كيف تدخلين نفسك في قلب وعقل زوجك .. وهو بعيد

السلام عليكم ورحمه الله وبركاته


خواتي المتزوجات في هذه الأيام نجد كثير من المتزوجات يعيشون في حالة من الفتور والبعد مع ازواجهم

وطبعاً مانقدر نحدد منو السبب في هذا البعد العاطفي هل هو الزوج او الزوجه

بدل مانيلس نفكر ونذكر اللي سوينا لأزواجنا ونقول انهم مايستاهلون ومابين بعينهم شي .. خلونا ندور على خطوات بسيطه نقدر نغير فيها شويه من مجرى حياتنا

أو بالمعنى الأصح خلونا نقحم عمارنا في قلب وعقل ازواجنا غصباً عليهم وبدون ماندق الباب

وللوصول لهذا المغزى بعطيكم كم طريقة تستخدمونها يمكن يكون في شويه تغيير ويستحون ويحسون على ويهم أزواجنا ويقولون مساكين حريمنا شويسوون عشان خاطرنا


إليكم بعض الطرق اللي انا جربتهم مع زوجي ووايد استانس علي واستحى على ويهه كم يوم (( بس كم يوم

أولاً حالوا اختي تبعثين للزوج مسجات حب ورومانسية طبعاً مب من المسجات اللي نقراهم دوم ويمكن يكون مر عليه

لا طبعاً حاولي انتي ادورين في المجلات وكتب الشعر كلمات حب اول مره يقراها منج انتي ,, واكتبي له كم كلمه حب وهو في الدوام

يعني مثلاً يوم بيكون في الدوام وبيوصله مسج مكتوب فيه احبك حياتي ,, فديت روحك يالغالي ,, اشتقلك موووووووت

حطي نفسج في مكانه شو بيكون شعورج اكيد بتتخبلين وبتطيرين من الفرحه

ثانياً البنات اللي ازواجهم يداوموون دوام رسمي حاولي تحطين له منبه لليوم الثاني الصبح

يعني بعطيكم مثال احينه ريلج ناش من الرقاد بيسير الدوام .. طبعاً انتي تعرفين الساعة كم يطلع من البيت بذكائج ياحلوه حاولي تسرقين تيلفونه في الليل

وادخلي على الكاليندر وحطي له تنبيه نفس اللي تحطونه عشان يذكركم بعيد ميلاد او مناسبة مهمه وبوالشباب يستاهل

فشو اللي تسوينه حطي المنبه انه يصيح المنبه عنده بعد مايطلع من البيت بـ 10 دقايق .. يعني مثلاً يطلع من البيت الساعة 7:15 الصبح

خلي المنبه يصيح الساعة 7:25 انج تكونين متأكده انه مابيكون في البيت وبيكون في السيارة ,, والأهم من هذا كله

شو اللي بتكتبينه في المنبه .. بعطيج مثال بس انتي وشطارتج طبعاً مب كل يوم نفس المسج ,, اكتبي له مثلاً

صباح الخير ياعمري عسى عمرك سعادة وحب .. حبيبتك ......... يعني اسمج

اتخيلي شعوره وهو في السياره يطلع له المنبه بهالمسج ومنج انتي شو تتخيلينه يسوي

انا عن نفسي زوجي نفس الوقت اتصل ومتخبل يقولي فديتج كيف خطر على بالج تسوين جذه .. وتم يسولف

الحبيب ومب طايع يبند التيلفون لين ماوصل الدوام وانا فيني رقاد وعيني ماتتبطل بس بعد وااااااايد استانست

ثالثاً حاولي شويه تكسرين من روتين حياتكم اليومي يعني تغيرين في شكلج كاااااااامل يعني تصبغين شعرج وتقصينه وتشقرين حواجبج ( لأن النمص حرام )

انه يوم ايي من الدوام أو يوم ايي من برع يشوف جدامه وحده ثانيه غير عن اللي طلع عنها الصبح او العصر

ولاتقولين ريلي ماحب اني اقص شعري او اصبغه صدقيني مافي ريال مايحب انه حرمته تغير شكلها حقه وتجدد من شكله واللي مايحب من الريايل يوم بيشوف بيحب

ويمكن يقولج ليش سويتي جذه وتدرين انه مايعيبني صدقيني مب انه مب عايبنه بيقولج جذه عشان مايكسر كلمته اللي قالج ياها قبل ومن هناك حضرته متخبل عليج

رابعاً إذا ريلج من النوع اللي 24 ساعه يحب يطلع ويا ربعه تعرفين شو تسوين فاجئيه واحجزي فندق ليله ولا ليلتين

يمكن في البداية يتغصص انج بتخربين طلعته ويا ربعه ويمكن يغصص عليج بعد بس طنشي ومب تضاربين وتقولين خله يولي مايستاهل :sad:

لأ كملي اللي سويتيه ودوسي على عواطفج وكرامتج شويه وسيري وياه (خل يحمد ربه مب دافع من جيبه) :angry:

صدقيني يمكن هاليومين يذكرونه فيج وفي ايام الملجه ويرد لج ويغير من اسلوبه البايخ وياج بتكون لفته حلوه منج :gum:

ونفس الوقت بينجبر انه يجابلج في هاليومين ويمكن يكتشف فيج اشياء كان عامي نفسه عنها وفي نفس الوقت بتعوضين نفسج اللي فقدتيه خلال الأيام اللي فاتت بيومين من الحب والرومانسيه:shy:


هذي كم طريقه في بالي احينه وإذا يتني فكره يديده اكيد ماببخل فيها عليكم وبقولكم ياها

وانشالله ماكون ثجلت عليكم وفدتكم في اللي كتبته لكم والله يجعل لي ولكم الخير في ازواجنا انشالله


منقوووووووووووووووووووول