سلام

الحلم تقريبا طاف عليه شهر بس

اول شي بجاوب ع هالاسئله

هل انت متزوج (لا)
هل انت تدرس أو تعمل وتذكر مجال عملك(نعم _ مساعده مدرسه)
هل لديك ابناء (طبعا لا)
هل والديك موجودين على قيد الحياه(الحمدلله موجودين)
هل زوجتك حامل أو انتي حامل( لا)

فالحلم كنت انا و وحده من اهلي هي بنت انسان غالي وايد على قلبي (الله يرحمه)
قبل لما كنا صغار دايم مع البعض بس الحين كبرنا وكلن في طريجه يعني ما نشوفهم الا فالمناسبات هي تستوي بنت زوج خالتي (يعني من حرمه ثانيه)
وهي تزوجت قبل سنه وشوي وعندها بنت

شفت فالحلم اني كنت واقفه مثل ع سور ومسنده عليه بايدي وسرحانه ويت هي من وراي ونادتني باسمي وكانت شايله معها طفله صغيره (كانت هاي الطفله بنتي ) قالت لي غيري لها الحفاظه فخذت منها البنت بس ما غيرت لها وعقب شفت اني واقفه في نفس المكان بس ما في سور ويتني هي مره ثانيه وشايله البنت قالت لي خبريني وين حاطه اغراضها انا بغير لها الحفاظه قلت لها لا خلاص عطيني االبنت خذتها وانا ماشيه بيها الاطفال كانوا يمشون وياي ويلعبونها وعقب كنت اصعد الدري وانا شايلتنها وحسيت بصعوبه فالصعود .. عقب شفت اني منسدحه فبيتنا فالميلس (نايمه ع جنبي اليمين) وكانت الطفله نايمه جنبي وكنت ارضعها وهي ترضع شفت بعض قطرات الحليب ... هذا الحلم


لكن انا ما طلبت التفسير قبل لان اللي حدث فهاليوم اني التقيت بالحرمه اللي حلمت فيها وكانت هي شايله بنت احد الموجودات فالصاله وبنتها عند بنت خالتي وكانت بنتها تصيح فوقفت وقالت منو بياخذ مني الصغيره بشوف بنتي فانا قلت لها عطيني اياها واخذتها فقلت يمكن هو هذا تفسير الحلم ...


السموحه

وعليكم السلام ورحمة الله وبركاته
نعم هذا تفسيره ولكن هناك شيء حصل لك وهي حب الأمومه يعني كانت لك رغبه كبيره ان تكوني أم
فقط هذا ماتبين لي والله تعالى أعلم بالصواب

تسلم اخويه


يزاك الله خير :)