضيف على كلامها بالنسبة للمكياج:

صالون دولا حلو بس عاشة البحرينية شغلها احلى وتسوي حق العروس ب 4000 بس شوفيها ما بقى شي عن عرس اختج واحتمال تكون مشغولة وبالنسبة لالاكسسورات مثل ما قالت ظبية بوظبي في مدينة زاايد عند محل ازياء اليوم ، الظبيانية و كوستاريكا بس كوستاريكا احلى

المسكاات عندج All season , peace of Art , الوها والسفير والحنايات عندج صالون ام حمادة والحناية ام داليا بعد حلو حناها

ان شالله اكون افدتج ودعواتج لي عرسي قريب والله يتمم لنا على خير

واذا بغيتي ارقام عاشة والحنايات برسلج على الخاص

السمووحة منج

يزاكم الله خير و الله ما قصرتوا

صدق انا اتصلت في منيره و احس ان ما عندها اسلوب في التعامل و رافعه خشمها ماادري على شو و ما بقي شيء عن عرس اختي ماادري عند منو بصراحه اوديها احترت

حبيبتي مكياج بيوتي بالاس كتيييير حلو وفيسز اللي بالخالدية كمان حلو بنصحك بمكياج بيوتي بالاس أو باريس غاليري الخالدية بس بالنسبة للرموش فيكي تشوفي المحلات اللي بتبع أشياء الصالونات متل نزيه أو ماضي ..أتمنى تكوني استفدتي من مشاركتي المتواضعة والله يوفقك وما تننسونا من دعائكم الطيب

مشكوره اختي و تسلمين وما قصرتي و بشوف ان شاء الله

اذا تبين مكياج غريب و يشكل العيون على شكل فراشه ... عندج منى الحمادي ... واذا قلتيلها ماعيبني والله عن تجربه 3 مرات عادي تغيره حقج ... اذا حبيبتي رقمها راسليني عالخاص ..

شكرا للبنات ماقصرو على الردود بس حبيت اقولج ان مكياج منيره وايد حلو وروعه ترسم العيون رسم حلو وفضيعه الصراحه في تغير شكل العرايس انا شفت مكياجها في عرس ربيعتي وايد حلو الكل كان يمدح المكياج وغيرتها 180 درجه والله انصحج اتخلين خواتج يسون عندها ومابتندمون وانتي ماعليج من اسلوبها المهم التعديل واتكونون راضين عن نفسكم انا الصراحه كلميتها وحجزتها حق عرسي ماشوف اسلوبها ممب حلو عادي المهم على راحتكم وين تبون اتسون المكياج

انا بس انصحك تجيبين في عرس خواتك المطربه عهودالسعوديه تحيي ليلة العرس والله مررره روعه صوتها والطق الي عندهاجنااان واهيا موجوده في الامارات واذا تبين رقمها برسلك عالخاص حبيبتي اما بالنسبه للمكياج فالبنات كفو ووفو والف مبروك لاخواتك