لو عرفت بغيابــك كيــف يصبح زمــانـي ........

اختي الحبيبة
ملاكي الحنون

:

راااائعة
قصة تحمل الكثير
من الجمال
بانتظار الجزء الثاني
بشغف شديد
لك كل تقديري
وانرتي قسم
القصص بهذه
الاطلالة
المميزة

:




قلبكم الحنون

قصة راااااااااااااااائعة بانتظار التكملة

[glow=660066] كمليها

بلييييييييييييييييييييييييييييييز

اندمجت ف القصة ....[/glow]

تسلميييييييييييييييييييييييييييييين

وننتظر

كملييييييييييييييييييييييييييييييييييييي

هلا والله فيكم

اسفه على التاخير

الحين انزلهاااا

الجزء الثانــــي..
كانت الساعة بتدق 1 الظهر والجو حر برى تأفأفت شما ومشت لبيت عمها
توها بتدخل من الدروازة.......؟!
شما:بسم الله
عباس:هه شو هذا انا خوف
شما:انته اللي روعــتينه
عباس:انتي سوي خوف انا ما في انا
شما:زين قووم خلني بطوف
عباس وهو يرد على ورى:زين
\
/
مرت شما وهيه قابضة على قلبها صدق خوفها هالطباخ هيه كانت بتدخل
وهو بيطلع وتصادفوا عند الباب
..
دخلت شما للبيت
مالقت حد في الصاله وراحت للصاله الثانيه اللي مسوينها للشباب"خوان خوله"
وفيها 3 حجر للشباب
..
لقتهن قاعدات يشوفن التلفزيون
شما:هلولو بناات
سلمى:وعليكم السلام
خولة:هلا شمووة
شما وهيه اتي صوبهن:شو هالفلم؟! بدلن عنه
خولة:يووة قوومــي خليني اشوف شو بيستوي
سلمى:شو بيستوي يعني هالخبله مادري شو حطت في الكريم وبيبقى في ويوههم
خولة وهيه فاطسه من الضحك على الفلم:ههههههه عنبووة هاذي من كثر حبها له تسوي هالشي؟
شما:اكيييد لازم اللي يحب لازم يضحي
سلمى وخولة في نفس الوقت:خخخخخخخخخخخخخخ
شما:وانا شو قلت تضحكن عليه؟
سلمى:يالخبله هيه تحبه وهو مايحبها سوت كريم وخلطت خلطه عشان يحطونها على ويوهم
اونها تخفي التجاعيد وتبيض البشرة
وهم صدقوها وفي الاخير شوفي قاعدة مع امها في السيارة وتضحك
شما:هبل..الفلم كوميدي؟
خوله:هيه
شما:يالله يعت اانا وين غداكم؟
خولة:صبري بشوف هاجر عشان تيبه
\
/
طلعت خولة ونادت خدامهم عشان تحط الغدى وردت عندهن عشان يكملن الفلم ع بال مايخلص
في هالوقــت وخصوصا في بيت اليدة حمدة
..
دخل ابو شما هو وحرمته سبرة ومعاهم الخدامة شاله حميد"ولدهم"اللي كان عمرة سنتين
مالقى حد في الصالة وقعدوا هناك شافتهم الخدامة وراحت تخبر حمدة
..
استغفرت حمدة ربها وقالت للخدامة تحط الغدى وراحت لولدها
..
حمدة:السلام عليكم
بو شما+سبرة:وعليكم السلام
"قام بو شما وحب امه على راسها"شحالج الوالدة؟
حمدة:بخير ربي يسلمك وشحالك انته؟!
بوشما:بخير ربي يسلمج
حمدة وهيه تلف لسبرة:شحالج سبرة؟! وشحال امج وهلج؟!
سبرة:بخير والحمدالله تسلم عليج
حمدة:الله يسلمها
بو شما بكل شوق وحنان ووله:عيل شموة وين؟
حمدة:في بيت عمها
عصبت سبرة:وهاذي دومها هايته هناك؟! ماعليها امتحانات؟!
حمدة وهيه مختاضه ليش انها هدت على شما:فديتها بنتيه تدرس وهيه مخلصة قالت بتروح
تتغدى وبترد
بو شما:بس يا اميه انا اتصلت عليج وقلت لج بايي اتغدى عندكم خليها ترقبنيه
حمدة:قالت اليه البنات كلهن بيجتمعن هناك ومسويات عزيمة.."وقعدت تلفق قصة "
سبرة:شو عزيمته في نص الامتحانات اكيد تجذب
حمدة وهيه خلاص معصبة:انا ماعلمتها على الجذب وهيه محترمة وانا واثقه فيها بنتيه
بو شما:يا اميه لاتعصبين سبرة مب قاصدة انها هب مربيتنها عدل بس
حمدة:بس شوو علمنيه؟! عيل تتحراني انا هب مربايه وماعرفت اربي بنت ولديه؟
سبرة بكل حزن:انا..
حمدة:لا تقولين شي ماعليه نحن مانبى نتواقع على شي مايرزا ..يالله اقربوا الغدى
..
قامت حمدة وهيه معصبة على سبرة"الله يعين البنيه وهيه عايشة عندي جيه تقول لو راحت وعاشت
عند ابوها شو بتسوي بها هالفعى؟!"
غرفوا الغدى ..
حمدة:عيل بويه وينه حمد ما يا معاك؟!ولا حامـد ولا حمدة وينهم؟!
بو شما:الحين بيون مع الدريول
حمدة:وليش مايبتهم معاك؟!
بو شما:كانوا بايتين في بيت خالتهم وقلت مادام اني اليوم بتغدى عندج خليت الدريول يروح واييبهم
حمدة:فديتهم تولهت عليهم
سبرة:يالله حبيبي حميد كل
حميد:مابا
حمدة:تعال تبى يدتك تغديك؟!
استانس حميد وقام بيتغدى عند يدته بس سبرة عصب وخلته يقعد غصب
صاح حميد كان يريد يقوم ويوم سوت هالحركة عصبت حمدة"شو بسويبه انا ما بأكله سم..سم اللي ياكلج"
شوي ان حمدة"في الصف الرابع" يايه تركض ودخلت للصاله ولوت على يدتها من ظهرها
..
حمدة:يدوووتــي شحااالج؟!
حمدة"اليدة":فديت قلبج انا تعالي بحبج
حمدة:خليني لاويه عليج
حمدة وهيه تمسك بنت ولدها وتقعدها في ثبانها:تعالي يعني افدااج ماتبين تحبينيه؟
حمدة وهيه تحب يدتها وتلوي عليها:تولهت عليج
ويدخل حامد "في الصف السادس"وركض ليدته:قومي حمدوة بسلم على يدتيه
حمدة بدلع:ماريد يييت قبلك
حامد وهو يدزها:قومي
حمدة"اليدة"وهيه تضحك:لا تتواقعون يعني ماخلو منكم تعال اقعد عداليه
حامد وهو يحبها على راسها:شحالج يديته؟
حمدة:بخير عيل وين اخوك؟
حامد:الحين بيي
حمد "في الصف الثاني الاعدادي"وهو داخل عليهم:السلام عليكم
الكل:وعليكم السلام والرحمة
ويسلم على يدته ويحبها على راسها ويروح يسلم على ابوه ويقعد عدال امه ويحبها
حمدة"اليدة":فديتكم يا عيالي وين مرة ماتيون ليدتكم؟
حمدة:انا اقول لأميه وهيه تقول بعدين بعدين ماشي وقت
رفعت سبرة نظرها لبنتها وعصبت عليها
حمدة"اليدة":لا ماعليه عاذرتنكم انا ادري عليكم مدارس
بوشما:حمد انته ماعليك امتحان؟
حمد:هيه
بو شما:ومتى بييك الاستاذ اليوم؟
