•¦×¦ مساحه بعمق الألم .:.عــطـش قـــــلـــبــي.:.¦×¦ •

مـســــاء/ صباح .. التـــــلاقــي ..

مسـاؤكـمـ /صباحكم .. حـــب ..


.,.


ما وحشتك !؟
يعني ما هزِّك غيابي ؟
مافقدت إنتَ وجودي ؟
ماشعرت بـ " شي ناقص " !!
ما وحشتك !؟
ما طرالك قلبي بلحظة حنين ؟
ما سألت أنفاس قلبك عنِّي / وين ؟
ماذبحك [ الشوق ] وإحساسك ت ب ع ث ر !!
ما وحشتك !؟
ما تأثَّرت بفراقي ؟
ما ( يشتِّتك ) إبتعادي ؟
ماتغيَّر أي شي !!
طيِّب إسمع ..
ماجفاك النُّوم بعدي ؟
ما ندم نبضك / علَيّ ؟
ماشعرتــ بـ " إغتراب " !!
ماتحس إنتَ بعذابــ !!
يا خسارهــ !!
يعني أفهم
إنِّي أصلاً ما أهمِّك !!

ما وحشتك !؟

.,.


طيفك ..
كان أقسى / منك !
... دائمًا ...
لم يكن يداهمني سوى في لحظات إحتياجي !
ولم يكن يفارقني سوى في لحظات ... إحتياجي !!!

.,.

ليــــه صاحي ؟؟!!
أدري فيك ...
إنتْ مو عارف تنام !!
جاك " طيفي " ..
وإنكسرتـــ !!
وإبتدى فيك الذهول ...
وعيَّا صبرك لا يطول ...!!
وإكتشفت إنِّك ( تبيني ) !!
بس ..
تعال ..
آنا ويني !!
آنا ويـني ؟
وإنت وين !!؟
آآآهــ يا طول " المسافهـ "
آهـ يا بُعد الطريق ..!!
الدروب اللي جمعتنا ..
لييييييييه ضاقتــ ؟
وليه بس قلوبنا صارت تخافــ !!
والأماني اللي رويناها أمستــ " جفافــ " ..!!
والله ضاااايق يا بشر ..
وضاق فيني هالصبر ..!!
وماتغير أي شي ..
هذا إنتـ وهذا آنا ..
وبيننا [ كومة مآسي ]
جرح / ياس / خوف / ألم
وإحتضااار ........!!
إنتــ صاحـي ؟

.,.

تَناثر داخلي نبضي ..
دخيلكـ
بس أبي " لحظهــ "
[ تلملمني ]
على
بعضي ..!!

.,.


العالم كتاب .. وسنيني قلم .. واللي أعيشه كلام !
وأحزاني غياب .. وشعوري بكا .. واللي بقالي قصيد
والشعر أحاسيس تنبت فوق صدر اللي ذبحه الغرام
وأنا ذبحني غرامك .. يوم صدري جرهدي ما يفيد !
والناس لا جت تمر البال .. مرتني مرور الكرام !!
إلا إنت .. من تطري أتناساك .. ثم تطري علي من جديد
كنك دعيت بضحى جمعه وريقك ناشف من الصيام !
إنك تصير آخر أحبابي .. وأصير الوافي اللي بعيد

.,.

فيك قلب ما يعرف أسم الحنين
وفيني قلب لا حكوا فيك أنكسر .

.,.

تجيــني ..
تجــرح بقــلبي هـوانهـ ..
تـمد ايــدكـ .. وتصــافح ايـديــني ..
و تبلغنـي \\ تحيــات الخيــــانهـ !
سـلام الجـرح والطعـنات فيــني !
خـلاص ارحـل ..
مـا عاد ابـغي مهـــانهـ ..
خـلاص ارحــل ..
ولا تكــدر سنيـــني ..
عشــان القـلب روّح .. ارحـل عشــانهـ ..
فمـــان الجـرح
والطعنـــات اللي فيـــــني ..

.,.

لوغبت في قلبي إلى الموت موجود
طيفك معي في نزلتي وارتحـالي
أقبلت مثل إللي يبشر بمولـود
واقفيت مثل إللي يعزي بغـالي

.,.

حتى إنتــ !!
كنت أظنك غير والله !
بس / خنتــ ..!
وهان قلبي عندك إنت !
حتَّى إنتــ
يااااهـ
والله كنت أظنك غيرهم
كنت أظنِّك خيرهم
كنت أظنِّك كلِّهم ..!!
وبعت إنتــ !!
يعني ما فكرَّت " فيني " ؟
إرخصَتْ أحلى سنيني ؟
وضاع عمري ..
وإنت / إنت !!
كنت أظنِّك غير واللهـ
كنت أظنِّك خير واللهـ
حتَّى إنتــ !!
طيِّبــ
وقلبي اللي حبك ؟
والعيون اللي سهرت لك !؟
والشفاهـ اللي ندهت لك ؟؟
والأيادي اللي دعت لك !!
كلها كانت ( سرابــ ) !!
وآخر الرحلهـ [ إغتراب ] ؟؟
هذا إنتــ !!


