كيف اتصرف مع ابنتي ؟

أختي نصيحتي لك ان لاتطاوعيها في لبس مثل هذه الأنواع من العباءات واذا بينتي لها رفضك وغضبك وشرح الأسباب لها فستقتنع منك لأن البنت لايقنعها سوى كلام امها
حتى لاتحملي وزرها يوم القيامة فهي صغيرة ومراهقة ولاتعرف مصلحة نفسها



أسأل الله العلي القدير ان يحفظ لك ابنتك وان يجعلها قرة عين لك وان لايجعلني ولا اياك في دار اهلها يحترقون


عائداااااااات

السلام عليكم ورحمة الله وبركاته

بارك الله فيك غاليتي

ما شاء الله يا بخت بنتك فيك عقل ووعي الله يحفظك

الوقت الي تكون فيه معصبه لا تحاولي تناقشيها بالموضوع أبدا

إتركيها لحد ما تهدأ وتقدر تستوعب النقاش

لأن ها الموضوع راح يأثر على تفكيرها بالحشمة فيما بعد

عمر 14 لسى صغيره وتحتاج لأسلوب هادي وراقي وبالطيب وتحاولي تقتربي منها اهم شي تحسسيها انك تحبيها

قوليلها انتي تحبي تكوني حلوه في نظر الناس او في نظر ربك

حياتي بنتك صغيره والدنيا للأسف حولنا صايرة كلها إغرائات يعني لا تلوميها هي بها العمر ومو مستوعبه الموضوع يعني هي تفتح التلفزيون تشوف الدنيا كلها بلبس دلع وتطلع برا البيت تشوف الحاله أسوء خاصة البنات الي بعمرها نادرا عندنا تشوفيهم بها العمر لابسين عباه وهي حلو انها فكرت تلبس عباه

قوليلها باخذلك اللبس الي نفسك فيه عشان تلبسه بالتجمعات البناتيه بس قوليلها العباه يعني غطاء وستر مو زينة والغطاء ما يصير نحط عليه زينة

وإن شاء الله بتتفهم الموضوع وبتتقبل فكرتك

اختي العزيزة هي المشكلة تواجه كل الامهات يلي عندهم بنات بسن المراهقة اما تنتهي بانتهاء سن المراهقة او لاسمح الله تكبر اكتر واكتر وبرأيي انك تناقشيها بهدوء وتحاولي دائما انك تحطي بين عيونها غضب ربنا وزعله منا وتحاولي انك تشوهي بنظرها مين يلبس هالشي وتفتحي الموضوع امام حد من عائلتك دون ما تعرف انه الحكي موجه لها طبعا بمساعدة احد من عائلتك اختك صدقيني كلنا مرينا بهالمرحلة وهي مرحلة عابرة باذن الله اتمنى اني كون اقدرت افيدك بشي

اختي اعذريني تصرفك خاطيء
انا عمري 22 يعني توني خرجت من هالمرحله:|

انا اهلي عمرهم ماضغطو علي وسيارتي تحت ايدي واي شي ابي البسه البسه(مع اني ابوي ملتزم جدا وامي تدخل وايد) لكنهم يعرفون الجيل غير الجيل والزمن غير الزمن وانا فعلا لبست الضيج اول مادشيت الجامعه وحطيت مكياج لكن بعدين لمه قمت اشوف البنات وجذي وشلون نظره الشباب والناس لهم(معنهم مرغوبات ولهم معجبين لكن انا ادري انه مجرد للتسليه لااكثر) قمت استحي على ويهي ولا احط مكياج ولا البس ضيج

صديقاتي نفسي اللي اهلها مخلينها على كيفها ماكان يهمها تلبس عبائه او تلبس بنطرون تحط مكياج او ماتحط بالعكس اصلا كلنا قمنا نلبس عبايه حق الجامعه مالنا خلق كل يوم نبدل

اما صديقاتي الي اهلهم ضاغطين عليهم ومتحكمين فيهم صار عندهم مثل رده فعل عكسيه وربما انفجار ويرفضون كل شي من اهلهم وصرات عندهم خرابيط بعيد الشر عنكم

اختي المفروض تحطين في بالج نه الزمن غير الزمن اول غير والحين الدنيا غير انا اعرف شنو شعور فتاه مراهقه لمه تحس انه شكلها موحلو او تبي تكشخ تره ياثر على نفسيتها كثير وممكن يسببلها عقده نفسيه والله