حمد:العصر قلت له ايي لأن باجر علينا عربي وسهل
سبرة:هيه سهل لازم تدرسة اريد علامات فوق هب تغدي شرات ختك
حمدة وهيه تاكل لقمتها:انا؟!
سبرة:بسم الله عليج انتي فديتج الاولى طالعه على صفج..قصدي شما
حمدة"اليدة":فديتها بنتيه يايبه النسبة فوق الثمانين الحمدالله
سبرة:بس انا بنتيه بتيبها فوق التسعين ان شاء الله
حمدة:كيف امايه ايب تسعين انا الحين ايب تسعين
بوشما عشان يلطف الجو:لا حبيبتي امج تقصد تكونين شاطرة وتيبين تسعين واكثر
..
وتم بو شما يسولف عليهم بمختلف المواضيع وهم يتغدون
حمد كان يحس بكرة امه للأخته شما وكرهها ليدته اللي هيه حمدة
بس هو مايخالطهم دوم كله برى وعند الشباب ونادرا ما ايي مع ابوة لبيت يدته
شما ماكانت تحب تقعد معاهم عشان ماتستوي مشكله مع حرمة ابوها سبرة
سبرة بالرغم من مظهرها الخارجي اللي يوحي للكل انها طيبة وحنونة
بس لها قلب مايرحم ..قلب ياكلها بالغيرة على كل شي
تغار يوم تشوف ريلها عند بنته شما
تغار يوم تشوف اهتمامه الكبير بها..تحس بالقهر ولازم تسوي شي عشان تبعد بينه وبينها
يدتهم حمدة يوم درت ان ولدها بيشل شما عشان تعيش عندهم عارضت هالشي
لأنها تحب بنتها وبعدين كانت تعرف ان سبرة مابترحمها
وقالت لولدها خلاص شما بتعيش عند يدتها
\
/
بعد الغدى
\
/
شما:الحمدالله شبعت
سلمى:زين والله
شما:آآآه ياصاالووونتكم جنااان هيييه ماقلت لكن عن عباااسووة
خولة وهيه يايبه البارد معاها:شووو استوى؟
شما:وانا يايه من البيت تصادفت مع عبااس وروعنيه وروعته
الكل:ههههههههههه
شما:والله فلخنيه عقلي طااااار
سلمى:عقلي طاار يايمه عقلي طااار من الاسمر يااا يمه عقلي طاار
خولة:وع مالت عليج دخيلج سلوووم سكتي سكتي
شما:هههههههههههه خليها تغني عجيب صوتها
سلمى:آآآه يا خولوووة يعلج تفدين اللي يرفعون من المعنويات
شما وهيه تتطنز:ماحاولتي تشتركين في نجوم الخليج 2؟!
سلمى:مشكله محد صوت اليه ولا ابوويه مواافق
خولة:هههههههههههههههههههاااااي اصلا لو قلتي له جان شفتج في قبرج الحين
شما:ول بيذبحها؟! خلها تشتغل مغنيه تكد عليكن
سلمى:لا والله اصلا اذا اشتغلت مابدفع فلس حمر لهم
خولة:تعالي تعالي اطاالبج انا بعشر ربيااات ونص وربع درهم مايبتيييهم
شما:والنص والربع وين يااياات؟
خولة:ربع للعلوج..ونص للحب
شما:هههه هييه والله..صح سلووم قبل خذتي من عندي خمس ربيات وينهن؟
سلمى وهيه تقوم:انا بروح ارقد باااي
خولة:وين وين تعالي نبى فلووسنا
شما وهيه تزاعق:نبى فلوسنا..نبى فلوسنا
خولة:انا خولة بنت ابوويه اطااالب اختي من اميه وابوويه انها ترجع اليه فلوووسي نبا فلوووسنا بى فلووسنا
خالد وهو داخل على زعيقهن:حووووة شو هذا صوتكن واصل لبرى؟!
شما وهيه تتحجب:هههه نطاالب بفلووسنا
خالد:اقطعن ماريد اسمع لكن حس
خولة:زين
خالد:هاتي لي بيبسي
شما:وين وين؟! ماشي غير واحد واليه
خالد:هاتي البيبسي يالله
شما وهيه تاخذ البيبسي:ماريد خذ سفن آب ولا ميرندا
خالد:طالع اقووللج هااتييه
شما وهيه تقوم من مكانها:ماريد
خالد:زين بشرب شوي وبعطيج
شما:وع اشرب من عقبك؟
خالد وهو يقرب لها ويحاول ياخذ البيبسي:يالله
شما:زين بشرط
خالد:شو؟
شما:اريد آخذ شريط منوعات اللي كان عند حمداانووة
خالد:منو هذا اول مرة اسمع اسمه
شما:ههههه
خولة:عشتوا تقوولكم حمداان عمي ماتعرفة؟
خالد:هييه قولي عمي حمدان حمدانوة مرة وحدة؟
شما:والله هو مب عمي هو اخووية
خالد وهو مستغفلنها وياخذ البيبسي:بفكر
شما وهيه معصبة:حراام خااالد
خالد وهو يفتح البيبسي ويشرب منه:اممممممم
شما:يوووة ماريد لابيبسي ولاشريط مع السلامة
وتتجه للباب اونها بتروح لبيتهم
خالد وهو يلحقها:هااه هااه دووج خلاص عن الزعل
شما:ماريد
خالد:اونها عاد يالله عاد
شما:ماريد خلاص
خالد:افا وترديني انا ولد عمج
شما بنص عين:بتخليني اشل الشريط؟!
خالد:هيييه قولي جييه يعني بترضين؟! مافيه على يدتيه
شما:ههههههههههه خلاص برضا بس مابنسى بخبر عليك امايه
خالد:والله كيفج البيبسي وشربت الا شوي والشريط بتشلينه
شما:زين خلاص
وتشل البيبسي وتروح مع شما
خالد:وين بتروحن؟
شما:بروح البيت بدرس
خالد:بوصلكن عيل
شما:لا عادي
خولة:هيه والله وصلنا بدال لانمشي في الحر
خالد:ههههه منو قال بركبكن السيارة؟ لو تركب شموة مابتخلي سدة في السيارة هب فاتحتنها
شما:لا لا وعد وعد مابفتح شي
خالد:لا لا انتي مناااافقه ماريد
شما:كييييفك..يالله عيل نرووح ماريد اتأخر
..
مشت شما عدالها خولة وخالد
وهم يسولفون خالد كان في 23 من عمرة شاب مجتهد وآخر سنه جامعه
يحب السوالف مع خاواته وااايد اجتمااعي وطالع على خاله
ويعتبر شما كأخت له ويحترمها واايد لأنها دووم في بيت عمها ومع بعض
لأن بيتهم عدال بعض وهم صغار يلعبون ويتواجعون"وللحين بعد هالشي يستوي"
مشوا وهو يسولفون ونست شما ان ابوها وحرمه ابوها في البيت
..
شما:صح خااالد نسيييت
خالد:شو؟
شما:التصميم اللي كنت انته تبااه للجامعه مسيف عنديه ع الكمبيوتر
خالد:زين انج ذكرتيني خلاص سيفيه وهاتيه
شما:شو رايك تدخل انته وخوله الحين وبالمرة تسيفه وبشغل النت الصراحة ماعرفت انزل
برنامج "الفيجوال بيسك"من النت دار راسي
خالد:شو تبينه البرنامج؟
شما:ندرسة الحين واريد اسوي بروجكت
خالد:خلاص يالله عيل
\
/
دخلوا للبيت وسيدة لحجرة شما خلت الباب مفتوح لأنه عيب يعني تسكرة حتى لو كانت خوله معاهم
دخلت خولة للحمام وراحت شما اتيب عصير بارد من المطبخ
في هالوقت
..
مشت في الممر واول ما وصلت لحجرة ؟

