حوامل البحرين .. وتجهيزاتهم

ا

المحرقية

عروس نشيطة

31-07-2006 | 08:59 AM

مرحبا بالكل ..

بس عندي سؤال ،، صراحة مو عارفه شنو آخذ وما آخذ ..

هذا أول حمل لي والحين انا في الثامن ..

صراحة حتى محتارة وين الأماكن اللي اشتري منها ملابس البيبي وملابسي

ومحلات تسوي الشنط والمراقد

حتى السرير للطفل في بيت أمي شلون لازم يكون نوعيته ..

والتوزيعات ابي اشياء حلوة ،، بس يكون سعرها جداً مناسب ..

ابيكم تساعدوني فديتكم ..

b

bent el ba7rain

عروس مبدعة

31-07-2006 | 09:30 AM

هلا حبيبتي انا بعد بالسادس بس للحين ماخدت شي وبعد اول بيبي وماعرف الكمية ولا شي بس درت جم محل للتوزيع وجفت الاسعار والاشكال...

رحت مذركير اللي بالسقية والمارينا اشياءه وااايد حلوة ورخيصة وصراحة مفكرة اخد منها لان جفت بعض اللي بالبيوت شغلهم غالي ونفس المستوى..
مذركير اللي بالسيف وجيان اغراضه اقل وماعنده اشكال وايد بس اسعاره وايد غالية لانه الاصلي..
مذدركير يبيع الاطقم كاملة ونفس الشي من ايه تو زد

رحت بعد محل ريام اللي يم صيدلية ناصر بالزنج ماعنده اشياء معروضة الا شوي بس اسعاره غااالية

اقتنعت اخيرا اخد من مذرطير اللي بلمارينا

التوزيعات:
رحت الفرندا يبدأ التوزيع تقربيبا من دينار واغلب المحلات جديه بس الناس كلها مسويه هناك

تلاقين بالمحلات الصغار اللي مو معروفة وايد شغلات احلى ومو مكررة وارخص تقريبا الحبة 800 فلس انا جفت عند عشتار مقابل مجمع البحرين وجفت في محلات جدعلي بعد واكيد الرفاع بعد متروسة..

انا للحين مااستقريت على التوزيع بس في بالي بعض الشغلات وراح انشالله اسويها

مذركير ييج السرير الكبير اللي لعمر 4 سنوات تقريبا مع الفراش ناله والستاره والشنطة وسرير السلة والمفرش والبساط وكل الاشياء نفس الديزاين ..

انا باخد السرير الكبير حق شقتي للبيبي وباخد اللي مثل السلة بالستاند ماله حق المستشفى وبيت امي فترة الاربعين..

هذا اللي في بالي الحين واذا حصلت اي شي بذكره...

ياريت في تفاعل من بنات البحرين عشان نفيد ونستفيد..

ا

المحرقية

عروس نشيطة

31-07-2006 | 11:30 AM

مشكورة أختي بنت البحرين

أنا رحت خذيت من ماذكير اللي بالمارينا .. ثياب ولحاف .. وخذيت من bhs .. وقلت باخذ من ماذكير اللي بالسيف .. رحت محل للأطفال في مجمع ناصر .. وايد غالي هذا وعنده تخفيض .. خذيت مرضعات ثنتين وحدة صغيرة ووحدة عودة .. وحصلت هدية مهاد (قماطات) وملابس خياط خياط خفيفة .. أفكر اسوي قماطات عند خياط عادي واخذ شلش وزيج من هوازن وشغلات رسومات الصقها على القماطات .. وباسوي ثياب الخفاف كلش مال أول القدام للبيبي .. وبالنسبة لثيابي صراحة متحيرة .. أختي تقول لي أي شيء يعجبج اخذيه وسوي لج سحاب أو زرارات جدام عشان الرضاعة .. وفي محل اسمها رافانا في مدينة حمد للخياطة الشنطة والمرقد لأن حسب ما يقولون ان ماذكير اللي بالمارينا القماش المستخدم خشن شوي .. ولأن شغلات الشرايط والزيج يطلع أحلى الياهل فيهم .. ... قلت باشوف الخواجة اللي في المحرق .. وقالوا لي عن التوزيعات اللي بالفراند .. بس وايد غالي دينار للحبة .. يعني لـ 50 حبة .. 50 دينار .. ابي اشوف محل أرخص لهالشغلات...

وانتظر ردود بنات البحرين ...

م

مناهل78

مشرفة سابقة

31-07-2006 | 11:44 AM

أختى حبيت أشاركم بما أني بحرينية،،، صحيح ولدي كمل السنتين بس أحي هالسوالف..

بخصوص الثياب حق البداية أشوف رعاية الأمومة زينة وأسعارها جيدة،، لأن هالثياب بسرعة بتتخلصين منها،، حتى السرير من عندهم سعره زين ، ويصلح لعمر 4 سنوات..
بخصوص الملحف والشنطة ممكن تاخذين من عندهم او تشوفين محل الخاجة بالمحرق، لأن أريام غالي،، في محل بالبوكوارة بس ماذكر أسمه قريب من الحواج..

