الشي الطبيعي إذا ما فادج ما بيضرج ..........xxx خطأ

[frame="6 80"]سلام عليكم :salam: عرايس

موضوعي هذا كاتبته خصوصي للحوامل الهبلان:angry: {سوري مو القصد الإهانه} :mad2: مثل شراتي

العنوان تعمدت أكتب هالمقوله لأني كنت غبيه مقتنعه :mad2: فيها وأطبقها على طول

والنتيجه خسرت زهرتي الصغيره:cry: شمعة حياتي:sad: رنا اللي أتمنى ربي يعوضني فيها بحملي هذا إنشاء الله

المهم ما بطول عليكم الزبدة وخلاصة الكلام

إني لما كنت حامل قبل سنتين كانت أم زوجي دايما بين فتره وثانيه تسوي لنا شربت {شراب} الزعفران وماء اللقاح وآنا ذبحتي(r) هالشربت وتشوفوني جني مينونه رايحه :bigsmile: جايه اشرب منه, وأمي دايما تقول إكلي حلبه تقوي :gum: ظهرج {لأني طارحه قبل كان الجنين شهر ونص وقف نموه} وقومي يالهبله خلي الزوج يشتري وإكلي منه
لين صادني نزيف بنهاية الشهر الخامس :pain: وطبعا رقدوني بالمستشفى وعطوني أدوية توقف الطلق يعني توقف عملية المخاض الللي امر فيها وخلال رقادي بالمستشفى واثناء النزيف خليت زوجي يشتري زعتر {أعشاب}:bigsmile: ويسويه لي ويابه كان مركز بعد
وشربته كله وبعد يا مالكم :yes: من الخير مو بس جذي زوجي المسكين لما يجي المسشفى لازم يجيب عصير فرش وطبعا من ضمنها عصير الباباي , ولأني احب الرطب والتمر أمي تجيب من صوب وأم زوجي بعد تجيب لي
إلى أن حصل ما كتب الله علي بحدوثه وبغباء مني وبحسن نوايا من حولي ظنا منهم إفادتي ونفعي


بتاريخ 17/06/2004 نزل علي ماء المحيط بالجنين وكنت حزتها في نهاية السادس باقي 5 أيام وأدخل السابع
طبعا نزلوني لغرفة طوارئ الولادة

يوم الجمعة 18/06/2004 حوالي الساعة 12:15 جائت رنا وبالسرعة اللتي أتت ذهبت
24/06/2004 الخميس توفت :cry:

سوري على الإطالة لكن مقصدي ياعزيزاتي من قصتي إنه مو أي أحد يقول:no: لج أكلي أو شربي هذا الشي ينفع ما يضر حتى لو كان أمج إختج صحيح عندهم خبره بس مع الأسف خبرت أمي وأم زوجي ضرتني:pain: مانفعتني :down:
لا كل شي طبيعي وفرش زين




وهذي الأكل اللي المفروض يعطونه اللي بشهرها لتسهيل الولاده أو بعد الولادة
والحامل بعيد عنه لا تقربين :

1-زعفران {جدا قوي حتى لو كان بنسبه قليله حتى إذا في لقهوه لا تشربينها}
2-الدارسين "قرفة"
3-زعتر بانواعه شراب أو أكل
4-فاكهة الباباي
5-التمر والرطب {لا تكثرين عن 3 أو 4 حبات}
6-الحلبة
7-الرشاد

وهذولي بعد سمعت بس مو متأكده

8-جزر
9-جرجير
10-جبده {كبده}

هذا اللي عندي من معلومات ويا ريت اللي تعرف أكثر تذكر وتكتب للإفادة هذا رجاء مني
لأنه خبركم تعقدت من تجربتي وصرت أحاسب ألف مره وأسئل ألف :qaq: مره عن الأكل قبل ما آكل

وأتمنى إني مامللتكم:shy: وتستفيدون من أخطائي [/frame]