انتظروني بالجزء الثالث

ياللا عااد ....كملي القصة...ما اقدر اصبر

كمليها لانها كتير حلوة وحطي الاجزاء كلها بيوم عشان بحب اقرا ورى بعض

ومشكورة كتير

هلا واللـــــــــــــــه

حاضر ياقلبي تامرين امر

يالله اخليكم الحين



الجزء الثالث
دخلوا للبيت وسيدة لحجرة شما خلت الباب مفتوح لأنه عيب يعني تسكرة حتى لو كانت خوله معاهم
دخلت خولة للحمام وراحت شما اتيب ماي بارد من المطبخ
في هالوقت
..
مشت في الممر واول ما وصلت لحجرة ؟!
وقفت سبرة وهيه منصدمة "منو هالريال؟! يمكن حمدان"
..
تقربت سبرة:السلام عليك حمدان
وقف خالد ورد السلام:وعليكم السلام هلا سبرة
سبرة:خالد؟!
خالد:هلا
سبرة:هاا لا شحالك؟! وشحال امك وخاواتك؟
خالد:بخير والحمدالله
سبرة:انته شو تسوي هنيه؟!
توه بيتكلم تدخل شما وهيه تضحك وشاله الصينيه:اقووول خالد...؟!
سبرة:قولي؟ ليش سكتي؟!
شما:سبرة؟
سبرة:عمج سبرة
شما وهيه تحط الصنيه على الطاولة وتسلم عليها:اهلين
سبرة:تعالي اريدج برى
خالد:لا ماعليه بطلع انا والاقيج عقب شموة
سبرة :وين بعد تلاقيها عقب؟
خالد وهو منصدم:شو؟
شما:سبرة شبلاج؟
سبرة:اريد اعرف هو شو يسوي هنيه بروحة؟
خالد:لا والله تشكين فينا يعني؟
سبرة:اكيد مادام انك في حجرتها وبروحكم؟
شما:سبرة ما اسمح لج تشكين فينا وتقولين هالكلام
"وتطلع خولة من الحمام وهيه ماتعرف شو مستوي"
سبرة:وااو زين والله والله واكتمل المشهد
خالد وهو معصب:شوفي نحن والحمدالله نعرف الحرام من الحلال ولاتظنين اني ياهل
وبسوي هالحركاات
شما:وبعدين هو ولد عمي مب غريب وياي يساعدني ولو انا بروحي معاه شو فيها؟! ولد عمي
ويخاااف عليه ويداري على مصلحتيه
خولة:شو السالفه؟
سبرة:السالفة اني بكلم ابوج وهو اللي بيتفاهم معاج
\
/
وتطلع سبرة وهيه معصبه على الاخير وفي بالها خطه بتسويها
اما خالد قعد على الكرسي وهو معصب على الاخير من الكلام اللي قالته سبرة
\
/
شما:خالد سامحني والله ماكان ودي تكون في هالموقف
خالد:انتي مالج خص في السالفه هيه كيف جييه تتجرأ وتشك فينا نحن ماسوينا شي
خولة:يااااناااس انا هنيييه شو مستوي؟
شما:ماشي..اقول خالد انته الحين رح وعقب تعال مافيه ترد الحين
خالد:مالي خص لازم اكون معاج بتي الحين هيه وعمي ولازم اكون موجود
شما:لا عادي ابوية بيتفاهم معايه وبقول له كل اللي استوى
خالد:اممم خلاص انا بروح
خولة:افف تصدقوون انكم سخييفين زين اريد اعرف شو استوى
خالد وهو قايم:بتقول لج شموة"وابتسم لشما"
\
/
طلع خالد وهو خايف على بنت عمه كيف جييه يشكون فيهم؟
هم قبل لايكونون عيال عم اخوااان
عايشين مع بعض
بس هالحماارة سبرة اففف يااكرهي لها والله اكرهها
الله يعينج يا شمووة عليها الله يعينج
\
/
في الصالة
بو شما:هاه سبرة وين رحتي؟
سبرة وهيه معصبة:وين رحت يعني؟ رحت اكشف بنتك على حقيقتها
بوشما:بنتي؟ حقيقتها؟! شو مستوي؟
سبرة:رحت اشوف حجرتها اليديدة ولقيتها مع ولد عمها في الحجرة والمصيبة ان الباب مسكر
قلت خلني بدخل بدون لا ادق الباب لأن محد بيكون هناك وعلى حسب علمي
انها في بيت عمها طلعت في الحجرة ومع ولد عمها
بو شما:ولد عمها؟!منو؟
سبرة:الحق على بنتك يا أحمد الحق عليها قبل لاتضيع انته مخلنها هنيه عند امك العيوز وماتعرف
شي عنها تدري امك يالله يالله تشل عمرها والحين تخلي هالمراهقة هنيه عندها
ومحد يراقبها ولا يراقب تصرفاتها؟
بو شما:وشو لقيتهم يسون؟
سبرة وهيه مرتبكة وماتعرف شو تقول:والله يا احمد انا بروحي استحي اقول لك رح وخلها هيه تقول لك
عصب بو شما وعطاها حميد اللي كان شالنه بين يديده وراح لحجرة بنته
فتح الباب بقوة
واول مادخل لقى شما وخولة قاعدات على الشبرية استغرب خولة موجودة
يعني خالد كان موجود عيل شو السالفه؟!
قامت شما وهيه تشوف الشر يتطاير من عيون ابوها
..
شما:هلا ابوية"وتقوم تحبه"
خولة:عمي هنيه؟!ياهلا والله
ويسلمن عليه
..
بو شما:اريد اعرف خالد شو كان يسوي هنيه؟
عصبت شما:ماشي بس بيشغل النت يبى كم شغله وينزل برامج اليه
بو شما:ياسلام وليش ان شاء الله انتي عندج نت هنيه؟
شما:ليش حرام النت؟
بو شما:منو سمح لج تفتحين خط نت؟
شما:عمي هو اللي اشترى الاب توب وفتح خط نت واصلا ايي ويستعمله عنديه مب بروحي
خولة:عمي يعني شو بنسوي بالنت بالعقل يعني نحن الحمدالله نعرف الغلط من الصح
بو شما:خالد وين؟!
شما:ابوية الكلام اللي قالته سبرة كله جذب
بو شما:لا والله وانتي شو دراج سبرة قالت؟!
شما:اكيد بتجذب عليك مثل كل مرة لأنها جذااابة
عصب ابو شما وصفعها بطراق:احترمي عمج يا شمووة وكبري عقلج سامعه
شما وهيه تحاول انها تحبس دموعها:تخسي الا هيه تعمعمت في خصف والله العظيم انها مب عمتيه
بو شما وهو معصب اكثر واكثر:شموووة ثمني كلامج هيه حرمتيه وام عيالي
شما:زين انك عرفت عيل انا شو مب بنتك؟! خلاص رح لها
رح حرمتك تراك تحبها ليش قاعد؟
واصلا ليش يييت رح صوبها انا ماريدك انا ماحبك ماحبك ماحبك
اكرهك تعرف شو يعني اكرهك؟
وقفت خولة وهيه منصدمة اول مرة تشوف شموة تتكلم جيه من زمان كانت تقول لها
كيف سبرة متحكمة فيها وكيف مشيشه ابوها عليها
بس ما كانت شما بالجرأة هاذي
بو شما:شوفي تلمين ثيابج الحين وبوديج معايه البيت انتي مالج قعدة هنيه
شما:شوو؟
بو شما:مثل ماسمعتي
خولة:بس ياعميه هيه ماسوت شي
بو شما:انتي سكتي ويالله سيري لبيتكم واخوج لي كلام ثاني معاه
خولة:شووف عمي اخوية خالد مثل اخوها ومستحيل انه يفكر يسوي شي غلط
والله حساافة ياعمي هذا آخر ماتوقعته تشك في بنتك وفي ولد اخوك والله حساافة
\
/
وطلعت خولة والعبرة خانقتنها ماتعرف هيه شو قاعدة تقول او شو قالت
طلعت من البيت وهيه معصبة على الاخير واول ما وصلت
لقت خالد توة بيروح لحجرتة وخبرتة بكل شي
وان عمها قرر يشل شما للبيت معاه
\
/
خالد:شووه؟؟ بيشلها؟
خولة:فقدتها يالله يعلها ماتتوفق هالسبرة
خالد:لا شما مابتروح وانا اعرف شو بسوي
\
/
اتصل على حمدان وقال له السالفه كلها
يعني انه دخل لحجرتها والباب كان مفتوح وان شموة راحت للمطبخ وخولة كانت في الحمام
والامر او الموضوع كان طبيعي وقال ان سبرة دخلت عليهم
وقالت كلام عند عمه بس كلام محد يعرفه
وسمع ان اخوه بيشل شما معاه
عصب حمدان وقال الحين بيي البيت
\
/
في بيت شما
\
/
طلع بو شما للصاله ولقى امه
بو شما:اميه ترى شموة بتروح معايه
حمدة:وين؟
بو شما:بتنتقل عندي هناك في بيتي عند خوانها وعمتها
سبرة وبابتسامه الانتصار:يا هلا بها ويامرحبا
حمدة:جيف تسير وماتقولي؟
بو شما:اميه خلاص انا قررت
شما وهيه يايه تركض وتصيح ليدتها:اميه قولي له ماريد اسيير ماريد
عصب ابوها:روحي ولمي ثيابج يالله
حمدة وهيه تحاول تعرف الموضوع:يا ولديه انته تعرف بنتك عايشة عندي كيف اقدر اعيش بلياها؟
بو شما:مع الايام بتتعود يالله
سبرة بحنيه:افا يا شما ماتبين تين بيتنا والله ماهقيتها منج
شما:جب انتي محد كلمج وانا ماريد اطيحه بيتج يعلني الموت قبل لا اطيحه
حمدة:استغفري ربج يابنتيه
شما بكل رجاء:امااايه لو تحبينيه خليني عندج ماريد اروح ماريييد
ويدخل حمدان:السلام عليكم
سبرة"كملت افففف"
سلم حمد وحامد وحمدة على عمهم وقعدوا على الكراسي
حمدان:هلا احمد شحالك؟
بو شما بدون نفس:بخير..يالله شما
حمدان:وين؟
سبرة:بتسير معانا البيت
حمدان:ومنو سمح لكم؟اصلا شموة ختيه ومابتظهر من البيت
شما بابتسامه كبيرة شاقه بحلجها:فديتك
بو شما:شو حمدان اشوفك عرفت ترمس
حمدان:شوف احمد يا انك تقعد وتتفاهم معانا وتقول اليه السبب اللي بيخليك
تشل شما ونتفاهم ولا ماتشل شما
بو شما:جيه بدون سبب انا ابوها وولي امرها
شما:ابوية وولي امريه؟!
ليش وينك عني من زمان؟!
توك عرفت ان عندك بنت ؟! يوم انته عايش مع حرمتك وعيالك ومافكر تتصل عليه
