قصص زوجية ناجحة

انا اعتقد ان حتى القصص الزوجيه الناجحه فيها برضه مشاكل انا طبعا مش هحكى قصه جوازى لانى لسه مكملتش 4 سنين جواز ولسه العمر فيه كتير
بس ممكن احكى قصه ماما وبابا بقالهم 31 سنه جواز والف حمد وشكر ليك يا رب كويسين جدا مع بعض وعلى مر السنين كان بيحصل كتير اختلاف فى وجهات النظر بس فى الاخر كانوا بيفاهموا وكتير جدا كنت بلاقى ماما بتتنازل وتروح هى تصالحه عشان مينامش متضايق وبرضه بابا كان بيخاف على ماما من الزعل عشان عنده مشكله بسيطه فى القلب والحمد لله على مر السنين مفيش مرة بابا شتم ماما او ضربها كانوا بيتفاهموا بهدوء ومن غير ما حد يعرف والا مرة ماما سابت البيت كانت تقولى العاقله تحفظ اسرار بيتها ومتسبش بيتها فصدقونى الجواز ماليان مشاكل ومنغصات من الاقارب الجيران الابناء والخ بس لازم الطرفين يكون عندهم استعداد للاستمرار ويا رب اتمنى انى اكون زيهم واكمل 31 سنه جواز وربنا يديهم الصحه وشكرا

هاى توتى وشيكو
ربنا يخليلك والديك وعقبالك لما تكملى 100 سنة مع زوجك كلهم حب وسعادة وتفاهم :shy:
ومين قال علشان انت ما كملتيش 4 سنين جواز ناجح يبقى ما تقوليش قصتك
دا في ازواج بعد شهور من جوازهم حصلت مشاكل وخلافات كثيرة واخرين حصل طلاق 0 فطالما مر 4 سنين كلهم كويسين ان شاء الله هايمر العمر كلة وانتم فى تبات ونبات (f)

انا عن نفسى لى 5 سنين متزوجة من رجل فى مثل عمري وفى مثل مهنتى وبالرغم من انى لم احبة قبل الزواج الا اننى احبة واحترمة من كل قلبى ولا عمرة زعلنى بالعكس انا لما اتعصب معاة لاى سبب لا يتكلم ويتحمل كل كلامى حتى اهدا وفى الاخر انا باروح اعتذر لو كنت غلطانة
وهو كثير العطاء معى لا يكون نفسى فى حاجة الا ويشتريها لى ولا فرق بينى وبينة فحينما يضع المال فى البنك يضع فى حسابى مثل ما يضعة فى حسابة 0وعندما اشترينا السيارة كتبها باسمى وهو لم يكن لدية مال قبل الزواج فلم ناخذ ميراثا من احد وانما بنينا انفسنا معا حتى صار عندنا كل ما نحلم بة ولا افرق بين دخلى ودخلة ولا اقول لة فلوسى وفلوسك وانما نحن الاثنين فى مركب واحد حينما تقل الفلوس ندبر امورنا معا وحين تزيد الخير يعم علينا معا واللة اعطانا طفلة صغيرة هى قرة اعيننا لا نختلف فى تربيتها بل نتفاهم لنعطيها الافضل
وانا وزوجى نختلس لحظات فى زحمة العمل لنخرج كمخطوبين ويعزمنى خارجا او ينزهنى على سفينةحتى لا ندخل الملل الى حياتنا الزوجية
واذا اختلفنا انا وهو على شئ لا يعرف اهلى او اهلة لان تدخل الاهل احيانا يفسد الامور
ولم اترك بيتى ولو لثانية ولم اذهب مكان بدونة فهو معى كظلى لا يفارقنى فى المنزل او العمل او العطلات ونحن ليس بزوجين فقط وانما
زوجين صديقين اخوين متحابين
ربنا يحفظة لى سالما غانما هو وابنتى :clap:

ان شاء الله وليس انشاء

انا لسه ما تزوجت بس بحكيلكم عن اخت صديقتي

تزوجت اخت صديقتي وجلست 4اسنين تحاول تجيب اطفال بس ماقدرت لي انو الحمل عندها ضعيف كل ماتحمل يطيح الطفل وكان الجميع يقول لي الرجال تزوج لاكن هو رفض يتزوج على زوجته وذيك اليوم واسمع من صديقتي انو اختها جابت ولد وانو حملها قوه ماشا الله تبارك الرحمن عندها الحينولدين والثالث في الطريق
وهي الحين سعيده مع زوجها ومع اولادها شفو ماشا الله تبار الرحمن كيف كان يحب زوجته
الله يسعدهم يهنيهم

يسلمووووووووووووووووووووووو دلبي على الموضوع

شكرا يا شهودة على قصتك الجميلة والصغيرة التى تعلم الكثير

فكم من رجل ترك زوجتة لاجل الحمل والاطفال ولم يتمسك بها فى ذنب ليس بيديها وكانت حياتة بعد ذلك جحيم لانة ظلم زوجتة

