الله يخليكم ابي حل لبنت اختي قبل لا يطيح الفأس بالرأس

غاليتي فشفاشه ههههههههههه اسمج فرفوووشي مع اني ما اعرف شو معناته :dd:

اولا الله ايسر امور بنت اختج وربي يرزقها بولد الحلال اللي يهنيها ويحبها ..

اختي الزواج قسمة ونصيب .. وهالشي مكتوب قبل ولادة الانسان ..
ومهما كانت الوحده فينا مضايقه عشان تأخر نصيبها المفروض
ما توصل لمرحلة اليأس والاستعجال لان الحياة فيها أمور أكثر أهمية من الزواج ..
وياما بنات تمنوا الزواج وضيعوا وقتهم وعمرهم وهم بانتظار فارس الاحلام
وفي النهايه ما جنوا غير الهم والمشاكل وصدعة الراس ..

الزواج هو تكافئ مابين طرفين في الافكار والميول والتفاهم .. والأهم هو الحب
اللي يجمع بين الطرفين ..

أولا خليها تستخير أكثر من مرة في أي رجل يتقدملها .. وتلح بالدعاء ان الله يرزقها
بالزوج الصالح .. وثانيا بخصوص الريال اللي تقدملها لازم تحط في بالها احتمالين ..
اما انها تعيش وياه في سعاده ويدللها ويطلع أحسن عن الشباب أو انها تعاني
من أولاده أو منه هو نفسه خاصة وان عمره 60 سنة يعني ما بيقدر
يقوم بواجباته تجاها وتجاه عيالها على اكمل وجه غير انه يصرف عليهم بما انه مقتدر الحال ...


ومهما كان قرارها لازم تتحمل المسؤولية لان هذا مستقبلها.. أو انها تصبر وتحتسب الاجر عند الله ..

خلها تستخير والزواج قسمة ونصيب بس ياما ناس بهالعمر او اكبر تزوجو رياييل متزوجين بس بصراحة انا احس 60 سنة وايد شبقى بالعمر كثر مامضى؟؟ صج الاعمار بيد الله بس اكيد هو جد الحين واصلا صعب يتحمل مسؤلية زواج ويجيب عيال..الله يرزقها بولد الحلال الصالح

اختي فشفاشه هههههههههههههه يا احلو اسمك يخلي الواحد يبتسم
اختي خليها تستخير يعني استغرب لمن اقرا ان الوحده متضايقه ومحتاره وين رحتوا من الاستخاره والدعاء من جد خليها تستخير وتشوف..
اما عن عمر الرجال ف اقول صدقيني يمكن هذا نصيبها يعني الوحده منا تتخيل وتفكر في فارس احلامها بس سبحان الله يمكن اللي مكتوب لها مو نفس اللي كانت تفكر او تتخيله ف يمكن يكون هذا نصيبها ويمكن الحين محتاره ومتضايقه بس بعد الزواج تقول الحمد لله اني اخذت هالانسان ف خليها تستخير وصدقيني ما راح يخليها ربي محتاره لانها استخارت في موضوع حلال وفيها سعادتها
واتمنى تردين علينا وتقولين وش اللي صار
الله يوفقها وييسر امرها ويسهل عليها الاختيار....

[grade="00008B 800080 FF1493 4B0082"]والله يا أختي الزواج قسمه ونصيب ............. أنا أعرف وحده من قرايبنا ماجاها نصيب إلا وعمرها

على أخر الثلاثينات وعمر زوجها في الأربعينات.............. فرأيي تأخذواحد بسنها أو أكثر يعني

في الثلاثينات أو الأربعينات.............. وهي مو ذاك الكبر .[/grade]

بس الزواج لازم يكون فيه تكافؤ

ووايد 60
لو 40 هيه
سن 60 سن الشيخوخه وهي 29 شابه احتياجاته تختلف عن سنه

يعني هيه كيف عايشه في بيتهم؟؟؟ هلة هناك مشاكل ؟؟؟

بس علشان وصلت سن 29 تتزوج واحد عمره 60

الفلوس ماتبني السعاده

خلها تستخير اول

والله لو وصلت 30 ماافكر اخذ واحد عمره 60

كله من البنات يتنقون ويتشرطون هذا قبيح وهذا امه ولين اطوف عمرهم يرضون باي حد علشان الزواج بس

[glow=FFFFFF]حرام.........