ولا على الاقل تزورنيه يادوبك تطرش اليه فلوس وتروح بس تتحراني اريد فلوسك؟
انا ماكنت اريد الفلوس كنت اباك انته بس انته تخليت عني
وانا بتخلى عنك مابااك مب غصب
سبرة:والله لو نقول للقاضي الحين مشكلتج بيقول تسير بيت ابوها
شما:انتي شو دخلج منو قالج ارمسي؟
بو شما:شمووة انا شو قايل لج احترميها
حمدان:احمد استهد بالله انا اعرف السالفه كلها,,"وجه كلامة لسبرة"يوم دخلتي لحجرة شموة
الباب كان مسكر ولا مفتوح؟
سبرة:مسكر
فتحت شما عيونها:وين مسكر يوم هو كان مفتوح وانا يايه من المطبخ يايبه العصير
حمدان:زين ترى يوم دخلتي عليهم كان خالد قاعد على الكرسي وشما عند التواليت وعقب مادخلتي
طلعت خولة من الحمام عيل هم شو بيسون؟
سكت الكل وشما كانت مستانسه تحس ان تدخل عمها بينجيها من اللي بيصير لها
سبرة وهي ماتعرف شو تقول:بس لو العرب شافوهم بيقولون
حمدان وهو يقاطعها:العرب ماعليج منهم المهم انهم ماكانوا يسون شي وبعدين هم خوان
بو شما:قذيتنوني تراكم خوان وخوان انا ماعندي غير شما وحمد وحامد وحميد وحمدة
حمدة:احمد استهد بالله خلاص
سكت بو شما:سبرة يالله بنرد بيتنا
\
/
طلع احمد من البيت وهو معصب من الموقف اللي صار
مايعرف منو يصدق
حرمتة
ولا بنته واخوة ؟!
نادت سبرة خدامتها وشلت حميد وقالت حق عياها يالله
وطلعت وهيه معصبه لأنها كانت تريد خطتها تنجح
..
اول ما طلعوا ارتمت شما في حظن عمها وقعدت تصيح
حمدة:يابنتيه ليش تصيحين؟
شما:فقدتها فقدتها كله منها اجذبت على ابوية ولعبت بمخه ويابته عشان يشلنيه
اعيش عندها وتخليني شرات الخدامة بس ما اطيح بيتها الا وانا ميته
حمدان:تخسي الا هيه تشلج والله ماتظهرين من هالبيت الا وانتي عروس
شما:خخخخ بتيوزنيه؟
حمدان:حليله بو فيصل يدور له حرمه ويباها تحت 18 سنه بتاخذينه؟
شما:يخسي هالشيبه خله يدور له عيوز
لف حمدان على امه:هاه اميه موافقه؟
حمدة:على الشو؟
حمدان:بو فيصل بيعرس
حمدة:واللقعه اللي تلقعه برايه يعرس
شما:هههه زين يبااج يا اميه خذيه وهاتي لنا بيبي
حمدة:طالع انا متفيجه الحين اييب البيبي عرسي انتي وهاتيه
شما:لا اريد عمه العبها
حمدة:قولي لعمج يعرس واييب لج هاليهال اللي يخربون البيت
حمدان:والعثرة انا بعرس عشان انتج؟ لاحق على العرس والحرمة والعيال
شما:يالله عرس عرس
حمدان وهو يدزها عنه:قومي انتي بعد عرس وينها العروس؟
حمدة:البنات تارسات البقعه بنسير نخطب لك ذيج السنافيه
شما:هيه والله
حمدان وهو معصب:يوم انا في خاطرية البنيه وقلت لج نسير نخطبها قلتي لي
انته عدك صغير واكيه خطبوها وعرسها هالصيف
قلت لج يا اميه بس بنخطب والعرس عقب
قلتي لا هيه الحين آخر سنه ويوم بتخلص امتحاتها بنخطبها
اكيه انخطبت قبل امتحاناتها وعرسها عقب الامتحانات
شما:ول ول ول متى استوى هذا؟! ولا البنيه في مدرستيه؟ منو؟ شو اسمها؟
حمدان:لا تذكرن اسمها خلاص انا ماريد اعرس الحين يوم بيدق ف راسي العرس بقول بعرس
شما:زين فيه غيرها بخطب لك وحدة مزيووونة
حمدان:جانج تبين اخوها بنقول له تعال اخطب ولا انا ماريد
حمدة:زين يا ولديه انساها عنبوة اللي يقول رابي فياها ماتقدر تنساها؟
حمدان:هه ونسيتي بنت خالتيه العنود؟
اكيه عرست وانا ماعرف انها انخطبت ولا قالوا وراها ولد خاله بنشاورة جانه يباها ولا لا
حمدة:عاد انته كنت مسافر فيا ربيعك اللي مسوي حادث
وعقب مايتوا رحتوا للعمرة والريال مابيرقب ووافقوا
حمدان:ماشي اسمه تلفون تسون عليه؟!
يا اميه انا تعبت كل ماحطيت بنت في بالي يا انها انخطب وانا ما ادري
ولا انها مب موافقه عليه
نسيتي بنت خلفان اللي حشرتيني بها بنت مزيونة سنافيه وماعرف شو
ويوم رحنا نخطب قالت والله ما باه عنبوة واقف جدامج بطول وعرض وجمال تقول ماباه؟
شما:والله انها ماتستحي حد يرد هالاخو المزيوووون؟
حمدان:انا بسير ارقد مافيه على هالرمسه اللي ماتخلص يالله
شما وهيه تحبه على صطارة:نوم الهنا ان شاااااااااء الله
حمدة:تغديت؟
حمدان وهو واصل عند باب حجرته:شبعااان
\
/
دخل حمدان وهو متضايق من السالفه كلها
انسدح على شبريته وهو يفكر
وغط في نوم عميق
اما شما استانست لأنها ماراحت مع ابوها
لأنها دوم كانت تفكر في هالسالفه تقول اكيد بيي اليوم اللي بيقول ابوها يالله ردي البيت اباج
هيه ماتتخيل العيشة هناك عند حرمت ابوها
قامت يدتها وقالت لها تقفل الباب لأنه الظهر وتخاف عليها وراحت ترقد
اما شما بعد ماقفلت الباب شغلت التلفزيون وبالمرة قالت بتصل على مريوم
\
/
في هالوقت كان خالد يفكر في شما وااايد
من استوى هالموقف معاها وهو يفكر
اكيد عمي الحين شلها
اكيد راحت لبيت ابوها
يووة بتصل على حمدان
بس تلفونة محد يشله
بقول لخولووة تتصل على بيتهم وتكلمها
\
/
طلع لخولة وقال لها تتصل على شما
اتصلت بس طلع الخط مشغول
خولة:اكيد شموة ترمس فيه
خالد:وانتي شو دراج؟
خولة:محد يشغل تلفون البيت الا هيه
سلمى:شو مستوي بلاكم مجمعين على التلفون؟
خولة:ييه مادريتي؟ حرمت عمج المصوون شو سوت؟
خالد:والله انج متفيجه تقولين لها السالفه شوفي انا بسير وانتي اتصلي لها
وشوفي شو استوى معاها وشو قال عميه
خولة:ان شاااء الله
خالد:يالله
طلع خالد وهو يفكر فيها وخاااايف عليها مايتخيل انها
تروح عنهم تعود عليها يوم ماتييهم في البيت
يحس بالوله والشوق
ويسير لبيت يدته عشان يلاقي شما
يحس انه لازم كل يوم يلاقيها ويسولف معاها
وهالشي طبيعي دوم يروح ليدته ويلاقي شما ويسولف عليهن
تم يفكر وهو مايتخيل بعد شما عنه
\
/
خايف فراقك يتعب حياتي يدمرها
\
/
شما:اقوول مريوووم
مريم:شوو؟
شما:تصدقين مالي نفس اروح افتح الكتاب الحين
مريم:افا ليش عاد؟ والله سهل باايخ باقي لي الوحدة الاخيرة واخلص
شما:ماشاء الله عليج متى درستي؟
مريم:ييت ملانه وقلت بدرس والحين يايه بتغدى
شما وهيه تشوف الساعة:الساعة 2 الظهر وتوج تتغدين؟
مريم:هههه اقولج قعدت ادرس
شما:ساعتين بس؟!
مريم:هييه بس عدني برد احل الاوراق واراجع مرة ثانيه
شما:اها
مريم:وانتي؟
شما:شو؟
مريم:مابتدرسين؟
شما:مادري بروح ادرس الحين والعصر اييكم؟
مريم:هييه ذكرتيني
شما:شو؟
مريم:عمتيه وعيالها يو
شما:زين؟!
مريم:كيف بتينا؟!
شما:عيالها صغار؟
مريم:لا واحد ثانوية عامة والثاني في الاعدادية
شما:وشو ياايين يسون؟
مريم:تدرين انتي عمتيه بتسافر مع ريلها وعيالهم وبناتهم عندنا
شما:الله يعينج
مريم:يعني مابتيينا؟
شما:شو رايج انتي تينا؟!
مريم:لا استحي انا من زمان ماييت بيتكم
شما:شوفي انا مالي خص انا دوم اروح لبيتكم الا انتي ماتيين
مريم:اميه ماطيع
شما:مالي خص انتي لازم اتييينا
مريم:بشوف اميه
شما:مالي خص قولي لها انا حلفت اني ما ادرس الا وانتي عندي
وبعدين قولي لها ان عيال عمج عندكم كيف ايي بيتكم ورياييل فيه؟
مريم:اونه ريااييل ههههه
شما:صدق انتي ماعندج اخوان كلكن بنات وعادي
مريم:وعمج؟
شما:شبلاه عمي؟
مريم:استحي منه بس عليه آخر مرة مفتشله من الموقف
شما:ههههههههههههههههه ول من متى هالموقف مستوي عادي
مريم:بس ياويلج خليه يطلع من البيت
شما:حلفي انتي وين اخليه يروح؟
مريم:المهم ماعرف وين يالله بسكر ابتغدى يعت
شما:ههههه زين يالدبه تغدي واتصلي العصر
مريم:بشرط تدرسين الحين عشان اذا ييتج نراجع ونقعد نسولف
شما:وهيه تحدرين المنتدى والماسن؟!
مريم:يالله جب انتي تدرين ان اميه ماتخليني ادخل وقت الامتحانات
شما:وبتدخلين من عندي؟
مريم:اقولج بااي
شما:ههه بخبرها امج
مريم:كيفج بس مابتخليني اييج
شما:هههه خلاااص يالله مابقوول لها
مريم:يالله بااي روحي درسي
شما:زين باي
\
/
سكرت شما عن مريم وراحت تيب كتابها من الحجرة وقعدت في الصاله تدرس
