سؤال للحوامل...بعد الولادة،، تبون البيبي وياكم بنفس الغرفة والا لا؟؟؟

عقب هالانتظااار ما بخليهم ياخذونه يكفي التسع شهور ^_^

عقب هالانتظااار ما بخليهم ياخذونه يكفي التسع شهور



اي والله ما ياخذونه

انا بالنسبة لي افضل يكون البيبي بين الاثنين يعني انا بكونن تعبانه ووالدة مااقدر اتحرك شلون اقدر اعتني فيه احس رعايتهم بتكون احسن مني في هالفترة بالذات اذا كان يصيح او موسخ.. او اذا معاي ناس بالغرفة وزوار وهو يصيح افضل يكون مع الممرضات..

بس ما ادري لين اولد هل برضى بهالشي او لا يعني اذا جفت البيبي هل برضى ياخدونه منى؟؟؟؟؟

مشكووووريييييييين ع الردود....
والله يقومكم بالسلامه...

أنا عاد كانت أمي عندي عشان جذي ما كنت أحاتي أنه يصيح أو يوصخ.. طبعا إذا كنت بروحي أكيد صعب..فحتى في ولادتي القادمه بحرص أن حد يكون وياي.....عشان محد ياخذ النونو مني......

انا بصراحه قبل مااولد كنت اقول مستحيل ياخذونها خلها انا بشوفها واذا ابي شي امي تنام عندي بتساعدني ،،والله كتب اني اولد الساعه 10 الليل واجي غرفتي الساعه 2 الفجر فجيت طبعا منهاره وجاتني ممرضه حبوبه وقالت لي نامي وانا باخذها واول ماتتقومين دقي جرس باجيبها لج طبعا من عقب التعب قلت لها اووووكي ونمت وقمت الساعه 6 وووووووووينك يالجرس جيبوا بنتي..


اما الليله الثانيه استانست ودقيت الجرس وقلت للمرضه تعالي اخذيها وبنام واول مااقوم بدق جرس وخذتها وانا غرفتي جنب حضانة الاطفالوشوي الا اسمع صوت بيبي يصييييح مدددددددددددددده ولا احد معطيه وجه وراحت امي تشوف الا تلقى بنتي والممرضات قاعدين يسولفون تخيلوووا وقامت امي وجابتها وانقهرت عليهم وهاوشتهم هواش وبسسسسسسسس عقب حرررمت ياخذونها وقلت لاااا والف لاااااااااااااااااااااااااااااااااااااااااااااااااا محد ياخذ حد من عيالي عني

ماااااااااااااااااااااااااااااااااااااااا انصح :no: عقب ما شفت كيف يعاملون البيبي فحضانة مستشفى الوصل والله السستر ترمس تلفون وتركع باليهال يمين ويسار ولما بغيت اشوف بنت اختي شالتها بطريقه زين ما ارتج مخ البنت:eek2:
احسن شي امج ولا اختج وياج والي ما عندها حد البشكاره ابرك بعد:bigsmile:

انا افضل اني ارتاح وعقب اخذ البيبي منهم..لانج بتكونين تعبانه وارفانه من نفسج..وتبين ترتاحين

وتبين تتسبحين..واصلا حتى لو حد معاج شو بيسوون للبيبي اذا مايعطونهم حليب صناعي وإلي

معاج ما يقدرون يرضعونه..بس بيشلونه شويه عنج..بس احس ان فترة المستشفى للام ترتاح شويه

فيها..لان بتسير البيت وكل المسؤوليه بيتكون عليها..

فانا افضل ياخذون البيبي كله اربي في الخاص والحمد لله معاملتهم زينه..معاي ومع البيبي..بس

هالمره بربي في الحكومه والله يعيني..

لا طبعا محد بيجال نونوتج مثلج انت ولا امج
السساتر ما بيعورهم شي الياهل يصيح وهم ولا ع البال سولف وضحك
وبعدين عن نفسي بتم اوسوس وانا اتريا تسع شهور وكل ها الويع والعتعب عشان اطلعه
مستحل اخليه بعيد عني

لا طبعا ما ياخذونه مني ...أبيه عندي وأمتع عيوني بشوفته ..

يسعد اوقاتك يالغلا
بصراحه ما احب ياخذونه بس اشوف فيه قانون جديد
يخلون البيبي عندهم لين يجي وقت خروج الام من المستشفى
واذا طولت عن يوم في الليل بس يجيبونه لها
وماني حابه هالشي بصراحه

انا عن نفسي ما اشوف فيها شي انهم يآخذونه بالليل عشان الوحدة ترتاح
انا مثلا ولدت بعملية وأول ماقمت من العملية طلبت اشوف ولدي،،بس ماقدرت احمله عشان الجرح والالم،،وطول الترة اللي ظليت فيها في المستشفى،،كانوا اهم يغيرون له ولما اطلبه على طول يجيبونه،نطبعا اهو يظل عندي اغلب الوقت واذا جيت برتاح اخذوه
والحمدلله انا ولدت في خاص وعنايتهم لي وللبيبي كانت تمام

الصراحه أنا أتمنى يكون عندي

بس اللي أسمعه من الناس أن يكون عندهم وما يجيبوه إلا في أوقات علشان تشوفه الأم وترضعه

بس الصراحه أنا أخاف يسرقوه علشان كذا ماباخليهم ياخذوه حتى لو كنت تعبانه

اممممممممممممممممم

حيرتوني وخوفتوني بنفس الوقت

انا بالمستشفى اللي بولد فيه بعد الولادة ياخذون البيبي على طول

وعلى ما تروح الأم وترتاح بعديين يرجعون البيبي لها وطبعا وقت الزيارة

ممنوع يكون البيبي عندج يخافون من الأختطاف

يعني بخليه عندي طول الوقت بس وقت الزيارة لا

.. اختي من كثر ما تحاتي عيالها ما تقعد بالمستشفى أكثر من 8 ساعات يعني تولد وترتاح اشوي وتطلع على مسؤليتها ..
بس أنا اشوف اني ارتاح يومين بالمستشفى أحسن لي وللبيبي لأن تدرون زيارة البيت ما تخلص ..