أكتر من ضعف عمرها

خليها تصبر .. إن الله مع الصابرين

بس انها تتزوج زيجة غير مقتنعة بها.. لمجرد الزواج فقط . ... ؟ لا و الف لا ..

خليها فلى بيت اهلها معززة مكرمة ..خير من أن تعود اليه لا سمح الله ... وهى ارملة او مطلقة [/glow]

والله انا اقول هذا راي خاص جدا ويجب عليها ان تختار الصحيح

بس لو كنت محلها لان ولن اخذ رجل مسن بعيد عني فى الفكر والسن والاحلام

بصراحه بنت اختج غريبه ليش توافق على واحد كبر ابوها .... لازم اتفكر في السلبيات قبل ماتطالع

الايجابيات حتى لو كان غني ..........

الله يوفقها ولا تستعجل على الزوااااااج من الرجال

خليها تستخيرررررررر


والله يرزقها الزوج الصااااااالح اللي يسعدها

لا تيلس تشرط وايد في جمال الريال او هذا يدوووخ او او او وانشالله بيها واااحد ما تتوقعه

اهم شي ان اتشوووف الريال يصلي ويخاااف ربه باجي الامووور تقدر اتغيرها فالريال بس الريال الي ما يصلي تتوقع منه اي شي يسووو...

بعدين الريال الي عمره 60 يبها عسب شبابهااا .....اذا هي تباه عسب ستر انا اقوولج خله تاخذه بس اذا تباااه عسب هوو عنده فلووووس وايد ...ماتاخذه وايد احسن لان الفلوس مب كلشي فالدنياا.


وهذا الي عندي اذا تبى رقم خطابه راسليني عالخاااااص

توووووافق عليه عشان كلام الناااااااس !!!!
وش بينفعونها الناس .. بيتكلمون شهر شهرين ولا سنة .. هي اللي بتعيش معاه عمر .. خليها تذكر الله دامها مب مقتنعه فيه كزوج لاتتزوج مافي داعي تهدم حياتها بيدها .. وانشالله الله يكتب لها اللي فيه الخير والله يوفقها يارب بس لاتتسرع

انا ابصراحه اقول احسلها توافق
اولا:لأن المرئه غير الرجل يعني لها مده محدده بعدين صعب تحمل وتيب اعيال
ثانيا:جنب رياااااال ولا اجدار
ثالثا:الزواج غير( وستر وعسى ان تكرهوا شيء وهو خير لكم)

بصراحه نقلت لها الردود واحتارت اكثر هي تقولي اليوم انا ودي اكون زي باقي البنات اخذ شاب
حنين وسيم من عائله اكبر مني بكذا سنه بس ارجع وافكر واقول فيه بنات متزوجين شباب وحلوين بس متنكدين في عيشتهم وحالتهم مهدده بالطلاق. يعني يمكن ربي ماكتب لي الشاب بس بيعوضني بالكبير ويمكن القى فيه الي مالقته البنت بالولد ومشكلتها انه مايتقدم لها احد الا متزوج وفقير او مطلق واولاده معه وهي الي بتربيهم قلت لها بس يمكن يكون مناسب في عمرك قالت بصراحه المشاكل الي بتجي من عياله بتبعدنا عن بعض .وعن مشاكلها مع اخوانها هي الي بتدفعها لزواج لانها قد قالت لي من زمن لو انا وامي عايشين لوحدنا والله ماهمني الزواج بس تبي احد يعاملها بطيبه والله اعلم انا عارفه هي ليش مقتنعه فيه لان اخواتها البنات متزوجات شباب بس وروهم الويل يمكن هذا سبب من الاسباب الي خلتها تشوف ان الشاب مهب شرط انه يسعدها بالعكس تقول هذا بيدللني وسعدني (وهي على فكره اي احد يتقدم لها تستخير على طول وتدعي ربها انه يكون طيب وعلى خلق ودين))هي مشكلتها وقت تكون مقتنعه فيه ولا اكذب عليكم انها تقنعني بكلامها ومره يضيق صدرها وتحس انها غيرا لبنات باختصار انا راح اطبع لها اردود وان شاء الله يكون خير وبرد لكم واعلمكم هي تزوجته والا لا
وآسفه لاني طولت عليكم واشكر كل من ساهم برأيه