كان الجو هادي جدا محد غيرها اللي كانت تتكلم عشان تحفظ
درايش الصاله كانن نازلات لين تحت والستارة مفتوحة والليت مبند
الجو كان حلو مناسب جدا للدراسة
شوي الا تشوف سيارة خالد ولد عمها موقفه جدام البيت ونزل وهو لابس النظارات
قامت لحجرها بسرعة عشان تلبس شيلتها ورجعت تركض
كان يدق على الباب بخفيف
\
/
شما:هلا خالد
خالد:اهلين هااه ادخل ولا ممنوع؟
شما وهيه تضحك:لا عادي ادخل افا البيت بيتك
خالد وهو يعق نضاراته:شو استوى؟
شما:ماشي عدت السالفه على خير
مشى لين الكراسي وشاف كتابها قعد عداله وقام يتصفحه:علومج؟
شما:زينه قاعدة ادرس
خالد وهو يشوف الاغاني المكتوبة ورى الغلاف
\\
ماعاد ينفع لو يردك حنينك خطاك اكبر من حبر الاقلام
حتى الرسايل فيه تدينك عنوانها كذب وخيانات وآلام
//
خالد:درستي؟
شما:لا قاعدة ادرس
خالد:الاحياء سهل
شما:واايد بس يباه دراسه
تم خالد يتصفح الكتاب وهيه حست بالاحراج شوية خافت انه يفتح على صفحة كاتبه فيها كلام
شما وهيه تمط الكتاب:خلك من الكتاب الحين بقولك شي ماعليك انته من كلام سبرة والله افتشلت من كلامها
خالد:لا عادي اصلا هاذي تنخذ على قد عقلها
شما:تصدق والله اكرهها هالانسانه مع انها عايشة في بيت ثاني بس احسها على راسي قاعدة
خالد:انتي ماعليج منها الحين ادرسي عدل والله الله بالنسبة
شما:ويين مب الحين خلها للسنه الياية
خالد:لا من الحين نبى النسبة
شما:لا خلها للسنه الياية ان شاء الله بييت فوق الـ 95
خالد:هههه ويين تبيين؟
شما:ليش يعني؟
خالد:ماترومين
شما:ارووم
خالد:بنشوف..يالله انا بسير
شما:الله معاك..اب اب اقوول شو هالسيااارة العجيبة؟
خالد وهو يلبس نعاله:هه جديييمة
شما:غريبة الا اليوم اشوفها
خالد:يوم انتي عميا ماتشوفين شي
ماعرفت شما شو قصدة:زين والبرنامج متى بتنزله؟
خالد:العصر ولا المغرب بايكم
شما وهيه مستغربة:زين تعال غريبة يااي بيتنا الحين ؟
خالد:يالله مع السلامة
شما:الله معاك
\
/
وطلع خالد من البيت وركب سيارتة وراح
اما شما تمت واقفه عند الدريشة وهيه مبتسمة فرحانة لوقوف خالد معاها
خلاص ماتروم تتخيل حياتها بدونة
كيف بتعيش بدون عمها وعيال وبنات عمها ويدتها؟!
اتخيل عايشة في بيت ابويه عند هالبقرة
وع والله ماروح عندهم ولا اعيش هناك
اتخيل اففف لو المووت ماااا رووح
\
/
قفلت الباب ورجعت تدرس عشان العصر تتعدل لأن مريم
بيتييها ويالله عاد شما ماتحب تراجع
يادوبك بتدرس بس واذا يت تراجع تمل
وهيه قبل الامتحانات كانت دارسة كل الكتب
يادوبك كم كتاب مادرسته
..
في بيت العم
..
خولة:يووة سلووم والله راسي دااار
سلمى:انا قلت لج احفظيه مثل ماعلمتج
خولة:فقدت الفيزياااااااا
سلمى:يا ماما ادرسي مثل ماقلت لج
زايد:سلوووم خلصت
سلمى:هااات بسمع لك
خولة:وانا؟
سلمى:افف متى خلفتكم ونسييتكم انا؟
زايد:انا ييت قبلج خولووة
خولة:مالي خص سلووم حفظيني
زايد:سمعييلييييه
سلمى:افففففف
ودخل خالد:هااه علووومكم؟
سلمى:لو سمحت سمع لزايد
خالد وهو ينسدح على الكرسي:هاات كتاابك
زايد:دووك
ويقعد زايد يسمع لخالد
اما خوله تحاول تحفظ القوانين وتطبق وسلمى تساعدها
تاه خالد في تفكيرة وماكان مركز مع زايد
كان يفكر في هاذيج الضحكة
وسؤالها ليش انه يا البيت؟
ليش يعني ييت صدق انج خبله ييت اسأل عنج
غريييبة بس اخاف اذا قلت اريد اخطبها
تقول انها مثل ختيه
لأنا عايشين مع بعض؟
زين يمكن تباني وعادي
آه اقول لخولة تقولها؟!
لا والله وين اودي ويهي عقب لا لا هذا غلط واكبر غلط
مابقول لخولة يازيني والله
زين كيف اقدر اعرف ؟!
اكلمها وجها لوجه؟
هه ماكفانا الموقف المحترم وكلام الفعى عنا عشان الاقيها واقولها؟
زين ليش ماقلت لها الحين؟
لا الحين تدرس وفتره امتحانات خلها تخلص وعقب بقول لها
ولا ليش ما اكلمها في التلفون؟
لا لا مب حلوة
آهااااا عرفت كييف
..
زايد:كيف؟
خالد:شوو؟
زايد:انا قلت لك شو بعدين؟ قلت عرفت كيف
خالد:ههه لا ما شاء الله علك حاافظ خلاص رح العب
زايد وهو مستاانس:زيين
\
/
طلع زايد للصاله اخوانه وراح يلعب بالسوني
اما خوله وسلمى في الصاله وخالد راح لحجرته عشان يرقد شوي
\
/
في بيت بو شما
..
سبرة:آخ لو الحين يبتها البيت
بو شما:شو تبيني اسوي والله بنتيه اباها تعيش عندي بس اميه واخوية
كيف اقدر اقول لهم اباها ولا هيه مب متقبله الشي
سبرة:مع الايام بتتقبل انته بعد امحاناتها قل لها بنروح كشته وتشل ثيابها
وبجذيه بتغصبها على القعدة معانا ومابتقدر ترد
بو شما وهو مقتنع:ظنج؟
سبرة:شوف خلنا نسافر للندن ولا امريكا ع الاقل اسبوع ويوم بنرد نروح دبي
وبعدها على العين عند اهليه ونقعد عندهم شهر
بو شما:وااايد
سبرة:خلها تتعود ويوم بنرد اكييد امك بتيينا تسلم عليها ويوم بترد انته قل لشما انها خلاص تتم عندنا
بو شما:اخاف ماطيع
سبرة:ماعليك يوم بنسافر قل لها انها خلاص تنسى انها ترد ليدتها وعمها
وانها بتعيش معانا
وبتتقبل هالشي
بو شما وهو مستاانس:ياارب ياارب انها توافق
سبرة:غصبا عنها توافق انته مب ابوها؟ لازم توافق وانته قل لها بنسافر كشته ونباها معانا
بو شما وهو يعق عقاله وسفرتة ويتنهد:ان شاء الله
\
/
طلعت سبرة تشوف عيالها وخلت ريلها في الحجرة يفكر في المخططات اللي رسمتهن له في عقله
وقعد يركز ويفكر شو بيقول لبنته ووووو الخ
ضحكت سبرة في خاطرها "والله لراويج ياشمووة شو انا تقولين اليه جب وفقدتج؟
الحين بنشوف منو بيقول جب للثاني"
\
/
ع العصر
دخل حمدان وهو يزااعق
شما:بسم الله شبلااك؟
حمدان:المفتاح وين؟
شما:مفتاح شو؟
حمدان:الباب؟
شما وهي تقوم من شبريتها وكشتها منفوشة:في الباب
حمدان:ماشي
شما:آخر مرة كان هناك
حمدان:قومي دوريه بيقيم المسيد برووح الصلااه
شما وهي متعاايزة:اف الواحد مايشبع رقااد من حشرتكم
قامت للصاله وتذكرت انها قفلت الباب وشلت المفتاح تلعب به ونست تردة تمت تدورة عند
كتبها في الصاله ولقته تحت الكرسي عطته حمدان وارقدت على الكرسي
طلع حمدان وهو يريد يلحق على المسيد قبل لايقيم
في هالوقت طلعت حمدة للصاله وتروعت من شكل شما
حمدة:بسم الله شمووة شمووة
شما بتعب:هاااااااه
حمدة:شبلاج شي يعورج؟
شما:لاااا اريد ارقد
حمدة:شو راقدة يالله قومي صلي
شما:اماااايه توني راقدة
حمدة:يالله يالله وسحي شعرج بسم الله كشت خرووف؟
شما وهي تزعق:بسم الله على شعريه من الخروف
حمدة:ههه يالله قومــي
شما وهيه تتمتح:شلينيه
حمدة:واايه وين اروم لو انتي يااهل جان شليتج
شما:هههه هييه صح ترى مريووم بتيينا
حمجة:يامرحبا بها
شما:زين برووح اصلي
حمدة:عيل خلي الطباخ يسوي لكن معكرونة والخدامة تسوي القهوة
شما:اوكيي
شلت شما كتبها وقالت للخدامة تقول للطباخ يسوي الفواله وهيه تسوي القهوة
وراحت تصلي العصر وتتكشخ لمريم
اما يدتها في هالوقت تروح للغنم وتشوف حلالها
وهيه متعوده كل يوم بعد صلاه العصر تروح للعزبة
\
/
في بيت العم
\
/
كان خالد راد من المسيد ولقى حمدان وقعدوا يسولفون شوي
واسترخص حمدان لأن عنده كم شغله بيروح البيت اييب الاوراق وبيروح لواحد
من الشباب عنده شغل اما خالد حس انه ملان وبالمرة بيروح لشما ينزل البرنامج ويعدل لها كمبيوترها
ويروح لحد من الشباب بعد مايخلص
وصل البيت وهو ينادي بس ماسمع حد
راح لحجرة شما وسمع صوت الاغاني شال المكان شل
وكانت حاطه اغنيه القلب حربي العامري
\
/
يا من اخذت القلب والروح وياك
لاتفتكر في يوم ابعد واخليك
ماذقت طعم الحب ياشوق لولاك
كل الهنا شفته في نظرات عينيك
اشغلتني من بد ذولا وذولاك
دايم مولع بك وفكري يحاتيك
واعلم ترى محدن حبيبي بيسواك
قلبن رخص غيرك وبالحيل شاريك
ازعل لزعلك واشتري بعمري رضاك
يامصدر الهامي ترى العمر يفديك
اسمك بعيني وشاغل البال ذكراك
طيفك يراودني وقلبي يناديك
\
/