مشكوريين خواتي على الردود الحلوة...

أختي أحلى أم، وأنا هذا اللي أفكر فيه دوم،، البيبي بيقعد يصييييييح ولا حد يفتكر فيه،، ممكن يكون فيه سيسترات زينات بس أنا بصراحة ما أضمن....الوحدة مرات بروحها ما تتحمل طفلها، كيف الغريب بيتحملهم؟؟؟

أختي امي كل دنيتي، في ناس ما شافوا بعينهم، عشان جذي ممكن يأمنون ويعتمدون على السيسترات....بس عن نفسي لو أني بصراحة ما شفت شي بعيني، بس مستحيل أطمن أخليه مع غيري..

أختي سحناه، إذا المسأله مسأله رضاعة تري حتى النيرسات ما بيقدرون يرضعونه، بس لو كان قدام عينج تشوفينه متى يصبح وترومين تسكتينه، ممكن يكون يوعان وفي هاالحاله محد بيحل مشكلة الصياح إلا أنتي :)، أما النيرسات بيخلونه يصيح وما في شي يقدرون يسوونه، وفي منهم ما بيتعبون أعمارهم أن يشيلونه حتى... وفي النهايه كل واحد ووجهة نظره....

خواتي رماسه ، ثرثرة قلم ، نفس وحهة نظري.....محد بيهتم فيه كثر الأم أو حد من الأهل......

أختي اسيرة الآه، الله يسعد أيامج كلها فديتج، نحن في أبوظبي (مستشفى الكورنيش) عندنا القانون بالعكس، يعني ممنوع الياهل يطلع من غرفة الأم،، وحتى لو الأم احتاجت النيرس، تناديها وتم شايله البيبي وهي في الغرفة..أبدا ما تطلعه برع......

أختي Umm jawad، الله يعينج،، الولادة القيصرية لها وضعها الخاص، وفعلا الأم تكون مو قادرة تشيل البيبي....بس عن نفسي إذا لا سمح الله مريت بنفس الموقف بخلي أمي الله يخليها لي عندي وهي اللي تشيله...

أختي جود القمر :) نفس أفكاري، كنت دايما أحاتي أن يسرقونه، وأنقل مخاوفي القصص اللي أسمعها عن سرقة االأطفال لأبوه،، لدرجة أنه كان يتصل لي نص الليل ويسألني "الولد عندج؟؟ :)"

أختي مرايم السعودية، الله يقومج بالسلامه، ولا تحاتين أبدا، أساسا كل مستشفى لها نظامها، بس كيف يعني يخافون حد من الزوار يخطفه؟؟؟؟ كيف بيخطفونه وهو قدام عينج، بالعكس المفروض يخافون من الخطف إذا طلع من عندج...يمكن النيرسات كانوا مهملات أو مب منتبهات لكن الأم مستحيييل تهمل ولدها أو تغفل عنه........

والله ردودكم وااايد حلوة.......ننتظر المزيد من الردود والأراء......

انا مثلج اختي اريام
يوم ربيت كنت خايفه مووووت احد ياخذ بنتي مني، وطول الليل انش اتأكد انها عندي ومحد دخل خطفها مني

تصدقون انا كنت نايمه على السرير وحاطه ايده في سريرها
وحتى الحين بنتي بتكمل سنتين وانا بربي شهر فبراير وبنتي سريرها عدال سريري واحيانا انش في الليل او وقت صلاة الفجر اطالعها واتحسس تنفسها من كثر ما سمعت عن موت الاطفال المفاجئ
الله يخلي اطفالنا ويرزق كل محرومه

مشكووورة الغالية Om_Shahad على الرد.. والله يخلي لج بنتج، باسم الله عليها وتشوفينها عروس :) بس تتوقعين أن ها الخوف بس يكون على أول بيبي والا شو السالفة؟؟ لأني أنا بعد أنتظر البيبي الثاني بالسلامه إن شاء الله، وإذا كل واحد بنحاتي جذي الله يعينا :)
وآميين الله يرزق كل محرومه،، وعقبال ما تقومين بالسلامه...

نووووووووووووو وي

انشاء الله يوم اولد مستحيل اخليهم يشلونه انا ماصدقت اولد عشان اشوفه

لو يموتون ما خليته عندهم ههههههههههههههه


الله يسهل علينا

ويرزق كل محرووم ومحرووومه بالذريه الصالحه

أخت أريام أنتي في أي مستشفى مربيه؟.؟؟ والله عيبني ها القانون الصراحه لازم كل المستشفيات يخلون الياهل ويا أمه ع طول...سمعت أنه برع بعد جيه يسوون

الله يقومج بالسلامه أختي ام سعودي22
وما يحرمج أبدا من البيبي......أنتي مثلي، مستحيل أخلي حد يشيل ولدي :)
ويسهل على الجميع ويرزقنا ويرزق كل محروم الذريه الصالحه يا رب...

عزيزتي layla2005 أنا ربيت في مستشفى الكورنيش في أبوظبي،
وأنا بعد عجبني قانونهم...الواحده تكون مطمنه وما تحاتي البيبي...