والله انا رايي من راي نوووسه و تَنْثُرُ الكَونَ عِطرَاً ماختلف عليهم بحرف

اختي الغالية :
سبحان الله انا بالضبط زي بنت اختك ( الله يحفظها ) بس الفرق اني مااشترط الا شرط واحدانه مايكون اصغر مني باكثر من سنتين حتى لو راتبه ضعيف مايهمني ( ولمعلومك انا موظفه واتمتع بحلاوه ملفته والله هذا مو رايي هذا راي كل اللي حوالي ) وفعلا الناس تمت توسوسلي اني 100% مسحوره او مصابه بعين لا والبعض يحلفلي خصوصا اني كنت مملكة سنتين ومابقي على زواجي غير اسبوعين والله واتفركش وانا من كان عمري 14 سنه وانا ذا يحجزني لولده وذا يلمح لابوي ومن كان عمري 19 سنه وانا انخطب والله انه عدد اللي تقدمولي فوق 15 شخص بس سبحان الله ماكان لي نصيب وانا الان عمري 29وكمان كل بنات قبيلتي اللي بعمري تزوجو ( ماعدا 3 وهم صاحبات ظروف )واللي بعدي بكم سنه تزوجو كلهم وذحين كل مال بنات 19 عندنا يتخطفون وعلى وشك خلاص لا وازيدك من الشعر بيت ان اختي اللي اصغر مني باربع سنين جاريه محاولات اقناعها بشاب من قبيلتنا تقدملها ويبي الزواج الصيفيه الجايه
لا وكمان اختي اللي اصغر منها وعمرها 18 سنه خطبوها الى الان اثنين وملمحين عليها كمان اثنين وامي تقول ماعندها مانع تزوجها الان
ياليتك يااختي الكريمه تبلغين بنت اختك اني والله مااروح مناسبه الا اشوف العيون تبي تنحول من كثر ماطالعلي والله ان بعض الناس تدير راسها تطالع فيني وانا رايحه جايه شوي وتنكسر ارقابهم واقول في نفسي : اكيد بالكثير يوم ولا يومين ويكلمون الوالده بس الحمدلله على كل حال والحمدلله الذي لايحمد على مكروه سواه وانا زيها يتقدمولي المطلقين والكهوله المتزوجين والارمل وغيره من الاشكال اللي ماتفضلها البنت لا واللي حوالي كمان يضغطون علي باني خلاص عنست وان بنات القبيله اللي اصغر مني بسنين عيالهم دخلو المدارس و و و
وكمان اخوي الكبير يضغط علي بشكل مقزز والله انه يراقب جوالي يفتش في الارقام والرسايل واذا ابغى اروح مشوار يقعد يقول للوالده : كيف بنتك تتركينها رايحه جايه على كيفها تبين الناس تتكلم عليها بالرغم من اني ماروح هالمشاوير ( مستشفى , سوق , سوبر ماركت ......الخ ) الا مع اخوي الثاني
بس مع هذا كله ولله الحمد انا صاااااااااااااااااااااااااااااااااااامده مستحيل والف مستحيل اني اخذ واحد بهاالعمر
مايصير كذا يااختي الكريمه انها تضيع شبابها بالله عليك تسألينها هالسؤال :
قوليلها : مالك رب تسألينه وتسترزقينه ؟ والرب اللي تسألينه ماخلق السماوات السبع بدون عمد ؟
وهل هو عاجز عن انه ياتيك بشاب فيه كل المواصفات اللي لا قريباتك ولا صديقاتك حصلو عليه ؟ هل الله عاجز ؟ سبحان ربي رب العزه ذا الجلال والاكرام
وان شاء الله ربي يقدرني واكتب لك قصه لوحده راح تبعث الامل في نفسها
واسال الله العظيم رب العرش العظيم ان يهبني ويهبها ويهب كل فتاة وصلت الى سن كبيره ولم تتزوج ان الله يرزقها بزوج خير مماتأمل واسرع مماتأمل انه على كل شئ قدير
( واذا سألك عبادي عني فاني قريب اجيب دعوة الداعي اذا دعان فليستجيبو ا لي وليؤمني بي لعلهم يرشدون )
وسامحيني لو كان في كلامي قسوة .

حبيبتي كل شى قسمة ونصيب بس انا اقولك ودوهاعند مطوع خلي يقرا عليها يمكن ناس مسويلها سحر تعطيل الزواج تعرفين الناس مايعطين خير

يالغالية خليها تستخير وكل شي بيد رب العالمين واذا ربي كاتب شي بيصير

تكفون لاتوافقون الله يخليكم انصحوها ولله لو وافقت بتندم مايب توافق ولا بشي

ولله قعدتها بيت اهلها تسوا عدال هرجال