استحى يدق الباب عليها رد للصاله ونادى الخدامة عشان تقول لها
راحت الخدامة ودقت الباب فتحته وقالت لها ان حد يباها برى
عبالها مريم ولبست شيلتها وتعطرت
كانت لابسة تنورة بنيه غامجه وقميص ازرق متوسط لا فاتح ولا غامج وجنااان عليها
وشيلتها حرير ارضيتها بيضا وفيها ورود لونها اسود
حاطه آيشدو خط بني فوق وتحت عينها ازرق"مطقمه"وقلوس خفيف على ثمها
طلعت وهيه تعدل بكلتها على يمب
وتغني مع الاغنيه واول ماوصلت للصاله كانت مبتسمة لأن مريم هناك
بس وقفت مثل الهبله مكانها
هذا ريال مب حرمة
صبر خالد؟!
اما خالد وقف وهو مايعرف شو يقول اول مرة في حياته يشوف بنت عمه بهالعداله وهالكشخة
وهالحلاه مع انه يشوفها دوم بس هالمرة غير
متكشخه بالقووو
\
/
"في خاطر خالد"
يامشعل القلب تكفى خفف شوية القلب من كثر صدك ويلي لحاله
دامه يحبك ولا له غيرك بغيه وش له تحطه بدنيا الهم وتلاله
انته حبيبي لقلبي نورة وضيه تحلى بعيني وقلبي صرت تحلاله
وانته ربيع الخفوق وشمسه وفيه وان حب غيرك خفوقي بقطع وصاله
ماريد بك حد ولو هو كان حورية انته مهدي الغرام وانته زلزاله
للموت انا لك حبيبي صورتن حيه ميت بحبك وحبك صرت انا اسعى له
يا بوعيون مثل عين الدمانيه حوراه هدبها مظل ودعج قتاله
كاسنك الحسن واوصافك خياليه ومن راد يوصف جمالك يتهيأ له
\
/
شما وهيه تتحجب:هلا خالد انته شو اللي يايبنك؟!
خالد كان يريد غير الموضوع:نعم نعم؟ منو يباني انزل له البرناامج؟
شما:ههه مب لازم اليوم
خالد:حلفي انتي انا مب كل يوم فاضي
شما:بس ربيعتيه بتي الحين ماعندي وقت
خالد بيغايضها:حلوة؟
شما:شوو؟
خالد:بنخطب جانها مزيونة
وقف يريد يشوف ردة فعلها وبردت فعلها بيعرف هيه بشو تحس اتجاهه
شما......
؟!
شوو ظنكم بيكون ردة فعلها؟!
شورايكم بالجزء؟
هاه سبرة بتم على هالحااال ومخططها بينجح ظنكم ولا؟!
شما شو بتكون حياتها ظنكم تحب ولد عمها ولا لا؟!
خالد اذا عرف ردة فعلها بيستانس ولا بيحزن وبيلغني المخططات اللي في راسة
"شو صار الكل يخطط؟؟"

