ساعدونى قبل ما اجن ؟؟؟؟

خشخاش

حرام عليج

الغاليه

ابعطيج كم نصيحه ان شاء الله تستفيدين منها

1- لا تنسين الاذكار و التحصين على الطفل قبل لا ينام
2- خلي آخر رضعه للطفل يكون فيها نصف بسكوته تذوبينها بالماي قبل لا تذيفين له الحليب علشان تثقل له بطنه و يحس انه شبعان و ينام فتره اطول (( انا استخدم بسكويت فارليز لانه سريع الذوبان و خفيف على المعده
3- احرصي انج تلبسينه اوفراوول خفيف و مريح ما يكون في حدايد او شي بالظهر علشان ما يتضايق و يتألم منها
4- حمميه قبل النوم و سويله مساج خفيفه بيحسسه بالنووده و التعب من الحمام و بيناملج فتره اطول
5- حطي كريم على راسه قبل لا ينام احيانا طلوع الشعر يضايق الطفل
6- حطي له بودره خفيفه على البامبرز لانه بيحسسه بالجفاف حتى لو بلل البامبرز بيظل جاف و مرتاح
7- اذا شرب الحليب شيليه على حضنج و دقدقيله ظهره شوي علشان تطلع الغازات و يرتاح
8- خليفه بحضنج شوي بعد ما ينام علشان يحس بالأمان و بعدين نزليه على خفيف في السرير
9- لفي ايده بقماس خفيف و حطي غطا ثقيل على رجلينه لانه الطفل ابسط حركه تخوفه و توقضه من نومته مفزوع

سمي عليه و ان شاء الله هالنصايح تفيدج
جربيها الظهر و المسا بتشوفين و الله الطفل يرتاح و انتي ترتاحين معاه

عن تجربه :)

اختج
ام عبدالله

اشكرك كثير على هالنصاءح راح اجربهم اليوم بإذن الله بس بقول لك :


الإذكار : اسمي عليه دوم واقرأ عليه .
الرضعات: احط له دائماً من اسبوعين الحين ملعقتين حليب وملعقتين مالوبا عيش بالحليب وقطعة
بسكويت بس مش فارليز.........بكل الأوقات مش بس بالليل.
اللباس: كنت احطه في Sleepy Bag كان يرتاح بس ما يحبه الحين صرت انومه على جهة
غصبا عنه لأن صار راسه مثل الصحن من كثر ما تعود ان ينام على راسه.......فصرت
البسه لباس كامل خفيف قطن.
الإستحمام: سمعت ان الإستحمام زين للبيبي بس هل احممه الساعة 9 واخليه ينام بالإيسي اخاف
يمرض.
كريم للشعر: شنو تقصدين اي كريم كل ليلة اخلي له ، او زيت تقدين يلقلق شعره وروحه.
بودره: ما استخدم له ولا شي لأن فيه اكزيما وانا مبتعده بتاتاً عن البودرة مسكين
ولدى.
الحليب : بعد ما اعطيه الحليب انزين يطلع الغازات واطبطب على ظهره ينام بعدين يجلس يبكى
يبكى صار تعود ان ما ينام الا والمرضعة بفمه يشرب وينام .
القماط: اشلون تقصدين اسكر ايدينه يعنى اقطه كامل هو ما يحب اقمطه بتاتاً ... فإشلون
الف ايدينه فقط.
واشكرك على هالنصايح راح اجرب اليوم اعمل نفس الشي ونشوف........

أختى نودو، مسكين هالولد والله بهدلتيه،، كم مرة قلت لج نوميه ببيجامة شبك من الراس الى القدم أدفى له،، أنت قاعدة تضرينه بلباس القطن الخفيف،،، حمميه بالليل قبل النوم ومثل ماقالت الأخت سحايب، سوي له مساج خفيف، حطي البودرة، دفيه..
لا تنومينه بالنهار، حاولي تخليه الى الليل يكون ينام مرة وحده، جربي ماء غريب له بيريحه وينومه بس عاد عطيه كمية قليلة جدا بالليل...
هذول هم العيال لازم نصبر عليهم شوي، بيكبرون وتبقى هذه الأيام مجرد ذكرى...

الله يكون بعونك بس خشخاش حرام والله
جربي تستخدمي ماء غريب كتيير حلو بهديه وبنيمه بالاضافة لما ذكرته الاخت فووق والله المستعان

اي كريم حبيبتي مثلا صانسيلك ما عليه خلي شعره يلمع شو المشكله لو هو مرتاح

و بالنسبه للبودره مو كل جسمه بس منطقة الحفاظ حتى انا بنتي عندها اكزيما بس استخدم لها بودره خفيفه علشان ما تحس بالرطويه و تقوم متضايقه

و لما تحممينه قبل النوم اطفي الايسي و لبسيه و لفيه و نشفي شعره و قبل لا ترضعينه شغلي المكيف و لا تجلسين في دفعة الهوا خليكي في مكان بعيد بس تحسين بالبروده

