اللي تدرس في (جامعة الخليج) أو تعرف عنها معلومات تدخل ... محتاجتكم ضروري ؟؟؟

[grade="FF1493 800080 4B0082 4169E1"]سااااااااااااااااااااااعدوني OK [/grade]

هلا اختي ... انا من البحرين والسنة اللي فاتت كنت رايحة عندهم ااخذ معلومات حق بنت خالتي ...
كانت حابة تدرس هناك والحمد لله قبلوها وصار لها سنة الحين

المهم ... عن كلامي الزايد ... اللي اتذكره ... ان تجيهم اسماء من دائرة معارف او سفارة او وزارة ... واهم بعدين يقبلون حسب العدد المخصص ... يعني لازم تجيبي رسالة حق التسجيل ... وبالنسبة للرسوم ما ااتذكر بالضبط ... هذا بشكل مبدئ وبالنسبة للسكن .. موجود بعد وفيه مواصلات من والى الجامعة بمواقيت محددة ... وبالنسبة للنظام داخل السكن ... حسب ما اسمع انه معقول ... يعني تقدري تطلعي وعندش اوقات لازم ما تتاخري عنها ... طبعا هذا بتصريح من الاهل بالاول . وتقدري تسوقي وتروحي وترجعي على اوقات محاضراتش.

هذا اللي جا على بالي ... واذ عندش شي زيادة اسالي ... لا تستحي ... باجر اجيب لش اولادنا تعالجيهم ... :)

صعبة الدراسة فيها هذا اللي سمعته

بيور عسل , الأماكن المشتاقة
مشكورين ع المرور الحلو و الرد الأحلى ...


بيور عسسسسسسسسسل <<< الحمد لله لقيتك تعرفين ...

أبي منج كل شئ عن الجامعه من الألف إلى الياء و مشكوووووووووره مقدماً ...

اختي انا عندي لج فكره ^_^

ليش ما تروحين بيوم من الايام للجامعه وهناك تسألينهم كل اللي تبين
وهم بيقولون لج كل اللي تحتاجينه ^_^

لأني انا اذكر من ثلاث سنين اول ما تخرجت من المدرسه رحت لهم
وكلموني عن الجامعه وكل شي وهم عطوني كتيبات عن الجامعه

والله يوفقج ان شاءالله ^_^
بس اهم شي تتأكدين اذا الجامعه معترف فيها عندكم بالسعوديه او لا!!

http://go.3roos.com/zgTVcgOoQ4n


هذا موقع الجامعه اختي.. شوفيه يمكن تحصلين اللي تريدينه ..
,الله يوفقج

:flower: :flower: :flower:

روان : أكيد أنا برووووووح الجامعه و بسألهم بس حبيت اعرف منكم <<< انتوا راح تعطوني ارائكم فيها بكل وضووووح بس هذا اللي كنت انا ابيه .

العنيــــــدة™ : شكراً ع الموقع و ما قصرتي ...

اها ^_^

والله الجامعه يمدحونها بس ما ادري ^_^

اختي في جامعه توها فاتحه بالبحرين ويقولون انها وااايد زينه وقويه وهيه بالعدليه واسمها نورثن ألباما
وهم عندج جامعه الـ BIBF هذي احسن جامعه بالبحرين ^_^
ودراستها فعلا قويه والشهاده وااااايد زينه


انا ان شااءلله راح ادرس فيها ماجستير ^_^

[grade="FF1493 800080 4B0082 00BFFF 4169E1"]شكراً على المسااااااااااااعده يا روان
كلك ذووووووووووووووق تسلمين ...

ان شاء الله انا بروح الجامعه و بشوفها ...[/grade]

جامعة الخليج ..

تدرس طب بس .. مو أي تخصص ثاني ،، بالنسبة للطب تقريباً سعر الكورس 2500 دينار .. دراستهم جداً على مستوى ،، ولازم يكون الطالب ممتاز مب بس مجتهد .. لأن دراستهم مو معتمدة على كتاب واحد لكل مادة .. معتمدة على كتب وعلى الانترنت وعلى مصادر كثيرة .. الطالب اهوه اللي يدور على المعلوومات .. ولابد ان يكون يدرس بصورة مستمرة لأن اي اهمال .. ممكن يأثر عليه .. وينسى المعلومات المحشية في مخه.. وآخر سنة له .. يقدم امتحان عن كل اللي درساه في السنوات الست الماضية .. يعني هلاك .. وطبعاً الدراسة 6 سنوات وسنة امتياز .. ويقبلون بس طلبة مجلس التعاون .. وطبعاً الطالب قبل لا يقبلون يدخل امتحان ومقابلة وعلى اساس هالشيء يتحدد قبوله من عدمه .. وعدد المقبولين كلش قليل تقريباً 100 طالب وطالبة لكل سنة دراسية جديدة ..

