بنات دبي تعالوووو دلوني؟؟؟

مراكزنا الله خير فيها ملابس بالهبل و من كل صنف و نوع

عندج
ديره سيتي سنتر (( فيه كل شي ملابس نسائيه .. بدل مناسبات .. بدل اطفال .... ))
اللامسي بلازا عندهم تنزيلات الصيف وايد حلوه اسعارهم و بعد عندهم كل شي
برجمان فيه ملابس فخمه للأطفال للعيد بس شوي غالي
حمر عين فيه محلات قطع للمناسبات و فيه محلات فساتين و محلات عبي و شيل
سنشري مول فيه محلات بدل نسائيه و ملابس داخليه و محل احذيه فوق رخيص و وايد حلوه موديلاته للأطفال و الكبار
مركز البستان فيه محلات قطع و محلات اطفال و محلات عبي و شيل و محلات عطور و بخور و محلات فساتين و في عندهم محلات جلابيات حريمي حلوه مثل محل اسمه االهودج و المحلات المقابله له عندهم اشيا حلوه

مركز الممزر فيه محل فساتين و جلابيات فوق الطابق الثاني
عندج سوق نايف و المنال فيه اشيا رخيصه و حلوه و خفيفه
مركز ابوهيل في الدور الأ{ضي في محلات قطع و محل بدل للمناسبات الخفيفه مثل العيد اشيا حلوه و رخيصه و فوق دورين فيهم عبي و شيل موديلات ما تخلص طبي و تخيري
و جنب مركز ابوهيل في محل شومارت عندهم و انتي بكرامه نعول و احذيه حلوه و جنبه من الناحيه الثانيه في محلات جلابيات للمناسبات بس روعه تنفع للعيد و العزايم و اسعارهم حلوه و ساعات يسوون عروض الجلابيه ب 100 درهم و يكون سعرها الاصلي 400


وين وين بعد خليني اتذكرلج
جنب مركز حمرعين في محل اسمه راجوبلازا بعد عندهم جلابيات شغل هندي بس روعه انا دايما اتعامل معاهم

مراكزنا اليديده مول الامارات و ابن بطوطه عندهم اشيا حلوه بس مكانهم بعيد و شوي غاليين
بس بن بطوطه مسوي تخفيضات تقريبا كل المحلات و عندهم وايد اشيا انا من يومين راجعه منه تنزيلاتهم حلوه

شوفي مري على مركز الملابلازا لو صاير فيه معرض ادخلي.. معارضهم حلوه و تغنيج عن السوق لانه كل شي عندهم من ربطات الشعر للملابس و الاحذيه و الشنط و العبي و الشيل و الكريمات و العطور و الجلابيات و البدل كل شي كل شي

ان شاء الله يا رب يكون معرض وقت ما تزورينا

اي استفسار اخر انا حاضره

ان شاء الله ما اكون قصرت معاج

بالنسبه لمحلات الاثاث والديكور للبيت

في سوق عندنا اسمه السوق الصيني سالي عنه روحي له بيدور راسج من اللي فيه
ملابس و اثاث و ديكورات و كل شي تحتاجيه لبيتج موجود فيه من كراسي و غرف نوم و طاولات طعام و اكسسوارات للتعديل و التجميل و اطقم الحمامات و انتي بكرامه
و ملابس
و شنط
و العاب اطفال

كل شي فيه بس يبيله يوم كاااااامل تلفين فيه لانه وايد كبير

تحف واكسسوارات سيري (سوق مدينه جميرا) وين فندق السلام تقريبا اغلب المحلات فيه للتحف والزينه وعندهم اسعار غاليه ومعقوله

محل ذا ون موجود في مول الامارات وبعد في محل مستقل ع شارع جميرا مقابل مركز بالم ستريب
محل زارا هوم موجود في مول الامارات وفي مركز بالم ستريب
محل ون ورلد في ابن بطوطه
جواد هوم في مركز الستي سنتر
Baiti بيتي في مركز تاون سنتر في جميرا
^
^
عندهم اكسسوارات للديكور حلوه وايد بس الاسعار في غالي وفي معقول

محل هوم سنتر في مركز ميركاتو ومول الامارات <<<اسعارهم معقوله
محل لايف ستايل في مول الامارات وفي بن بطوطة وما اعرف وين بعد الفروع الثانيه <<بس اسعارهم معقوله وعندهم تشكيلات وايده للتحف والاكسسوارات

ايكيا موجود في دبي فيستفال سيتي بجانب جسر القرهود

ومثل ما قالت الاخت ذا دراقون مول السوق الصيني فيه بعد كل شي من تحف واكسسوارات والخ واسعارهم رخيصه


التنانير الفخمه وفيها حركات عندج مركز وافي فيه محلات حلوه مثل نكست ومحلات الملابس الجاهزه بس الاسعار يمكن تكون غاليه

وهذي مواضيع ان شاء الله تفيدج عن محلات الفساتين:

http://www.3roos.com/forums/showthread.php?t=185999

هذا الي في بالي الحين واذا تذكرت شي بكتبه ان شاء الله والسموحة

حياج الله في دبي

الله يعطيكم العافيه ياسحايب دبي ودرك انجل ماااااااااقصرتوا والله دعيتلكم من كل قلبي
:clap: :clap: :clap: :clap: :clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap: :clap: :clap:
:clap: :clap: :clap: :clap: :clap: :clap: :clap:
:clap: :clap: :clap: :clap: :clap:
:clap: :clap: :clap:
:clap: :clap:
:clap:

ماشاءالله الأخوات ماقصروا

وعندج محل هومز آر اس .. في مزايا على شارع زايد عندهم تحف واغراض للبيت .. وحاليا عندهم خصم 50%

بالاضافه الى محل مااااكس اكسسواراتهم روووعة ورخيصه عند بوهيل والثاني صوب برجمان اظن
ولاتنسين تشوفين الملابس عندهم

الله يعافيج اختي ويزاج الله خير على الدعوه ونحن في الخدمه

والاخت بيزنس غيلر بعد ما قصرت وصدقها هالمحل عندهم اشياء حلوه واسعارهم معقوله بعد

وبغيت اقولج في مول الامارات اكثر من محل وتقريبا كلهم عدال بعض وين محل (ذا ون) بس ما تحضرني الاسامي الحين


وحياكم الله في دبي والسموحه