مشكلة الغيره ..من اخت ريلي

احترق من قلبي لاني ما احس اني انا بس في قلبه في حد ثاني
شو الحل برااايكم

coffeerose:
شوفي غاليتي انا عندي نفس مشكلتك بس للاسف الاخت عمرها 11 سنة
تخيلي يقارن فيها ويمشي طلباتها على انها اوامر
وصدقيني البنت معطية نفسها الحق انها تتدخل بكل شي
بسببه طبعا لدرجة لو اشتريت شي في البيت او له هو شخصيا
تقولي ليش اشتريتي هذا
وليش غيرتي مكان هذا.
وتقول البس كدة ولا تلبس كدة وغيره كثير.
في البداية كنت اعصب واضايق وبالتالي
هو يوقف في صفها ليما قررت اتبع اسلوب العكس تماما
وصرت ولا اعصب ولا اهتم لها وبالتالي اسوي اللي ابغاه بهدوء
واقنعه بشويش اني انا الصح لاني اكبر منها
وشوي شوي صار موقفه معايا بنسبة 70%
على فكرة مو انت لوحدك كل الرجال
اهلهم خطوط حمراء ما ينفع تجاوزها
بس بذكاء المراة تقدري تتجاوزيها
انا ماقول ندلهم على العقوق لاسمح الله
بس كل شي بالمعقول.

ملاك الورد:
غاليتي استهدي بالله واحمدي ربج ان اللي يتكلم عنها هي اخته
عيل شو بتقولين عن رياييل يتكلمون عن عشيقاتهم جدام حريمهم

حب الريال لاخته وامه غير عن حبه لزوجته كل وحدة لها مكان في قلبه
ولايمكن أبدا اتي وحده وتاخذ مكان الثانية ...

انتي لا تبينين له هالغيره الريال مايحب هالافكار ويستصغر عقل الحرمة
.. يحب يشوف زوجته واثقة من نفسها وما عليها من حد .. وانتي عليج بنفسج
شوفي ريلج شو يحب وسويله .. كوني لنفسج شخصية مستقلة وبارزة..

ودايما حسسي نفسج انج انتي الاحسن عشان ينعكس هالشيء على نفسيتج
وتصرفاتج ...

وربي يحفظج وايسر امورج ...