عندي عباء فصلتها حق عرس بنت خالتي وتدرون نحن اذا لبسنا العباء مره ومرتين وانحفظت نستحي نلبسها ثالث مره هاي العباء ما لبستها الا في عرس بنت خالتي ساعه وعيد ميلاد ولد اختي ساعه وعرس ثاني ساعه يعني العباء استعمال 3 ساعات نظيفه ومثل ماهي
والله بدون مدح كل من كان يشوف العباء يتخبل ويسالني وين فصلتيها كانت تلفت الانظار وفيها فخامه
انا عاد فصلتها ب750 درهم والله بدون اي مبالغه طبعا بعد ما طلعت روحي ويا راع المحل كان يبي يسويها ب 1000 بس عاد اختكم شاطره وسوته ب750
قماش العباء اسمه الخليجيه وايد حلو واسود وملمسه حلو والشيله دجا الليل
طبعا وايد رمست بس انا ابي ابيعها لاني لبستها في 3 مناسبات وخلاص وين بلبسها بعد؟؟!!
هي تنفع للمناسبات والعزايم
والله والسعر الي بعرضه وايد حلو
450 لاغير
والله نزلت وايد مع انها يديده وانلبست 3 ساعات بس بما انها مستعمله انا ببيعها برخص
طبعا تبون تشوفون الصورفالكم طيب
بس اسمحولي ترى التصوير مب واضح لانه من كاميرا الموبايل
تفضلوا الصور
هاي العباء من ورا شغلها كله عباره عن خرز بايب من الصغار والاصلي الي يلمع مب الكجره
وهذا تطريز الظهر من قريب
وهذا كم العباء
وهذا الكم عند الاسويره
وهاي الشيله التطريز من طرف واحد
وهذا نوع تطريز العباء كلها مع الشيله
الي جاده ترسل لي على الخاص
نسيت اقولكم قياس العباء 60 بالنسبه للطول والعرض متوسط وقابل للتضييق