التوزيعات، عن توزيعاتي سويتهم بمحل نوال فلاورز بالزنج (صاحبة الريفيرا سابقا)، كانت التوزيعات حلو ةوسعر الحبة 600 فلس،، على مأذكر (سويت 100 حبة) ويعتمد على عدد الناس الي تتوقعين زيارتهم.. في محل بعراد اسمه فيتل فلاورز بعد ماخذه منهم، شغلاته راقية,.,...

لأي سؤال آنه بالخدمة،، والله يسهل عليج...

b

bent el ba7rain

عروس مبدعة

31-07-2006 | 11:58 AM

بنات وين هذا محل الخاجة بالضبط وشلون اسعاره وشنو يسوي؟؟؟

ا

المحرقية

عروس نشيطة

31-07-2006 | 12:03 PM

مشكورة اختي رانيا البحرينية

وبالنسبة اختي بنت البحرين ... الخاجة في سوق المحرق يم محل عنابة للأحذية .. جهة الأقمشة مو جهة الحلوى ولا جهة الحواج

يعني صاير في المنطقة الوسطية على يدج اليد اليمين

n

nsync lover

عروس مشرقة

31-07-2006 | 12:19 PM

مرحبا خواتي...

انا بعد ولادتي بتكون في ديسمبر وابغي ارتب حالي من الحين بس مو عارفة من وين ابدأ...

بالنسبة للتوزيعات بعد للحين ما فكرت في شي... انا عندي هواية عمل الأشغال اليدوية يعني احب اسوي هالأشياء بنفسي من صغري... فأحتمال اذا قدرت ان شاء الله فراح اسويها بنفسي طبعاً بعد الإطلاع على الأشكال والنوعيات الموجودة في السوق وبعد البحث في النت والمنتديات.. وراح احط معاها الشوكلاته اللي باخذها من لاريسا (الكيلو بـ14 دينار- يمكن 50 حبة تقريبا حسب النوعية) بس كل اللي عندهم لذيذ جداً،،، وبعد في جناحي (الكيلو بـ10 دينار - بس لازم تختارون النوعية بدقة لأن مو كل نوع حلو عندهم.

واتمنى التجاوب من الخوات البحرينيات للإفادة العامة..... كما تعودنا

b

bent el ba7rain

عروس مبدعة

31-07-2006 | 12:37 PM

فكرتج حلوة الاخت لوفر وصح جناحي الجوكليت مالهم حلو عندج بعد نوال والريفيرا عندهم بعض الانواع حلو الجوكليت..

بس تتوقعين فيج حيل تسوين بروحج؟؟ احسها صعبة او يمكن 50 قطعة تقدرين لو انا احسها صعبة عالاقل احتاج 150 قطعة بغي بعد الدوام اودى للي وياي بالقسم وحتى حق دوام زوجي تعرفين رجال مايجون المستشفى حلو يحتفظون ذكرى بيها وعندج لما اروح البيت عند امي اكيد بيجون ناس على طول بالذات اللي ما مداهم يجون المستشفى..

n

nsync lover

عروس مشرقة

31-07-2006 | 12:58 PM

مرحبا خواتي...

انا بعد ولادتي بتكون في ديسمبر وابغي ارتب حالي من الحين بس مو عارفة من وين ابدأ...

بالنسبة للتوزيعات بعد للحين ما فكرت في شي... انا عندي هواية عمل الأشغال اليدوية يعني احب اسوي هالأشياء بنفسي من صغري... فأحتمال اذا قدرت ان شاء الله فراح اسويها بنفسي طبعاً بعد الإطلاع على الأشكال والنوعيات الموجودة في السوق وبعد البحث في النت والمنتديات.. وراح احط معاها الشوكلاته اللي باخذها من لاريسا (الكيلو بـ14 دينار- يمكن 50 حبة تقريبا حسب النوعية) بس كل اللي عندهم لذيذ جداً،،، وبعد في جناحي (الكيلو بـ10 دينار - بس لازم تختارون النوعية بدقة لأن مو كل نوع حلو عندهم.

واتمنى التجاوب من الخوات البحرينيات للإفادة العامة..... كما تعودنا

n

nsync lover

عروس مشرقة

01-08-2006 | 11:42 AM

مرحبا...

بالنسبة لمتابعة التجهيزات...

فأنا صدفةً اكتشفت اني اعرف وحدة والدتها تسوي مفارش وبساطات وكل شي بأسعار مناسبة...
فراح اشوف اللي عندها.... بس المشكلة في القماش ابغي آخذ اشياء حلوة عليها صور كارتونية وغيرها....

س

سندس84

عروس رائعة

01-08-2006 | 01:16 PM

في محل اسمه اشراقة رضيع عجييييييييييييييب شغلهم وهم الحين متواجدين في مجمع البحرين محل الا سر المنتجه في الطابق الارضي صراحه شغلهم ولا اروع انصحكم فيه

b

bent el ba7rain

عروس مبدعة

02-08-2006 | 08:32 AM

اس سمعت عن محل اشراقة رضيع انه اغراضة حلوة بس بعد مو رخيصة..