يا سلاامم يالملاك الحنون........
يعني لازم توقفي فالاماكن الحساسة؟
حمستينا موووووت والله
مشكورة يالغالية

تسلميييييييييييييييييين حبيبتي

ننتظر كمليها

ويييييييييييييييييييييييين الباجي ..

أنا اندمجت عدل ف القصة ..

حراااااااااااااااااااااااااااااااااااااام

حلوة كتير

وبليز خليها متتابعه

ومشكورة كتير

وما تنسينا

اختي بليييييز حطيها كلها مرة وحدة

لالالالالالالا

مو مرة وحده ليش حلو التشويق

باقي كم جزء وتخلص القصه

اصبرووو شوي

الحين بنزل لكم جزء جديد

عودة جديدة لجزء جديد



شما وهيه تتحجب:هلا خالد انته شو اللي يايبنك؟!
خالد كان يريد غير الموضوع:نعم نعم؟ منو يباني انزل له البرناامج؟
شما:ههه مب لازم اليوم
خالد:حلفي انتي انا مب كل يوم فاضي
شما:بس ربيعتيه بتي الحين ماعندي وقت
خالد بيغايضها:حلوة؟
شما:شوو؟
خالد:بنخطب جانها مزيونة
..
وقف يريد يشوف ردة فعلها وبردت فعلها بيعرف هيه بشو تحس اتجاهه
..
شما:اممم يعني حلوة بس انا احلى عنها
خالد وهو مايعرف شو ردة فعلها بالضبط:اممم مادري بفكر
شما:زين خذ راحتك فكر على كيف كيفك ممكن الحين تروح
خالد:لا لا تطرديني؟
شما:شوف البنيه بتي وهيه تستحي وماتحب تلاقي حد
خالد:عنبوة وحوش نحن الرياييل؟
شما:لا بس حليلها استوى موقف مع عمي ومن ذاك اليوم ماطاحت البيت
خالد بهتمام:وشو الموقف؟!
شما:كان آخر امتحان لنا في الجزء الاول لهاي السنه
وهيه نازله عندي وطبعا البيت فاضي ومحد فيه
وقلت لها تعق دفتها وتمت بثياب المدرسة
قعدنا نسولف وعقب تواقنا وتمينا نحووط في البيت وهيه اندست في كبتيه عن لا اضربها وشافها
عمي وهيه داخله تركض على باله اني انا
وركض وراها واندست في الكبت وعااد هو فتح الكبت على وسعه
ومن شافها وشافته بغت تموت
خالد:ومن حلاتة؟!
شما:احترم نفسك فدييته عمووو جمييل بس قصدي ان هالموقف اول مرة يستوي لها
وبغت تمووت من المستحى
خالد:هههه وعمي شو سوى؟
شما:ماشي سكر الكبت وطلع
خالد:ههههه حلييلها اكيد خافت منه
شما:فديته عمي انا.. مايروع بالعكس كل مايشوفنه البنات يطيحن عرض
خالد وهو يتطنز:مب طووول؟
شما:يالله اجلب ويهك زيين..يالله البنيه بتي
خالد:زين زين قذيتيني برووح مرة عله على قلبج؟
شما:لا حرااام عليك والله مب عله بس البنيه بتي وقلت لك
خالد وهو مستاانس:عيل اذا مب عله شوه؟
شما بتغايضة:بس بصل بس بصل
خالد بنص عيل:سديتي يالثوومـــة
..
وطلع من البيت وهو يضحك عليها وشما تضحك عليه ومستاانسة
حست اهتمامه الكبير بها وكيف انه يسولف معاها
كانت قبل تشوف اهتمامه بها بس ماتهتم لهشي لأنه تعودت عليه وتتحسب هالاهتمام
انه يخاف عليها ويداريها مثل خاواته
ولكن اللي ماعرفت انه يحبها ويفكــر فيها وهيه حليلها ع نياتها
..
وهو راكب سيارتة شاف سيارة غريبة داخله للبيت وعرف انها ربيعت شما
ابتسم خالد وشغل سيارتة وطلع
الود ودة يقعد بس شو بيسوي؟ خلاص مايقدر لازم يقول لعمه انه يبى بنته
بس المشاكل اللي قاعدة تصير الحين؟
والوقعه الاخيرة مب السالفه فيها خالد وشما؟
يعني اذا رحت لعمي وقلت له اريدها بيفكر وبيقول ان كلام سبرة صح100%
بيقول شي بيني وبينها عشان جيه رمست وقلت اباها
صح ليش مافكرت في هالشي؟!
وعقب ماقول له بياخذها بيشلها غصب من بيت يدتيه
لا لا مابقول ولابرمس انا اخاف
اذا الحين انا دووم اشوفها.. وعقبها بيشلها ابوها يمكن ما اشوفها
حرااام لا لا خلني ساكت ومابقول لعمي لين ماتخلص دراسة
وعقبها يحلها الف حلال
واصلا محد يقدر يقرب ويقول اباها لأن ولد عمها وراها
اللي هو انا....هههههههههه
\
/
استاااانس خالد وشق بالحلج واستطرب ماعرف وين يروح
وانقذه اتصال واحد من ربعه وعزمة
\
/
شما استقبلت مريم وتمن في الصاله وبعدها راحن للحجرة عشان يدرسن
ولازم خولة الحشرة اتي وتخرب عليهن
يت وسولفت عليهن ومريم كل شوي تقول لهن بندرس وبعد مانخلص نسولف
يقلبنها شما وخولة سوالف"توالفن لازم بيسولفن"
وبعد ماعصبت مريم طلعت خولة وهيه تضحك على شكلها
وخلتهن يدرسن
هالوقت كان ع المغرب واول ماطلعت خولة لقت عمها حمدان جدامها
\
/
خولة:هلا عمي
حمدان:اهلين علومج؟
خولة:من عقب هالطردة معصبة
حمدان:افا شمووة تطردج؟! غريبة اول مرة؟!
خولة:لا مريووم الدبة اونه بندرس القووم اللي يسمعها يقول بتاخذ العلامة
حمدان:منيه مريم؟
خولة:ربيعت شمووة وانته شعليك؟!
حمدان:لا تعالي اضربيني احسن؟! بعد عادج شمووة بلسانها؟!
خولة:انا من زمااان وعندي هاللسان مب الا اليوم
حمدان:خولووة ذلفي احسن لج ولا ترى والله ماتشوفين خير
خولة:بسم الله شبلاكم اليوم عليه ياااحليلي انا
حمدان:هههه"وهو يحط يدة على جتفها ويمشي:وعلووومج؟
خولة:ماشي برووح البيت
حمدان:افا زعلتي؟
خولة:لا بس برد شو بسوي بروحي؟
حمدان:هيه والله اللي بيشوفج تمشين بروحج يقول مينوونة
خولة وهي تدزة عنها:مينوونة اللي يااابته امك
حمدان:ههههه حلييلج
خولة وهيه تشوفة بنص عين:برااايك برووح البيت
وتطلع من البيت وهيه معصبه وعمها يطالها ويضحك..حمدان يحب يغايض خولة
لأن نفسها مرحه ودووم يسمعها من هالكلام والمغايض
وهيه تعودت على هالشي وماتزعل بس"اونه حركاات" جدام عمها
ويحب فيها خدودها لأنها يوم تبتسم يغدن شرات النفااخة
كبار ويحب يتفرص فيهن وهيه تزااعق من الويع
\
/
وبعد مرور ايام الامتحانات على خير
بدت الاجازة الصيفية ولازم العرب يتجهزون للصيف
والبناات مجتمعااات وحشرة وهذربة ليل نهار
سوالف وسهر واكل 24 ساعة
بس هالصيف بيكون مختلف جدا جدا جدا لأن شما مابتصيف هالصيف عند اهلها
ابوها كلم امه وقال انه بيسافر ويبى بنته تسافر
وامه طبها وافقت لأنها بتروح تصيف لا اكثر
وحمدان ماحب فكرة السفر وحس بـ إن في الموضوع بس سكت وماحب يقول شي
وشما بعد نفس الشي ماحبت الفكرة بس غصبا عنها وافقت على السيرة
وهالمرة بو شما قرروا يسافرون للندن
لأنهم الصيف اللي طاف مسافرين لأمريكا وماحبت سبرة تزور المكان مرة ثانيه
تحب التغيير دوووم
\
/
شما:اف
خولة وهيه تتصفح المجلة:شبلاج؟
شما وهيه تحط كندورتها في الشنطة:لازم اسافر معاهم؟! ماريد
خولة:آه ليت ابوية يطييع جاان رحت معاكم
شما:صدق قولي له وروحي معانا ماريد اروح بروحي
خولة:3 أياام مرن في حياااتي غيير كلها صيااح واضرااب عن الاكل بس ابوية ماطاع
شما:زين سوي المستحييل عشاااني
خولة:والله يااشمووة اني سويت المستحيل بس ماطاع تعرفين ابويه مايحبنا نروح مع حد
مع انه عمي بس وين نسافر برى البلاد مرة وحدة؟
لو انتوا بتروحون العين ولا دبي عادي
شما:زين ليش بيسافرون للندن لازم الحين؟
خولة:زين ساافري والله انا ودي اروح
شما:في اجازة نص السنة مسافرين للندلن وانا امل محد معايه
خولة:متى سافرتي؟
شما:قبل يوم كنت اصغر شوي
خولة:هيه صح مادري كنت في صف سادس انا؟
شما:ماعرف بس ماريد اسااافر
خولة:يااربي وانا شو ذنبيه؟
شما:بشرد ولا انتحر احسن؟!
خولة:افا افا وانا منو عندي؟!دخييلج لاا لا
شما:هههه جب انتي
خولة:زين يالله لمي ثياابج تدرين الا بااجر بترووحوون
شما:اهيء اهيء اهيء ماااريييد
خولة:كيفج
شما:تعالي بنطلع بلم ثيابي عقب
خولة:وين نروح؟
شما:بودع الكل بروح لبيتكم ولبيت الييران واللي عداله والشعبية كلها
خولة:حشى انتي بتهاجرين؟
شما:انا احس بشي بس ماعرف شو هالشعور
خولة:بس عليج متواقعه مع حرمة ابوج قبل عيل الحين بتروحن وبتجابلينها اسبوع
شما:الله يعني نص يوم ما استحملها كيف بستحملها اسبوووع؟
خولة:سوي لها طاف ولاتمين حشرة ووقعه معاها
روحي واستااانسي بالسفرة اوكي؟
شما:زين زين
خولة:والله الله هاتي لنا شي منااك
شما:هههه ولا يهمج يالله نروووح..ولا صبر بتكشخ
خولة:يالله عيل بشغل النت دقيقة
شما:اوكي
\
/
شغلت خولة النت وقعدت تحوط فيه
اما شما راحت ولبست تنورة وقميص"لزوووم الكشخة"
واستشورت بكلتها ورتبت شعرها ولبست شيله حرير ملونة مناسبة للون التنورة
اللي كانت ع البنفسجي والقميص ع الازرق وااايد حلو
ولبست شغابات كبار شوي وحطت جحال وقلوس
\
/
شما:شو راايج؟
خولة وهيه مب مهتمه:حلوة
شما:زين شوووفي
خولة وهيه تلف لها:وااااو شموووة جنااان صبري عيل بروح اكشخ انا بعد
شما وهيه شاقه بالحلج:صدق؟
خولة:جب جب برووح الحين بيتنا يالله بروووح اتكشخ مب الا انتي
شما:هههه زين يالله بس صبري بتعطر
خولة:اب اب ايوة ياااعم
شما:بس عاااد ترااني بتخرطف وبطييح
خولة وهي تتفل عليها:بسم الله عليييج عن الحسد ان شاااء الله في عدويينج
شما:وبحر العذااال
خولة:هيه والله شو راايج تاخذين تنانيرج وتكشخين هناك وتغايضين سبرة؟
شما:تصدقين اظني محترة مني ليش اني ضعيفة وحلوة والبس تنانيروهالاشياء
خولة:يمكن ليش لا بس غريبة ليش بتكرهج؟
مع انج ماسويتي شي
