عندي مشكله

شلون حاطينها بمحفظته .. قولي له ما في دخان من غير نار ... وحاولي تكلمينه الحين بهدوء وانه تزوج ولازم يحترمج ويحترم زواجكم ويمكن بعد مظلوم والله مشكلتج تحير لأن الواحد بعد ما يدري بنوايا الغير ... عطيه فرصة وشوفيه وان شا الله يكون اهو الصح وانتي متوهمة

الله يعينج ويوفقج ويسخر زوجج لج

::وعليييج السلااام والرحمه ::

::هلا غناتيه القمر الساطع..اول شي حبيت اقووولج مبروووووك عالزواج ويعل ايامج كلهاا فررح وعسل::

::الصراحه ريلج امبين ميلون بالميه يجذب ...وانا ها من وجهة نظري بس مابا اظلمه ..بس عن سالفة الصوره ترى لا تنسين انج توووج عروس وانه كل الشباب لازم قبل الزواج تكون لهم علاقات حب طيييش يعني ...فاتمنى انج تقولين له يصارحج وانتي تفهمي موقفه وافهمي شسالفه قبل ..وحاولي انج تخلينه يودر هالسوالف وقولي له الحينه انا حبيبتك وربيعتك واختك وحرمتك ..ليش تروح بعيد ..؟وسامحيه اذا اعترف لج انه يكلم وحده ..وبعد قولي له نحن لازم نبدا صفحه بيضه صرييحه بمعنى الكلمه لانه الحينه انا حرمتك واولى انك تفهمني كل شي قبل ما تسويه عشان نعيش حياتنا ولا احلى وما تكون بيننا مشاكل::

::وها بس من صوبي ونتريا ردود البنوتات::
::والله يصلح حاله ويخليكم لبعض وعقبال الذريه الصالحه::
::والسموحه منج::

اختي واجهيه وصارحيه شلن احد من ربعه حاط صرة بنت يعني

غ6ير كذا متزج يعني مش معقووله ربعه بيرسلون مسجات

إذا عندج الرقم جربي اتصلي عليه من رقم ثاني غير رقم زوجج او رقم البيت
وجوووفي من يرد عليج


وبعدين جربي تطرشين مسج على الرقم من تلفون زوجج وجوفي إذا ردوا عليج

بعدين احكمي

انا راي حبيبتي

قوليله انج تحبينه مع انج حاسه ان الموضوع فيه شي
بس قوليله انج بتثقين فيه وان ممكن يكون هذا من ماضي قبل الزواج

وقوليله انج تبين تبنون بيت اساسه الاخلاص والحب والاحترام وانج ماتبين تنزلين نفسج لمستوى هاي اللي في الصوره واللي تبعث مسجات
وانج ما تبين تفتحين الموضوع مره ثانيه

بس خليج هاديه جدا واتكلمي بمنتهى البرود
وادعي في صلاتج ان الله يهديه لج

ادعيله بالهداية حبيبتي

بس لاتبينيله انج شاكه فيه وتتجسسين من وراه ترى صدقيني ماببييلج الا الدوخه وعوار الراس وعذاب القلب

بس مبين انه عنده علاقات وخرابيط قبل الزواج

بس عادي حبيبتي في هذا الزمن مستحيل تلقين واحد ماعنده علاقات

طنشي وخليج زينة معاه واهتمي فيه وبعمرج ولاتنسين دعاء له بالهداية
والله بيكون معااج صدقيني

حبيبتي والله مافي زوج ماعنده سوابق لاتخلين الغيره تقتل الحب والزواج او يأثر في علاقتكم كلميه بهدوء وخوفيه من العقاب وقوليله مثلما تدين تدان وحاولي تعالجين الامور بهدوء وحب واتفقي معاه وقوليله كل اللي بقلبج وقوليله انج تحبينه وماتبين تخسرينه وصدقيني ياالغاليه الكلام الحلو هو اللي يجيب نتيجه والمره الذكيه هي اللي تقدر تحافظ على زوجها بخبرتها بأمور الزواج وأنا تري مثل حالتج توني متزوجه من خمس شهور بس عسى الله يوفقج ياالغاليه ويبعد عنج بنات الحرام

الله يهديه ويصلحه يارب ويسخره لج وبعدين هوه مش ياهل عشان يحطون صور في محفظته لهدرجة محفظته سبيل في يد كل حد ؟؟