كيف حالكم بنات ان شاء الله دوم بخير
والله وايد سمعة عنه من المنتدى بس ما كنت امصدقه النتيجة بتكون اكثر من رائعه :flower:
بارحه الله يسلمكم حطيت زيت في راسي وخليته في راسي تقريبا ساعتين وغسلته سويت يوم الاستحمام العالمي :dd:
وانا من بارحه مب امصدق الصراحة روعه ناعم حتى قصتي بدون استشوار نازله امرتبه ما عنه
شعري مموج ودهني وفيه قشره بس الحمد لله فروة راسي نظفت الحمد لله ما عني اعاني من القشرة من سنين مثل الاكزيما تقريبا بس شويت خفت قشرة ما اتبين مب مثل قبل كانت فضيحة :sad:
وجربت كل شيء روب زيت زيتون باراشوت ما خليت شيء بين فترة وفترة اشتري شيء اجربه من العطارين من الجمعية من كل مكان(w)
بس الحمد لله انه هذا ضبط معاي وريحته زينه لاباس بها مع الغسيل اتروح ريحته (f)
هاذي صورة الزيت اتحصلونه في الجمعية والكارفور انا شريته من الجمعية في منه عادي وفي منه للقشرة انا خذيت للقشرة والتساقط لانه شعري وايد يطيح :confused:
وفي منه شامبو بس انا ما خذته ان شاء الله مره ثانية اخذه لانه في بنات بعد يمدحون الشامبو (f)
انا استخدم شامبو من هاي الماركة اتحصلونه في الجمعية والصراحة وايد ريحته حلوه ورهيب للشعر :ok:
اتمنى انكم استفدتوا من الموضوع:shy:
والله بنات انصحكم لا تاخذون زيوت امخلطه من العطارين ترى مب كل الزيوت اوكيه وفي منهم ايغشون وانا جربت كذى عطار وكل واحد على كيفه ايسوي الخلطات وكله ياذي الشعر ومرات وانتي وحظج اتحصلين عند عطار خلطته اتكون اوكي وتضبط معاج وهذا نادرا ما تحصل ولازم اتكونين فارت تجارب عشان اتميزين شو الي يصلح لشعرج :sad:
