مينا بازار

الغاليه هذا سوق مب محل
شوق هندي فيه قطع للمناسبات و فيه محلات ملابس هنديه و اكسسوارات
و في قطع جلابيات

مكانه
تعرفين طبعا تقاطع برجمان تخلين برجمان يسار التقاطع و تروحين سيده
بتشوفين اشارات اتركيهن و روحي سيده
و انتي تمشين بتشوفين على اليمين محطة امارات جديمه بعدها على طول ادخلي يمين و بعد يمين بتدخلين مينا بازار


بالتوفيق

يزاج الله خير الغاليه
بس بغيت اسألج يعنى يبيع قطع قطنية وويل .. والخ
يعنى حق العيد تنفع .. يعنى حلو ولأ عادي
واذا عادي .. عندج محلات تبيع قطع يديدة ومميزة وحلوة وبسعر أحلى

عندهم كل شي بس لازم تسيرين من وقت
اولا عشان تحلين موقف
و ثانيا عشان تلحقين تلفين عدل و تشوفين كل المحلات
عندهم للعيد و للأعراس و للبيت و كل شي
بس مثل ما قلت لج لازم تلفين

و لو تبين ويلات حق العيد انا من كمن يوم ماخذه من سوق الكويتي (( البنايه البيضا في سوق نايف )) وايد اشيا حلوه عندهم و اسعارهم معقوله

وفي محل في ابوهيل تحت عنده قطه ويلات و حراير للعيد بعد وايد روعه و مسوي تنزيلات اذا بتلحقين عليه

يزاج الله خير يالغاليه
بشوف بحاول اسير آخر هالاسبوع
بس بسألج المحل اللى في بوهيل شنو اسمه

ماشاء الله سحايب دبي ماقصرت


بس بعد بخصوص الأقطان والويل عندج شارع السطوه فيه كمن محل ماعليهم رمسه أبداً

وبعد في الملابلازا في محل موجود تحت في الدور الأرضي عندي سوالف غاويه

ااااااااااااه
والله احترت ما اعرف وين اسير
ريلي بتخبل

طيب يالغاليه
عطينى اسماء المحلات اذا ما عليج كلافه