الله يخليكم ساعدوني!!!!!!!!!

الغاليه وحليلها صغيره ما تفتهم بعدها أصبروا عليها وبيي اليوم ألي تعرف في الصح من الغلط
والغاليه بعد ما يجوز انكم تظربونها حرام بعدها صغيره
انا سمعت في الازاعه دكتور كان يرمس عن الاطفال وقال نقطه عيبتني اذا تبين ولدج او بنتج يسمعون كلامج وهم راقدين ايلسي بجنبه وتمي رمسيها ( مثلا مام حبيبتي ليش اسوين جذه كوني بنت عاقل اسمعي رمست ماما )يقول سبحان الله الياهل بهاي الطريقه يسمع الكلام بس لازم كل مره يسوي هاي الطريقه ، الانشاء الله بس أفدتج
والسموحه على القصور

هلا اختي الكريمة الصراحة الله يكون بعونكم يارب
والله يحمي بنت اختك بس تصدقي يقولو اللي يكون هيك بصغره يصير لما يكبر عاقل ومتزن باذن الله

ليش ما تجربو انكم تجيبولها العاب جديدة كل فترة والتانية وتلتهي فيها تكون جديدة نوعا ما عليها

مثلا فيه مجموعة من الالعاب اللي تكون عطور واثاث ومكياج طبعا بلاستيك
بلكي بتفجر الطاقة اللي عندها

والله يهديها وتشوفوها احلى عروس

شماني فله:
انا سمعت في الازاعه دكتور كان يرمس عن الاطفال وقال نقطه عيبتني اذا تبين ولدج او بنتج يسمعون كلامج وهم راقدين ايلسي بجنبه وتمي رمسيها ( مثلا مام حبيبتي ليش اسوين جذه كوني بنت عاقل اسمعي رمست ماما

فكرة وايد حلوة، لأن الطفل في ها الوقت يكون هادي وباله فاضي....

أختي حرام بعدها صغيرة، لا تضربونها :)...3 سنوات تتكلم وتمشي وتتحكم في الأشياء بس بعدها ما تعرف الصح من الغلط..وأكيد هي ماخذه الموضوع عناد بسبب الضرب...ودام أنكم مقتنعين أنها كبيرة، مافي أحسن من أنكم تفهمونها باللين، ولا تتوقعون أنها تستجيب من أول وثاني محاولات، لازم تصبرون عليها...
ممكن تحرمونها من الألعاب، وتفهمونها أن سبب الحرمان أنها ما تقدر ها الألعاب......
وأبعدوا عنها الأشياء الخطيرة مثل العطور والكريمات، ومع الوقت بتنساهم...

و الله كانك تتكلمين عن بنتي

بس بنتي بعدها ما كملت سنتين
نفس القصه و الله
عضقها و موتها الكريمات و العطور و الأدويه

ما تشوف كريم الا تفتحه و المصيبه لو كان الفازلين

يا ويلي ويلااااااه ... تتفرك فيه و تفرك السرير و الأرضيه و اللي يمر عليها ما تخلي شي

و الصابون نفس الشي من تشوف الصابونه تتفرك فيها تقول اببح يعني بتسبح

و الأدويه لو ما ترفعها عنها عادي تفتحها و تبلعها و اي شي سائل تشوفه و تصبه على الأرضاو على السرير او على ملابسها

و الله جننتني

بس ما اصارخ عليها علشان ما تحس الموضوع عناد و تكرر و تزيد في حركاتها

كلهم يقولون لي خليها فتره و بتهدى بس في هالعمر تسوي هالاشيا لانها تحاول تكتشف الأشيا

لو لقيتوا لها طريقه فيدوني بها الله يجزيكم الخير

حبيبتي سبب كل هاي المشاكل ... هي الضرب ...

لا تضربونها اذا شفتوها تخيس قولولها يالله شو رايج انظف وما نخيس بيتنا عشان يقولون بيتهم نظيف وحلو ...... هاتيها بالسياسه ...

البنت ماخذه السالفة عناد،، دام أنكم تضربوها،، ترى مسألة الضرب خاطئة،، الحين البنت لو تكلمونها تفهم،،، خذوها بهدوء وبينوا لها الخطاأ،، مثل ماقالت أختنا أشتروا لها الألعاب الي عبارة عن ماكياج وعطور، خلوها يمكن تندمج معاهم.... وتنسى الأشياء الحقيقية,,
ماشاء الله عليهم العيال أحيانا يطفشون الواحد....

يا ويلي شنكم تتكلمون عن بنتي نفس السالفة
بس بنتي عمرها سنتين وسبع شهور بس حليلها أول ما أهازبها تقر بس لما أسير تعاود السالفة

مرة دشت عند خدامة هلي وفتحت علبة الدوا مال الخدامة وشلت حبة ولولا إنه الله ستر وطلعناها من حلجها كان والله بلعتها

ألحين كل ما تسير مكان ألحقها شني شرطي ياخي أخاف عليها

عاد بتروح المدرسة وهي على حالها الله يعين

الموضوع صار له 3 سنين اختي الملاك الضائع