اختي نصيحتي لج اذا بغت تلبس هالنوع من العبايات قوليلها تين تلبسين براحتج ماما لكن لازم تعرفين انه هالعبايه حق الزوارات او لمه تروح بيت صديقاتها من حق طلعه وجدام الناس واذا شفتيها اصرت تبي تطلع فيها قوليلها على راحتج بس انا امج مارضى احد يشوفج او يقول عنج كلمه ابي الكل يحترمج وباجر اذا تزوجتي لبسي كل شي بخاطرج لزوجج لكن اذا انتي ترضين ةعلى نفسج اللي انا مارضى عليج على راحتج يمكن بنتج تيبس راسها وتلبسها حق الطلعه بس صدقيني مره مرتين وبتعوفها
بما انج ماقمتي تمانعين عليها راح تفقد اهتمامها بالسالفه لانه كل ممنوع مرغوب عند المراهقين ولازم نتبع سياسه لاتكن صلبا فتكسر ولا لين فتعصر
اذا تطورت السالفه عند بنتج الى اشياء اخرى يك الساعه تقدرين تاخذين موقف حازم :)

خليها تفصل عبايه فقط للمناسبات والاعراس

اما للتسوق فعباية عاديه غير ملفته

السلام عليكم ورحمه الله وبركاته :shy:


أنا مع الخوات الي نصحوك بعدم لأنصياع لرغبات ابنتك , وأبقي مصره على رايك لأنه الصواب


وإذا تنازلت هذه المره ترى بتتعود وتتنازلين مرات كثيرة . :angry:



وأنا مو من راي الأخت الي قالت أن الزمن تغير والوقت غير الوقت بالعكس التمسك بالعادات والفضائل الأسلاميه ماله وقت


والله يهديها لما يحبه ويرضاه ( ولكن بأسلوب طيب ) (f) (f)

الله لا يحرمكم من ريحة الجنه

والله لو حتى ما اخذت بكلامكم لكن اقل شيئ
وسعت صدري وقل قلقي عليها


خواتي اللي يأيدوني في تصرفي وانصحوني اني ما انزل
على رغبتها .. والله صدقوني لو تحط رجل في السماء ورجل في
الارض ما راح اوافق على شيئ يضر آخرتها :(

كل اللي نصحتوني به انا سويته وقلت لها نفس الكلام .. ممكن اليوم ترضا
او ترضا ولو على مضض .. لكن بكره تكبر اكثر وتروح الثنويه العامه زبعدها
للجامعه وهذا اللي مخوفني

اختي شيفا
لربما يكون كلامك صح وممكن خطأ بنفس الوقت
يمكن انتي عرفتي طريقك بالوقت المناسب .. لكن فيه بنات
يظلون على حالهم وومكن تسوء الحال وتدمر حياتها ..

اعرف ان الضغط والاصرار من صوبي خطأ
انا لما كتبت لكم .. كتبت لاني بغيت احد يعطيني اسلوب يريحني ويريح بنتي اكثر

ابغيها تقتنع من راسها .. ابغيها هي اللي ترفض هالشيئ مثل اختها

اختها ما شاء الله عليها اكبر منها بسنه عاقله وما تحب هالاشياء
حتى لما اختها طلبت هالعباة كانت اختها الاكبر اول من قال لها
بالحرف (( تبغين الكل يشوف عليك اذا رحنا الستي سنتر ))

والله احترت

علاقة الاختين متوتره دوووووم .. بسبب التناقض اللي بينهم وهذي بروحها مشكله ثانيه

ادري انه بنتي الاكبر ممكن لها نظره غير ولكن احيانا ما تعجبني
كله مهمله بمظهرها عكس اختها الاصغر كله تتكشخ ( اقصد في البيت )


صدقوني احترت بينهم .. مع الاكبر ام الاصغر

ماشالله علييج ام واعيه و فاهمه و تلجا لاساليب حلوة مع بناتها ...