ولان زوج صديقتك رجل عادل احبة الله واكرمة ومع زوجتة الذى يحبها واعطاة بدل الطفل ثلاثة

سبحان الله:clap:


الله تكتب ه وليس ة

شكرا يا كاتى اولا على موضوعك وثانيا على كلامك اللطيف وربنا يخليلك جوزك ويباركلك فى بنوتك القمورة
انا والحمد لله متجوزة عن حب وجوزى راجل بيعرف ربنا وبيخاف عليا وعندى منه ولدين توتى وشيكو وانا وهو مرينا بمشاكل كتير عشان نتجوز والحمد لله اتجوزنا وبقالنا اربع سنين الا 3 شهور ومش هقولك مفيش بينا مشاكل احنا زى اى زوجين احيانا بنتفق واحيانا بنختلف الغريب فى علاقتى بيه ان نقاطنا المشتركه بنكون فيها متفقين بنسبه مليون الميه ونفس الاراء اما الامور اللى بنختلف فيها بنبقى زى الليل والنهار بس بينى وبينك هو عنده حق لان انا انسانه جايه من كوكب تانى فيه كل الناس بيض وزى الملايكه وهو عقلانى وشايف انى لازم يبقى عندى نضوج واعرف ان النفوس والظروف بتتغير والف حمد وشكر ليك يا رب اننا كويسين مع بعض وبنخاف جدا على بعض وربنا يديمها علينا نعمه وعلى فكره قصتى معاه انا كتباها بحذافيرها فى المنتدى ابقى اقرىيها لو عايزة تعرفى خلفيه الموضوع

هلا ام شيكو وتوتى

ربنا يديم سعادتك ويخليلك اسرتك الصغيرة:clap:

فين الاقى قصتك الكاملة:clap:

هاى كاتى اخبارك ايه ؟ وايه اخبار بنوتك ؟ يا رب تكونوا فى احسن حال هتلاقى القصه فى قصص من الحياه اخر الصفحه التانيه تقريبا فى نفس المنتدى

شكرا لك اختي العزيزة كيتي على موضوعك الرائع
الذي سوف يكون فيه مشاركات كثيرة من الاخوات العزيزات
التي سوف نستفيد منها جميعا
فالحياة الزوجية مهما كانت لابد فيها السعادة وفيها التعاسة
فطبيعي ان يتم اختلاف الاراء ومشاكل وشجار
فهذه هي بهارات الحياة
وتزيد من الشوق والمحبة بين الزوجين
فنحن بانتظار مشاركاتكم


دمتم سالمين
اختكم شريفة

شكرا يا اخت شريفة على كلامك الجميل لى وتدعيمك لنا
وانشاء اللة كل الاعضاء يكون عندهم قصص زوجية ناجحة ويكتبوا قصصهم معانا


حبيبتى ام توتى وشيكو
قرات قصتك وحقيقى قصة ولا فى الاحلام فلا عجب صاحبة هذة القصة الجميلة لدرجة الخيال ان تعيش حياة زوجية ناجحة طول العمر فمن وقف ربها بجانبها لتتزوج من حبيبها سوف يكتب لها النجاح طول العمر ولن يتخلى عنك :clap:

شكرا على قصصك الجميلة وصداقتك الاجمل :shy:
سلامى لتوتى وشيكو :clap:

شكرا كاتى على كلامك الرقيق جدا جدا جدا وبدعيلك من كل قلبى يديم عليكى الحب وراحه البال ويباركلك فى بنتك وتكون الايام اللى جايه كلها مليانه خير وسعاده ان شاء الله وانا من حسن حظى انى قريت موضوعك ورديت عليه واتشرف بصداقتك وانا تقريبا كل يوم بدخل المنتدى بس فى السهره وبوسيلى بنتك القمورة

توتى وشيكو:
شكرا كاتى على كلامك الرقيق جدا جدا جدا وبدعيلك من كل قلبى يديم عليكى الحب وراحه البال ويباركلك فى بنتك وتكون الايام اللى جايه كلها مليانه خير وسعاده ان شاء الله وانا من حسن حظى انى قريت موضوعك ورديت عليه واتشرف بصداقتك وانا تقريبا كل يوم بدخل المنتدى بس فى السهره وبوسيلى بنتك القمورة

اهلا يا ام توتى وشيكو

بنتى باعتة لك بوسة كبيرة:gum:
وطبعا احنا بقينا اصدقاء من زمان وانا مواعيدى متاخرة شوة بعد ما ارجع من الصيدلية بعد12 مساء بخلص شغل البيت وادخل منتدى عروس اللى فية كل حاجة :clap:

وياريت المواضيع الحلوة اللى تجمعنا ما تخلصش

بوسيلى توتى وشيكو وامهم:shy: