أيش قصة الحمام المغربي معايا ...

اريد اجبر بخاطرج وجاوبج بس ادعيلي بالخير

من شروط نجاح الحمام المغربي

1_ لازم ما يكون اي زيت او اي كريم على جسمج يعني اذا ناويه تسوينه

في اليل اذا قمتي الصبح واتسبحتي افركي جسمج بالصابون وافضل الغار

ولا تحطين اي زيت ولا كريم .

2_ لازم تغسلين جسمج بماي وتتعرضين للبخار شوي او تنقعين جسمج

في ماء دافي جدا لين يطر ويحر .

3_ لازم وضع الصابون على الجسم وانتي دافيه وبعدين اطولين في البخار

10 دقايق او تشغلين رشاش الحمام وتقعدين فيه او بعد ما تحطينه على

جسمج ب10 دقايق تغطين نفسج في الماي الدافي نص ساعه .

4_ بعدين لازم تغسلين جسمج من الصابون زين ما زين ولا تخلين شي ابدا

يكون خالي من الصابون .

5_ تقعدين في مكان نظيف مافيه صابون وتبلالين اليفه وتبتدين تدلكين

بشكل دائري من الريول لاعلى عشان الدوره الدمويه وشوي شوي شوفي

البلاوي الي تطلع وانشالله اكون افتج .

ولا تنسين بعد الحمام المغربي هاتي زيت لوز حلو مع سكر خشن وعسل

ابيض وابتدي بالسكراب بس بشويش لا تجرحين نفسج بدون ليفه ونعيما

اختج عفراء الغيد

مشكورة اختي عفراء الغيد على اهتمامك والله يةفقك ويرزقك بالزوج الصالح كانك ما تزوجتي وان كانك متزوجة الله يرزقك بالذرية الصالحة اللهم آمين

بس احب اقولك اني مسوية نفس الطريقة اللي قلتيها وما كان على جسمي اي زيت او دهون بالعكس تحممت عادي بالصابون وبالماء الحار وبعدين حطيت الحمام المغربي لكن النتيجة صفر :confused: :D