و لبسيه شبك كامل مو قطن خفيف يمكن المسكين يبرد و يقوم يصيح ترى الشبك ادفا له

و بالنسبه للقماط مب لازم ترصينه بس لفه خفيفه تخلي ايده ما تتحرك وايد علشان يهدى و ينام
و لو ما يحب القماط خليه لين يرقد و يغط في رقاده عقب لفي ايديه باي لفه خفيفه و لحفيه عدل


الله يهديه يا رب و يبارك لج فيه
طمنينا باجر بالنتايج

اي كريم حبيبتي مثلا صانسيلك ما عليه خلي شعره يلمع شو المشكله لو هو مرتاح

و بالنسبه للبودره مو كل جسمه بس منطقة الحفاظ حتى انا بنتي عندها اكزيما بس استخدم لها بودره خفيفه علشان ما تحس بالرطويه و تقوم متضايقه

و لما تحممينه قبل النوم اطفي الايسي و لبسيه و لفيه و نشفي شعره و قبل لا ترضعينه شغلي المكيف و لا تجلسين في دفعة الهوا خليكي في مكان بعيد بس تحسين بالبروده

و لبسيه شبك كامل مو قطن خفيف يمكن المسكين يبرد و يقوم يصيح ترى الشبك ادفا له

و بالنسبه للقماط مب لازم ترصينه بس لفه خفيفه تخلي ايده ما تتحرك وايد علشان يهدى و ينام
و لو ما يحب القماط خليه لين يرقد و يغط في رقاده عقب لفي ايديه باي لفه خفيفه و لحفيه عدل


الله يهديه يا رب و يبارك لج فيه
طمنينا باجر بالنتايج

لله يعينك والله..ويخليه لك..
المسكين يحس بمغص من الحليب لأن فيه اطفال مايناسبهم الحليب ابدا..
جربي تنومينه على بطنه بالنهار الين يتعود ينام على بطنه على طول..
بنوتي ما تعرف تنام الا على بطنها لأنهم بالمستشفى شهر عودوها تنام على بطنها ولما جيت البيت ما غيرت الطريقه.. وهذا انسب لها لأنه يضغط على بطنه ويخفف المغص..

اول شي بالنسبة حق الثياب البسه الحين كامل ، وماء غريب يعنى اشلون اعطيه حق عمره يعنى اونس ماء واونس ما غريب او ايش ..... وبالنسبة للنوم على بطنه ياريت ياريت يتعود ينام على بطنه ما يرضى يخاف ويبكى كثير..... وانشاءالله بحاول الليلة اسبحه واخلي له البودر مكان الحفاظ...وانا شريت له بابونج على زعتر وينسون ونعناع بس ما يحبه نفس البابونج كان ينومه لكن البابونج يسبب حساسية مع الطفل اللي فيه اكزيما ووقفت عنه.........

الحين اشلون عن ماي غريب اش كثر اعطيه . وهل مع ماي.

يكون تعبان واحط له المصاصة يريدها يجلس يمسكها بيده ويطلع المصاصة ويجلس من النوم بعدين ويبكى واحط له مرة ثانية المصاصة يبي يلعب بفمه ويطلع المصاصة....

الخوات كفو ووفو بس تحملي من الخشخاش تراه نوع مخدر وحرام لايكون قوي على البيبي وبسم الله عليه يصير له شي

خشخااااااااااااااااااااااااااااااااش مين يلي وصفلك هادي الوصفه الله هداش ؟؟؟؟؟؟؟؟؟؟؟؟؟؟؟ انته عارفه شو هو الخشخاش
هيه نفس النبته يلي يستخرجون منها ماده الافيون ( عافانه الله) عنا وعن عيالنا الله هداش اختي طولي بالك والعيال دوم فيهم عوار للراس بس اصبري وانشاله بصير احسن البيبي شهر عن شهر يفرق وانشاء الله بيتحسن وبصير احسن بس طولي بالك عليه................ ويدتي كان تقولي دوم عطي بيبي قبل ما ينام بساعه مغلي اليانسون بهدي اعصابه وبريحه اذا كان يجيه اي مغص اوشي وكمان يخليه ينام جربي ............... واليانسون مفيد للكبار والصغار وادعيلي لو ارتاح وتحسن
الله يكون معك

حطي نص المرضعه ماي غريب و نصها ماي دافي و شربيه للطفل

و شوفي النتيجه
ان شاء الله خير يا رب

حبيبتي الولد طبيعته جذا وايد متعب
لكن الله يعينج .
أولا : هل عرضتي ع طبيب ؟
لأن ولد أختي مثله ما ينام ويوم عرضته ع الطبيب طلع عنده التهاب بالإذن ، وعالجته والحين ينام طبيعي.
ثانيا : إحذري إنه ينام العصر أو المغرب . ولازم قبل ما ينام تكوني متأكده من :
1- إنه ماكل عدل وشارب ماء كمية كافيه .
2- ومحمم .
3- وتكون رضعته الليلية عبارة عن أعشاب مغلية . أما الحليب يكون قبلها بنص ساعة تقريبا .

