اليوم جبت لكم طريقه انشاء الله تحوز على رضائكم
العجينة:
3 ك دقيق أبيض
3 أصابع زبدة (أدري شكله وايد بس ما عليه) باردة من الثلاجة
كوب وربع سكر مطحون
م ك قرفة مطحونة
2 أو ثلاثة م ك ماء بارد (في الكوب حطي شوية ثلج)
الحشوة:
كستر
فواكه مشكله على ذوقك عنب فراولة مانجا كيوي
سكر مطحون
شوكولاته سايلة
الطريقة:
انخلي الدقيق والسكر في وعاء عميق مع بعض ثم أضيفي القرفة
قطعي الزبدة صغار جدا واخلطيه مع الدقيق حتى يكون ا لدقيق لديك مثل التراب الخشن ستاخذ هذه العملية منك بعض الوقت حتي تلين الزبدة وتخلط مع الدقيق
حطيى ملعقة ماء ثم اعجني ولمي العجينة ثم قدري كم تحتاج إلى ماء زيادة يعني يمكن تطلع عليك م ك زيادة أو 2 بس لا تكثرين من تلم معاك العجينة خلاص..
انقلي العجينة من الوعاء وانقليها إلى سطح مرشوش بسيط واعجني ل 5 ق.
ثم لفيها في كيس نايلون أو نايلون الصحون ودخليها الثلاجة لمدة نص ساعة
أثناء ذلك ممكن تدهنين الصواني مال الكاب كيك الصغار بالزيت بتحتاجين حوالي صينيتين من اللي فيهم كل وحده 24 فتحة
افتحي الفرن على 425 يعني حار
بعد ما تخلص العجينة وقتها في الثلاجة طلعيها واعجنيها شوية على سطح مرشوش خفيف بالدقيق ثم افرديها برفق مع وضع بعض الدقيق على الشوبك إلى أن تصبح متوسطة لا هي رقيقة وايد تتكسر ولا سميكة.. ثم قصي بقطاعة البسكويت اللي أطرافها مشرشرة وشيلي الدوائر ولبسي بها الفتحات
ثم بالشوكة أخرمي من الداخل
ودخلي الفرن لمدة 7 ق تقريبا أو 5 إلى أن تصبح ذهبية.. ثم أخرجيها واتركيها لتبرد تماااااااااااما لا تستعجلين عليها عشان ما تتكسر..
بعدين طلعي القاعدة البسكوتيه وعلى فكرة ترا طعمها واااااايد لذيذ بدون شي
الحين تعالي للحشوة:
سوي كستر على النار وبملعقة صغيرة احشي كل الفتحات زين
اللي ما تعرف مقادير الكسترد تتفضل بالعافية:
3 كوب ماء
كوب حليب مسحوق
2 فنجان القهوة سكر
كله على النار حتى يبدا يسخن
بعدين هاتي 3 ونص م ك مسحوق الكستر أو الكسترد وذوبيهم في نص كاس ماء بارد
زين وبعدين ضيفيهم للخليط اللي على النار وخليه يغلي وإنتي جدامه تحركين وخلي بالك عن ينحرق الحليب
ثم وطي الحرارة شوي وقلبي إلى أن يثخن المقدار ..
بعدين هاتي الفواكه اللي تحبينها كيوي وعنب وتوت وفراولة ومانجا .. يعني إبداعك..
وقصيهم صغار وحطيهم على الكستر
بعدين هاتي سكر مطحون ورشي على الوجه
ونصهم صبى عليهم خطوط شوكولاته سايلة
وممكن تحطون من فوق كريمة
وصدقوتي بتدعولي وبتقولون الغمامة قالت إنه يستاهل
وترا محد يصدق أبد أنه شغل بيت ..
منقول[/grade]
