اتمني تفسرون لي وجزاكم الله خير؟؟؟

حلمت كاني جالسة في الصف على الكرسي وطاولتي جدامي وجنبي شخص ثاني اعرفة جالس على كرسية
(وهذا الشخص في الحقيقةاعرفة و انا مضايقة منه من موقف صا ربس معرفتي له معرفة سطحية ) ففي الحلم اشوف نفسي اسمع صوتة بس ما شفتة بس من صوتة عرفت ان هو الي جالس في الكرسي الي جنبي

وكان طالب يدرس معي في الحقيقه يسال عن المادة او الامتحان يسال الي جنبي فقام الي جنبي من مكانة وطلع على اساس بيكلمة وبعدين رجع بيطلع شيء من الكمبيوتر الي على طاولاتة بس هو وقف على طاولتي وملاصقني وبيطلع المعلومات وبيجاوب الرجال
وكان ملاصقني وحتي حسيت انه يلعب باصابع رجلة يوم حسيت كذا بعدت رجلي وانا في ها الوقت كاني اذكر ربي بسبحتي ويوم كان واقف بقربي حسيت اني حزينة وقلت خلني ادعي ربي بقلبي واسمع نفسي كاني اقري ايات معينة وادعي ربي وادعي ان الله يسهلي امري وفي نفسي اقصد امر الزواج وطول ها وانا اذكر ربي بقلبي وبسبحة والشخص الي اعرفة واقف جنبي وملاصقني بعدة

فنزل راسة عندي واسمعة كان يكرر االذكر الي اذكرة بالسبحة كانة يبغي يوصلي اني اسمعك وانتي تذكرين ربج

وفجاءة رفعت راسي ولا الشخص الي ملاصقني والي كان جنبي طول ها الوقت من قبل مو هو الشخص الي اعرفة شخص ثاني ما اعرفة وكانة مذيع او شخص مشهور ولابس غترة وعقبال ومتكشخ بس ما اعرفة وتعجبت
وكان الطالب الي اعرفة يساله عن اسعار العملات وجية على اساس انة مذيع
وكان بعدة واقف ملاصقني وانا جالسة وهو يطلع اشياء من الكمبيوتر

كاني اشوفة مسك راسي وقبله من الاعلى اقصد قمة الراس مو الوجهة لانة كان واقف وانا جالسة وقالي فديتج وراح

انا فرحت وايد وحست كاني ابغي اكلم صاحبتي واخبرها بالي صار بس قلت لا خليني اتريث

وبعدين كاني اشوفة طلع من الصف ودخل مرة ثانية مع شله اثنين من اصحابة بس مغير ملابسة لابس بنطلون قصير شوي لونة ابيض وقميص لونة ازرق


وبس



اتمني تفسرون لي حلمي
حلمتة اليوم الظهر بعد ما صليت الظهر جلست اذكر ربي وانا على السرير الين ما نمت وحلمت بالي ذكرتة
عمري 26 وغير متزوجة

وجزاكم الله خير