وظيفتي الجديده تخيفني

السلام عليكم

كيف حالكم بنات.. عساكم طيبين..

امممممممم..بداية انا موب دلوعه ابدا.. بل جديه والكل عارف عني هالشي..بالذات في التعامل خارج منزلي..

ندخل في صلب الموضوع.. ياعرايس منتدانا ..انا توني مستلمة وظيفتي في بنك من يومين فقط.. وتوني راده من الدوام..تعبانه وما اشوف قدامي من الارهاق.. شغل البنوك موب جديد علي لانه سبق واشتغلت في بنك غير هالبنك..
الجديد هو الاعراض اللي تصيبني بمجرد دخولي مكان او عالم جديد.. والعمل الجديد هو عالم جديد على أي كان..

تصيبني اعراض واااايده.. التلعثم.. الخوف.. ضربات القلب تتسارع بمجرد ما تقترب السيارة من مكان عملي..رغم مثل ما سبق وقلت اني عارفه اجواء البنوك..لكن صدقوني.. احيانا احس اني أريد ابكي مثل الاطفال وارجع بيتنا اتخبى في غرفتي...واوال ما يبدا الصبح يطلع واحس انه موعد العمل قرب اتضايق واخاف ..واتمنى لو انه الليل يطول..

احاول قدام الموظفين ارسم على وجهي ابتسامة الثقه وامشي بثقه طبعا بدون غرور.. لكن من داخلي اكون خايفه ومتضايقه واتمنى اغمض وافتح عين الاقي عمري في بيتنا..حاسه عمري موب قد المسؤولية وما انفع في هالوظائف.. رغم اني في عملي السابق قدرت اعلم نفسي بنفسي وافهم الشغل لوحدي.. وتطاردني افكار غريبه.. مثل اني اقبح وحده في العمل خاصة اذا مرت قدامي موظفه تمشي بزهو علما اني موب قبيحه ورشيقه ولله الحمد.. او احس اني اذا غلطت في فهم معلومة اني اغبى وحده في البنك وانهم الموظفين بيقعدون يتكلمون على بطئ استيعابي .. اذا الموظف المسؤول فهمني معلومة اقول قدامه اني فاهمه حتى لو موب فاهمه.. حتى ما أبان قدام الموظفين غبيه.. احس انه كل النظرات علي.....نسيت اخبركم انه عمري 31 لكن الاعراض اللي تصيبني احسها للبنات الصغار او الاطفال موب وحده تخطت الثلاثين وسبق لها انها اشتغلت... هل انا مجنونة... او هالشي طبيعي ويصيب كل انسان جديد في عمله.. والبنك حاطيني في وظيفه جديده علي ما سبق وجربتها حتى في عملي في البنك السابق وهي قروض السيارات..طول الوقت العملاء اغلبهم رياييل ولازم تجادلينهم وتكلمينهم ومادري شو.. عشان القروض.. وهات الفايده وخذ النسبه.. حاسه عمري ضاااااااااااااااااااايعه.. وما كملت يومين في وظيفتي وارجع البيت متضايقه .. وشي كاتم على صدري...لدرجة اني فكرت استقيل من الحين مع اني صارلي سنين ادور شغل ..والغريبه ان البنك قلتلهم مالي خبرة في القروض.. لكن حطوني هناك.. ما ادري ليش.. هل هم يدورون سبب عشان يغلطوني؟؟؟ الله اعلم....هل اتم في البنك وادور على وظيفه غير ولا نفس الاعراض بتطاردني من وظيفه لوظيفه ؟؟ !!

كل يوم يمر اخاف أكثر واقعد على المكتب وادعي ربي ما يدخل علي عميل لاني ما بعرف اتصرف واكيد بخرب الشغل..واذا قرب المسؤول مني يسألني عن اللي فهمته .. علما انه اصغر مني جدا.. اتلعثم وايدي ترتجف وانسى حتى اسمي..وابان جدامه كأني طفله..تايهه من امها:confused: واذا مافي مفر احس اني اريد اصرخ بأعلى صوتي واهرب من البنك ...
وفي الشغل لازم ادخل الحمام مرة او مرتين بس عشان اتنفس واخذ نفس عميق.. على راحتي واهدي اعصابي..
واللي يدربوني طبعا من جنسيات موب مواطنه.. انا ما اتحامل على اي جنسيه .. لكن هم معروفين انهم ما يحبون يساعدون الا بعض واحيانا ما يعطون المعلومة كاملة ...بس عشان يبان ابن البلد سئ ومهمل في عمله...ما ادري شاسوي.. تايهه وخايفه لاقصى درجة...اسعد لحظاتي لما ارجع البيت.. وادخل غرفتي...

حاسه اني غبيه.. وبخرب شغل العملاء وابهدل الدنيا..واللي زاد الطينه بله اني من يوم انا طفله وانا حساسه لدرجة لا تطاق..واي كلمة تزعلني ..وجو العمل ما يبي هالاسلوب..يريدون الشخص القوي

حد منكم مر باللي مريت فيه.. ولا انا انسانه مجنونة واحسنلي اقعد في بيت اهلي...:sad: ولا هذا طبيعة كل انسان جديد في عمله

انتظر ردودكم حتى لو بالنقد المهم ساعدوني اتخلص من هالخوف اللي متملكني...:sad:
:confused:

تحياتي...