تعاملج معاها صدقيني اكثر من رائع ... صدق اني مو ام لكني اوصفلج شعووري كبنت تتمنى هل معاملة من امها


بس كل الي اقدر اقووله ... انها تتوهم هل شي لانها ماتعرف اسباب الرفض عندج لمصلحتها


انتي اليوم الثاني طلعيها وونسيها و اشتري لها الملابس الي تعبجها .. ولا تطرين لها سيرة العباية علشان ماتتذكرها يعني عوضيها بشي ثاني من غير ماتحس و من غير ماعطين سالفة العباية اكبر من حقها دووم حسسيها بهتمامج بطرق غير مباشره و هي بروحها بتراجع نفسها

ماشاءالله عليك

ام رائعه صراحه الله يخليك لبناتك ويخليهم لك ويحفظهم ويستر عليهم..
(f)
انا من رأيي انك تعوضينها بشي ثاني يعني طلعيها السوق واشتري لها بدله حلوه وكشخه

(دامها تحب الكشخه)

ومثلا ميك اب حلو واذا رجعتي قولي لها انها هذي بدل العبايه يعني بتكون بعز فرحتها باغراضها الجديده (عشان ما تحس انها مظلومه وانك حارمتها)

وخذي منها كلمه انها ماترجع تطلبها منك مره ثانيه

وطبعا لا تنسين الدعاااء وربي بيهديها لك ويفرحكم فيهم يارب (f)

السلام عليكم و رحمة الله و بركاته

عزيزتي في هالسن أغلبية البنات كثير ما يتطلبون و كنت تقريبا بنفس صفات بنتج... أحس ما كان همي إلا أكون مميزه بينهم العمر له تأثير

الوالده فهمتني و خذتي على صوب و كلمتني و خصوصا لما قالت لي كيف تبغين ترضين ربج و تنجحين ترضين حد يتكلم عليج .. و بعدها حطيت هالشئ في بالي و لين هالعمر و أنا دايما أفكر قبل

الشده ماراح تنفعها لأنها بتدرس في الجامعه و من الحين خليها كتاب مفتوح لج تشاورج في كل شئ لو أتفه الأمور

لي صديقه أهلها متشددين وايد من دخلت وياها الجامعه حست إنه عالم ثاني ... اللبس تغير و الحشمه

الله يحفظج لعيالج إن شاء الله و يستر عليهم

الله يوفقك ويعينك يارب

انا رأيي انك تعوضينها بشي والله اعرف وحده واسولف معها اقول لها انتي لو جتك بنت احسها بتعاني قالت ليه ؟ قلت لها لأنكم ماشاء الله مطاوعه ومشكلت الجيل هذا ماينفع معه هالاسلوب هذا ,, كل شي صار مرغوب والمغريات واجد ,, قالت والله انك صدقتي بس اكيد رح اعوضها وتقول بنات اختها ماشاء الله تبارك الله عليهم رغم انهم بعمر تستهويهم الحركات الدراجه حاليا لكن اهلهم عرفوا كيف يتصرفون تقول ان اختها تعطيهم البديل فوووورا تشوف وش الشي اللي يحبونه او ممكن يغريهم ويخليهم يبطلون عن رغبتهم وكذلك ممكن تقولهم عادي البسوا على الموضه ومارح امنعكم عنها لكن بما يرضي الله وهكذا الين صاروا البنات متفهمين وماينقصهم شي من رغباتهم

عزيزتي احسن شي نعمله هو الدعاء لكل بنات الاسلام بالهداية والله يعطينا الصبر وطولة البال ويلهمنا حسن التصرف معهم

انا اشوف كلام الاخت نوووسة مختصر ومفيد

بما ان بنتج صغيرة واكيد تحب تلبس وتتكشخ وتقلد صديقاتها والموضه

مايصير بعد تحرمينها

قعديها وتناقشي معاها في الموضوع وحطي لها شروط

وانا اقول فصلي لها العباية شرط انها ما تلبسها للاسواق يعني لمن تزور صديقاتها او بنات خالها عمامها جدتها صدقيني بتستانس بتعرف انج ما تبغين تحرمينها من شي وفي نفس الوقت بتعرف انج تخافين عليها وتحبينها وصدقيني انا متاكدة انها تعرف ان ديننا يحث على الستر وعدم لفت النظر بالتبرج وهذا طبعا بعد كلامج اللي قلتيه عنها انها هي اللي بنفسها طلبت انها تلبس العباية لمن كان عمرها 13

الله يديم المحبة بينكم

اختج... نع نع