.,.

ماهـي بـ غلـطـهـ حـيـاتـي يـوم حـبـيـتـك !
الـغلـطـهـ إنـي / مـن أول يـوم / صـدقـٌـتـك !!

.,.

أوقات أقول انك شفا الجرح / وأوقات
أقول نفس الجـرح مالـهـ ضمـادي
يا ابعد من الأحلام / واقرب من الـذات
كنـك معـي بيـن الحنايـا تنـادي
جاهدت نفسي دون ذكـراك / لحظـات
وأثري ذكرتك بين نفسـي وجهـادي
لو تنبـش ضلوعي عن جروح وآهـات
تلقى طعـونك ياحبيبي / جـدادي
هنا لقيتـك / والسواليـف أبيـات
وهنا تركتك / مع خطـاياك / غـادي
بـ سكات جيتك / لكن أقفيت بـ سكات
مبطي وأنا طبعي مع النـاس هـادي .

.,.

اعرف بـ انك رحلت عن غلاتي بـ اختيارك
وما تركت في مكانك غير شي من الذهول !

.,.


ماذبحني فيك إلاّ أنّك تبيني
وماسحرني؟ إلاّ حكيك الإستعـاري
لا حكيت أحس بشيّ(ن) .. يعتريني
ويخشع قلبي وتطريلي طـوااري
أعشق حكيك وأحفظه يا ضنيني
حفظ ابن تيميّه لـ حكي البخــاري
ولا سكت أحط يدّي في جبيني
وارجي الله مايطوّل بـ إنتـــظاري
أدري إني عندك واسألك ويني؟
داري(ن) لكن ماكني بـداري


.,.

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعال ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعال من جسور الليل ... تعال ضي ...
تعال في هجير العمر .. حنان وفي ..
وربي ... طالت الغيبه

.,.

حزين وفي عيوني دمعهـ عتابي على الخلان
ومثل موج السواحل يضرب الحزن بـ شراييني
شربت من المرارهـ والبحر والملح والطوفان
وتعبت اركض لـ صوتٍ من ورا صدري يناديني .

.,.

جَلَست البارحه .. أقرى حروفك , داخِل كتابك
وأراجع ما حصل فيني وأحاسب يُومي .. وأمسي

وفجأه ( الكرسي ) يتكلَّم عَن التقصير وأهدابك
كأنه ودِّه يحرجني .. ويقول : لـ دنيتي حسِّي

" سأل عنِّك " ولا عندي عِذر يشفَع لِك غيابك
سأل وينك سِكَتْ قلبي حبيبي .. وإستَحَت نفسي

تخيَّل لما يسألني [ جَمَادٍ ] .. راحوا أحبابك ..؟!
تِطيح الدمعه مِن عيني على أطراف هالكرسي

.,.

جيت وإلا رحت [ أبَد ] ما مِنْ جديد
قربك إنتــه هَمْ , وفراقِـك نكاده
مُو أكيد أنسَــاك .. بَس إنَّ الأكيد
مِنْ عرفتِك ما عَرَف قلبي السعاده

.,.

قِلتْ: مَليُــونْ مَرَّهـ .. يا حبيبي أبيك
وإنتْ لاهي بغيابي .. وما بغيتْ الوصل
قلبي عافِكْ , وعِينــي لا تِظنْهَا عليك
ماتْ إحساسي مِنِّكْ هذا كِلْ مـا حصل
ما يضحِّك كلامي .. هذا عِلْــمٍ يجيك
لا تِجينــي .. وحتَّى فِيني .. لا تتصل
بالأصل .. كان قلبي مَيتٍ .. مشتريك
كِنت فصلْ بحياتي .. وإنتهى هالفصل
ضاع عُمْري بغيابك بالغـلا محتريك
قلبي ياما تحَمَّلْ .. لِين حَدَّهـ وِصل
صَدِّقْ إنْ قِلتْ : إنِّي لو تِجـي ما أبيك
إنتْ نِسْخة مَشاعِر وكِنتْ أظنِّكْ أصل

.,.

شعور غير ..!
احساس طير ..!
كل الثواني حالمه والصبح خير ..
وحشتني والليل غير ..!
وحشتني نفسي أطير ..!
كل الحروف تقول لك ..
وحشتني والله كثير ..!

.,.

والنهايه : تِكفا بَس [ إطلِق يَديَّه ]
( هَل رَأى الحُبُّ ) مِثل قلبك أناني ؟
يا [مُحَامي] رُوح وإرفَع لي قِضيَّه
قلبي مَجني / وهذا في إيده نهاني


دمتم بود