رحت مع ولدى الله يحفظه مارينامول ورجعت الساعة 9 وحممته وبعدين حطيت له كريم ليبوبيز وثم حطيت له البودر حول الحفاظ، وثم عطيته الحليب بس ما شرب كامل لأن حظرتى اثقل بالبسكويت وهو يمص وما يطلع الحليب مسكين ، المهم نام الله يحفظه وبعد ثلث ساعة وكل شوى كان يجلس شوى ويبكى بس كنت احط المرضعة بفمه علشان يشرب وينام مرة ثانية وانا نمت من التعب الساعة 11.....واتمنى يظل هالحال كل ليلة..........

طمنينا شو صار الغاليه

لا تثقلين الغاليه وايد بالحليب بتتعبين له معدته

ربع بسكوته تكفيه بسص ثقيله مو تضرينه حرام عليج

و غيري حلمة المرضعه يمكن وايد ضيقه ما يمشي فيها الحليب

هو ما شاء الله اربع شهور لو تحطين له نص بسكوته اوكي بس في نفس الوقت غيري حلمة المرضعه عطيه ال L
و طمنينا عن ليلتك البارحه

]يالغاليه يا بعد جبدي يمكن انج تنوميه وايد باليوم وخاصه الطفل بعد الاربع شهور تتغير نومته

عاد انتي وشطارتج لازم تتعبين معاه شوي علشان تعدلين نومته توقضينه الصبح

وتغدينه وتنومينه العصر وتقعدينه علشان من يصير الليل يكون دايخ وينام ونا اقولج عن تجربه

حاولي ينام 4 مرات بس عاد انت وزعيهم على حسب اللي انتي ترتاحين وبعدين تأكدي ان

ما معاه امساك اذا معاه امساك عطيه زيت زيتون اصلي بالنباله مالت الدوا حاولي تعطينه مقدار

استكانه واذا ما فاد معاه عطيه مره ثانيه شوفي اشلون راح يرتاح

والله يهديلج اياه ويجعله من الصالحين يا رب.

هلا حبيباتي

انا بس حبيت اقول شي
بنتي يوم كانت صغيره جي وماتنام سألت الدكتور على ماء غريب قاللي اي شي من كل هالااشياء خطر على صحة الاطفال، ايوه هي اشياء متوارثه بس الطب اثبت انها مضره

قاللي في اشياء ممكن ما تخلي الطفل ينام
1- انه ينام وايد بالنهار
2- انه يكون بردان، وانا لما ابتديت ادفي بنتي عدل يعني البسها والفها تنام مرتاحه
3- وقاللي الغازات والام ممكن تعرف من طريقه صياح الطفل انه يتألم، وممكن تخلطين شويه كراويا ونعاناع وينسون وتحطين ملعقه صغيره على ماء وتخليه يغلي 10 ثواني وبعدين طفي النار وغطيه لين ما يبرد شوي وصفيه وعطيه للطفل في الليل بس هالشي مب كل يوم.
4- وطبعا الادعيه والتحصين
5- وقاللي اني عودت بنتي على انها دايما في حضني فخلي سريرها لاصق في سريرج من الجهه اللي تنامين فيها ونيميها لانها تشم ريحتج وتطمن

الحين صار لي 3 ليالي احممه بالليل وصار لي احط بودر مكان الحفاظ والفه صار ينام عقب ساعة يجلس يفتح عيونه يحن يصاوى احط المرضعه بفمه طبعا وانا احطه على برد(جهه) علشان راسه انزين اشوفه استسلم لألأمر الواقع واعتقد ان اللف شوي مريحه والبودر اللي بالحفاظ راح اشوف انشاءالله خلال اسبوع راح ينفع او لا بس اقدر انا اخليه يجلس من الساعة كم يعنى آخر نومه له الساعة 6 مثلا علشان انومه الساعة 9 واللف الى اي شهر اقدر الفه ...........(قماط) وانا شاكرة لكم جميعا وياريت انشاءالله يظل على الطريقة انشاءالله وينام من دون مشاكل ولين صرت اروح البيت اخذه من الخادمة واحضنه والعب معاه الى ان انومه والله ما تعرفون يمكن الخادمة تعطيه شي تنومه مخدر او شي ان تعود سم الله عليه ..... والخشخاش بصراحة شفت وحدة بعزيمة سعودية قالت لي عن الخشخاش والا انا ما اعرف حتى الينسون ما اعرفه........

طبعا ماقصرو الأخوات ردودهم حلوه وخاصة سحايب دبي والله استفدت منها كثير وطبقت اللي قالت عليه بس حبيت أضيف معلومه مهمه لان عيالي الله يصلحهم دائما المغص ملازمهم اقري عليه وكرري قوله تعالى (وله ماسكن في الليل والنهار)وانفثي عليه رررررائعه ومجربه