يعني يصير دكتور عن استحقاق

وفيها بعد دراسات عليا .. بس ما عندي فكرة عنها

والجامعات الخاصة في البحرين وايد
عندج
جامعة AMA
الجامعة الأهلية
الجامعة العربية المفتوحة
جامعة دلمون
الجامعة الكندية
جامعة نيويورك
في جامعة هندية مو عارفه اسمها
جامعة المملكة
جامعة البحرين

وبالتوفيق اختي

المحرقية <<< تسلمين كثير ع المعلومات اللي كتبتيها ...

شكراً جزيلاً ..

هي الدراسة عندهم صعبة مرررررررة
يعني لو تجيبين بس c تعيدين السنة بطولها بجميع المواد ان شاء الله جايبة في الباقي امتياز
والرسوم السنة الوحدة بـ 65000 ريال سعودي بالنسبة للطب
والتخصصات اللي فيها كلها طبية لمرحلة البكالوريوس

و الرسوم
كلية الطب والعلوم الطبية:

برنامج البكالوريوس في العلوم الطبية الأساسية، برنامج دكتور في الطب: ستة آلاف وخمسمائة دينار بحريني سنويا.
برنامج دبلوم الدراسات العليا والماجستير في التعليم الطبي: ثلاثة آلاف دينار بحريني للبرنامج.
برنامج دبلوم الدراسات العليا والماجستير في السياسات الصحية والدراسات السكانية: ثلاثة آلاف دينار بحريني للبرنامج.
برنامج دبلوم الدراسات العليا والماجستير في طب المختبرات: ثلاثة آلاف دينار بحريني للبرنامج + 1000 دينار رسوم مختبر.

رسوم الإسكان الجامعي:

يمكن للطالب أن يستفيد من سكن الجامعة بإيجار شهري وقدره:

أ- خمسون دينار بحريني شهرياً (غرفة واحدة).
ب- مائة دينار بحريني شهريا (غرفة وصالة للطلبة المتزوجين فقط).
ج- مائة وخمسين دينار بحريني شهريا (غرفتين و صالة للطلبة المتزوجين فقط).



وهذا موقعها عشان تتاكدي من المعلومات
http://go.3roos.com/xCkHWH5KgLG


يعني الصراحة احسها مو ذاك الزود على التعقيد اللي فيها وهذي الرسوم حقها
وعندج في جامعة الملك فيصل كلية الطب الموازي
السنة الاولى 25000
الثانية 25000
الثالثة 25000
الرابعة 30000
الخامسة 30000
السادسة 30000
السابعة امتياز

ومعتمدين على النظام الكندي ( البحث لحل المشكلة )
يختلف عن الطب العادي مال الحكومة

ألف الشكر لك يا( forat ) تسلمين وااااااااااايد ع المعلومات الحلوه ..

بصراحة انا اخوي يدرس فيها طب بشري

وفي عمارات واااااااااااااااااااااااااايد قريبة من الجامعة ويقول كلها خليجين وفيها بنات وااااااايد
وانصحج انج ما تسكنين سكن الطلاب اللي بالجامعة
سكن الجامعة وما ادراك ما سكن الجامعة
اخواني اثنين راحوا يبون يشوفون السكن علشان اخوي يسكن فيه
يقول ظلمة وكئابة
ويقول خصوصا البنات شغلات يعني مخدرات ....
بسكن الطلاب
=---=

ويقول كل 6 غرف لهم حمام واحد تكرمون (حمام مشترك )
=------=
ويقول اما بالعمارات امان وحاطين تحت حارس

وما يصير احد يدخل العمارة الا يطق الجرس على اي شقة يبيه عند باب العمارة وانتي تسمحين له اذا تبينه يدخل او لا اذا ما تبينه يدخل الحارس ما يدخله

=------=

وخصوصا برمضان
يبدلون الأكل يعني الشقة هذي تعطيي الشقة هذي وهذي تعطي هذي ويتجمعون كل يوم عند وحدة

=-----=

وإن شاء الله فدتج

السام عليكم
اختي انا اعرف وايد ناس في جامعة الخليج والصراحه محد منهم يمدحها واكثرهم بيطلعون منها
في جامعات وايد في البرحين احسن مثل BIBF
وفي جامعه يديده فتحوها اسمها university of north alabama وبتكون احسن الجامعات في البحرين وفي الكل التخصصات

واذا بغيتي اي استفسار راسليني على الخاص

ألف الشكر لج أختي ( فنفوشه ) و pretty in pink

بصراااااااااااااااااحه خوفتوني منهاااااااااااااا كثييييييييييييييير

تسلمون لي ...

حاظرين لج ياحلاتي وترا في وايـــــــد جامعات احسن منهاا في البحرين وانا بعد هاي اول سنه لي في الجامعه بس طبعا مب الخليجيه :no:

pretty in pink
تسلمييييييييين لي ...

العفو ولا شكر على واجب

وترى الجامعة هذي وايد زينة ولا تخافين منها