الاخت لوفر ليش اللي بتسوي المفارش القماش مو من عندها عادة من عند الخياطة ويجي عليه الرسومات..المهم اذا اسعارها حلوة وشغلها حلو ياريت تخبرينا عنها عشان نستفيد...

n

nsync lover

عروس مشرقة

02-08-2006 | 09:56 AM

بلا هي عندها كتلوج والزبونة تشوف وتختار،،، او اذا بغت انها تشتري بروحها

ث

ثرثرة قلم

عروس مشاركة

02-08-2006 | 01:28 PM

مرحبا حوامل البحرين ..
أنا بحرينية مثلكم وحامل بالشهر التاسع (توني داخلة التاسع اليوم ) يعني سابقتكم وعاطيني موعد ولادتي 1 سبتمبر ..
بالنسبة للتجهيزات أنا جهزت من أماكن مختلفة في البحرين والسعودية ...في البحرين أخذت مفارش البيبي من ريام وصيت عليهم هناك سويت له مفرش مع طقم كامل من قبعة ودشداشة وبساط وقماط سويت له بيت الطفل مع طقمه كامل وةالفراش الثاني وصيت عليعه عند مرة شغلها عجبني حسيته حلو وراقي ..أما ثياب البيبي أخذت شي من بامبكن باتش وأشياء من شيكو وشغلات من ؤعاية الامومة الا في المارينا ..د
وأنا ثياب الرضاعة من قمصان رضاعة ودشاديش أخذتها من السعودية ..بنات أنصحكم أذا فيكم شدة روحو السعودية نعومي عنده شغلات حلوة وراقية ومسويب تخفيض 75% يعني يا بلالاش...
التوزيعات سويتها في محل اسمه الوها في الرفاع شغله حلو وعنده خيارات وااايد ..
وبالتوفيق لكم كلكم ..وان شاء الله يكون هالمتصفح ملتقى لنا كلنا ..

b

bent el ba7rain

عروس مبدعة

02-08-2006 | 03:04 PM

حبيبتي ثرثرة قلم ممكن تفيدنا بمعلومات عن المرة اللي سوت لج بالبيت شنو سوت لج بالضبط واسعاها وممكن تطرشين لي رقمها عالخاص محتاجتها لان قاعدة ادور على هالاشياء؟؟عشان تعم الفايدة

ا

العهد

مشرفة سابقة

02-08-2006 | 04:51 PM

بنات البحرين ماقصرن..

الله يتمملج ع خير..

ث

ثرثرة قلم

عروس مشاركة

02-08-2006 | 08:30 PM

هلا أختي بنت البحرين ..سويت عند المرة مفرش وقماطين وبساطين وغطا للمرضعة وقميص رضاعة لي للمستشفى ..بس ليما اللحين ما جهزوا ..الله يسامحها بااااااااااااااااااااااااااااااااااردة ..موصية على الاغرض من نهاية الخامس وكاني دخلت التاسع!!!!
راح ادز رقمها لج عالخاص..

م

مها العروس

عروس مشرقة

02-08-2006 | 11:23 PM

اتمنى اني افيدكم بخصوص تجهيزات المولد عبايات السديم يبيع مفارش على مستوى تطريز اليد ناعم وحلو بس شوي غالي حتى سله البيبي والشنطه وغطى علبه الكلينكس يسويهم لج بنفس الديزاين ام بالنسبه لسرير البيبي فانصح باسره مذركيرز اللي بمجمع السيف صج غالين بس عل مستوى وقواي ويصلحون الى سن 12 سنه يعني بس يكبر الياهل تقدرين ااتغيرين السريرمن سرسر بيبي الى سرير طفل

b

bent el ba7rain

عروس مبدعة

03-08-2006 | 10:53 AM

هلا بيكم مشكورة اختي ثرثرة قلم ياريت تطرشين لي رقمها واسمها ومن وين والاسعار ضروري

ن

نحلة عسل

عروس نشيطة

03-08-2006 | 10:39 PM

انه ماحملت بس عندي خبره شوي في هالامور لانه رحت مع مرت اخوي و اختي في حملهم

حق المفارش والشنطه و القماطات على طول ناخذ من عند وحده اتسويهم واتجيب الاقمشه من لندن
وحتى ثياب الحامل عندها بكل انواعه , هاي بيتها في مدينه حمد الدوار الاول
وعندها محل في بوري اسمه النجم الساطع , بس اهي الحين مسافره اتجيب بضاعه و نهاية 8 انشالله بتكون موجوده

وعن السرير مثل ماقالو الاخوات من مذركير

الحين عن التوزيعات , في محلين في بوكواره عجااااااااااااااااااااايب
واحد اسمه روشان هذا عجايب عنده استاندات علشان اتخلين فيهم الي بتوزعينه الستاند صراحه كشخه و سعره معقول تقريبا ب 25 دينار وتنسيقه حلووو , وعندهم التوزيعات و عينات تقدرين تختارين منهم

وفي واحد اسمه لاريسيااا هذا شوي غالي بس قمه في الحلاوه

الستاند ايجاره ب 50 دينار بس صج صج صج عجايب روحوو اخذوو فكره عنهم وانشالله اتلاقون كل خير