شما:مادري بها مع ان نيتيه صاافيه وما اريد اكرهها بس هيه غصب تباني
اكرهها ماعرف ليش؟!
خولة:يالله يالله نطلع
شما:يالله
\
/
طلعن من حجرة شما وهن يسولفن ويضحكن واول ماوصلن للصاله
لقن يدتهن حمدة ومعاها حمدان يسولف واول ما شافوا شما
انذهلوا من هالجمااال وفي هالاياام الاخيرة بان عليها هالشي قبل ما كانت جيه
بس هالاياام حلوت اكثر واكثر وتغيرت استااانست عليها يدتها
حمدة:مرحبا ملااايين في ذمتيه ولا يسدن
خولة:احم احم فدييتج انا
شما:وين دااازة بالوية؟! فدييتج امااايه
حمدان:ومنو قال لج انه لج اكيييد لخوولووة فدييتها
خولة وهيه مستاانسة:احم صدق عمي ولا تمزح؟
حمدان:كيفج
حمدة وهيه تلوي على بنتها:فديتج انا يعلني ماخلوا من هالضحكة انا
شما:اقوولج ماماتي يدووتي حبيبتي انتي انا بروح لبيت عمي
حمدة:مرة سيري وين ماتبين تسيرين على هوااج
خولة:القووم يالدلع
شما:تغاارين منيه؟!
حمدان:اميه حشى انا ولدج ماقلتي اليه جييه اتي هالفعوووصة وتاخذ الغلا عنيه؟
حمدة وهيه تضمه في حضنه وشما عداله:حتى انته ولديه فديتك
خولة:يا سلاام وانا خاارج العزبة؟؟! زين حتى انا بنتج؟
حمدة:ههههه تعالي وانخشي بينهم
واتي خولة وتدز عمرها وتتوسط حمدان وشما وتم الكل يضحك
لأنها تحاول تسوي لها مكان بس ماتقدر
وبعد السوالف والضحك
راحت شما وخولة لبيت خولة
وعلى طوول لحجرة خولة"عشاان تتكشخ"
بس خولة ماتحب تلبس تنورة وقميص اكتفت بكندورة بنفسجيه عجيبة"عشان تطقم مع شما"
وتكشخت..اما شما يت بتسولف على سلمى بس لقتها مشغوله تسولف في التلفون
ملت وقالت بتطلع للمطبخ تحس انها ايعانة
راحت للمطبخ ولقت روتي"صمون"وجبن
وسوت لها سندويجة وصبت لها عصير مانجو
وهيه طالعة من المطبخ تفاجأت بشخص
وكانت حاطه السندويجة في ثمها والعصير في يدها الثانيه وشيلتها شبه طايحه
وخوزوا عن الدرب
\
/
يا ارض احفضي ماعليكي حبييب قلبي حظر
يا ارض احفضي ماعليكي اليووم طااالع قمر
قمر قمر
\
/
خالد وهو يعاطس:آآآآتشواا
شما وهيه ترد على ورى وتحط السندويجة والكوب على الطاولة وتتحجب:هلا خالد
خالد:الحمدالله
شما:يرحمك الله
خالد:يهدينيه الله
شما:يا سلاام وليش مايهديني؟
خالد:كيفي ادعي على عمري بس
شما:لأنك اناااني
خالد:لا وانتي؟!
شما:انا شو؟!
خالد وهو يحس بالحرارة:المهم صدق بتساافرين مع ابوج؟
شما:يس ع قولته بنغير جو وبتتصافى النفووس
خالد:هييه
شما:ليش ابوية قال لك شي؟
خالد:لا بس اسأل
شما وهيه ملاحظة انه مريض:انته مريض؟
خالد:الا اليوم الصبح حسيت بالحرارة
شما:ههه اكييد من درييت اني بساافر مرضت حلييلك ماتقدر ع فرقااايه؟!
"قالتها بس للمزح وماكانت تقصد شي"
خالد:اونه حلفي انتي اصلا فرقااج عييد
شما:ياسلاام ماااعليه بخبر علييك امااايه
خالد:تدلين الطريق ولا ادللج؟
شما وهيه معصبة:لا ادله
وراحت وهيه معصبة عليه وهو كان ع باله انها تمزح
ضحك وقعد يدور بندول في المطبخ وتم يكح ويعاطس مرة يحس بالحرارة ومرة بالبرودة
وبعد ماتعب وهو يدور البندول راح ورقد في صالتهم"اللي تضم حجر الشباب"
مشت شما لحجرة خولة وهيه تحس بالغيض
"شو اونه فرقاااج عييد اصلا انته فرقااك عييد"
وكلت سندويجتها وشربت عصيرها بعصبية ويتها خولة
خولة:شوو رااايج؟
شما:زينه
خولة:جب يالغييض شبلااج؟
شما:ماشي
خولة:لقيتي حد ولا؟!
شما:لا بس جييه عصبت لأن المايكروويف ماطاع يشتغل
خولة:غريبة الظهر مسويه سندويجة لأبويه
شما:ماعرف
خولة:تعالي بنروح صاله اخواني بنشغل التلفزيون بنرتبش
شما:ماريد برد البيت
خولة:حووة ومنو اللي قالت بودع الشعبيه اليوم؟
شما:مالي نفس برووح
وطلعت وهيه متضاايقة شوي وخولة ماعرفت شو سالفتها حاولت تلحقها بس ماقدرت
لأنها سمعت امها تناديها ورجعت لها
طلعت شما لبيتهم وهيه صدق متضايقه من خالد
"ليش يقول جييه يعني انا شو سويت فيه؟
زين يمكن مايقصد؟
بس هو قاالها بنبرة صدق تخلي الواحد يصدق ان فرقااه عيد
معقوله خالد جييه؟!
بس آآآآه خله يولي "
رجعت للبيت وعلى طوول لحجرتها وشغلت الاب توب وطولت على الاغاني
وانسدحت على الشبرية تفكر
..
راحت خولة لصاله اخوانها بعد ما يابت الفواله من المطبخ وحطتها عند امها
واستغربت من وجود خالد وكان راقد
تقربت منه وماحبت تضايقة شغلت التلفزيون وقعدت تبدل في هالقنوات
حطت على تو عجبها الفلم قعدت تشوفة
بس اسمعت اصوات غريبة
واول مالفت لأخوها لقته يهاذي
ويتكلم بس ماتعرف شو يقول بس اللي سمعته شما وشمووة
بس هالكلمه اللي عرفتها واول ماحطت يدها على يبهته
لقته مصخن على الاخير خافت وراحت تخبر امها
وما ارقبت حد سيدة شلنه وراحن مع الدريول لأنه تعباان وما يقدر يسوق بروحه
\
/
في بيت حمدة
\
/
كانت قاعدة في الصاله ونادت شما بس وين بتسمعها وهيه مطولة على صوت الاغاني
نادت الخدامة وخلتها تنادريها
شما:هلا اماايه
حمدة:تعالي دقي لحرمت عمج
شما:ليش؟
حمدة:تأخرت قلت لها بنسير على ام خادم ومايت قالت بتيب فوالتها
شما:زين
واتصلت شما على حرمت عمها وعطت يدتها السماعه وقعدت عدالها من الملل
وسولفت حمدة عليها وسألتها ليش تأخرت
وطلع ان خالد مريض وودوة للمستشفى..وقالت لها بتسكر وتكلمها عقب
شما:ليش راحت المستشفى؟
حمدة:حليله خالد مريض
شما:مريض؟ الا قبل شوي لاقيتنه؟
حمدة:قالت ان فيه حرارة اظني زادت عليه
شما:هييه
حمدة:غريبة ماطولتي في بيت عمج انا قلت بتروح لين الليل وانا بسير
شما:ماشي مليت وقلت برد
حمدة:هيه
شما:اماية شو رايج نسير لمريوم؟!
حمدة:مادري والله
شما:بالمرة يوم انتي لابسة والفواله موجودة نروح
حمدة:ظنج؟!
شما:هيه والله ودي اودع مريووم قبل لااساافر
حمدة:فدييتج بتوله عليج هااه الله الله اتصلي عليه دووم
شما:ولا يهمج بصبحبج وبمسيبج
حمدة:يعني ماخلو منج يالله
شما وهيه تحب يدتها:فديييتج انا
حمدة:خلاص عيل اتصلي على عمج
شما:أي عم؟
حمدة:يييه اخوووج
شما:هيييه اخووية ..بتصل عليه وبروح البس عباااتي
حمدة:ماعليه
وبعد ما اتصلت على عمها راحت تلبس عباتها ورجعت للصاله عشان تروح مع يدتها لبيت ربيعتها
..
ملخص اليوم
..
خالد ترقد في المستشفى لأن حرارتة مرتفعه ومأثرة عليه
وامه رجعت للبيت لأنه بيرقدونة في قسم الريايل
فـ بيقعد عنده واحد من خوانه
اما خولة استغربت من شما ليش انه كانت متضايقة وطلعت من البيت ويوم اتصلت عليها
قالت لها الخدامة انها راحت مع يدتها بس وين مايعرفن
شما راحت لمريم وهيه مستاانسة
وقعدت تسولف عليها وبعد صلاة المغرب قالت لها يدتها يالله
بس ماحبت ترد وقالت بتقعد لين الليل وبعدها بترد
ومثل ماتعرفون يدتها ماترد لها طلب خلتها على راحتها وردت للبيت بروحها
مر اليوم على خير وماعرفت شما ان خالد ترقد في المستشفى
واول ماردت رتبت شنطتها وارقدت من التعب
ع الصبح قامت من وقت لأن طيارتهم ع الساعة 10 الصبح
ولازم يكونون في المطار قبلها بساعة او ساعتين ع الاقل ..قامت تتسبح وطلعت للصالة
لقت الريوق جاهز وتريقت بعدها اتصلت على يدتها ولقتها في العزبة
واتصلت على عمها وطلع رااقد
راحت لحجرتة عشان تودعه بس ماطاع يقوم حبته على صطارة وكتبت له في ورقة
مع السلامة اشوفك على خير
وحطتها عداله على الكومودينو وطلعت والعبرة خانقتنها
ماتريد تروح ماتريد تفارق اهلها وخصوصا عمها ويدتها وبنات عمها
تذكرت خولة وسلمى
من الموقف اللي صار مع خالد طلعت من بيتهم
اسوي لها تلفون ولا اروح لهم؟!
اخاف الاقي خالد مافيه عليه يووة خلني اروح واودعهن اكييد راقدات الساعة 7 ونص
منو واعي؟!
لبست شيلتها وراحت لبيت عمها ولقت حرمة عمها واعيه
سلمت عليها وسولفت عليها شوي وماعرفت ان خالد مرقد للحين
راحت للبنات ولقتهن راقدات نادتهن عشان يقومن
بس لاحياة لمن تنادي فتحت خولة عيونها بصعوبة وقالت لها شو تبين؟
ضحكت شما عليها لأنهن اكييد سهرااناات على فلم للصبح وارقدن
سلمت عليهن بسرعة وطلعت لبيتهم
تمت تفكر في خالد كيف بتلاقيه يعني اكيد راقد الحين والله اني صدق
اقوول ما ريد اتصادف معاه انا الهبله
وانسى ان العرب رقوود الحين
\
/
رجعت للبيت وجهزت شنطتها واغراضها وقعدت في الصاله ترقب ابوها اللي بيمر عليها
وبيتوجهون لمطار ابوظبي
وصلت يدتها في اللحظة اللي كانت تلبس شما دفتها ودخلت عليها
واول ماشافتها لوت عليها وصاحت شما
تحس ان هاذي اول مرة بتفااارق يدتها امها اللي ربتها من وهيه صغيرة
تمت ضامتنها في صدرها
ويدتها تكلمها وتهديها وتنصحها وتذكرها
وتوصيها على عمرها ماتقعد تتواقع مع حرمة ابوها وتستحملها هالاسبوع وعقبها بترد بخير
لكن اللي ما كانوا يعرفونه عن مخطط سبرة اللي رسمته
في مخيله بو شما
وصل بو شما وسلم على امه وبنته وشل شنطتها وحبت يدتها وصاحت
عصبت سبرة على شما مع ان سبرة مالها خص
بس صيحت"بالهرن" اونه بسرعة"
ومشت شما للسيارة مغصووبة انها تركب معاهم وتروح
ماقدرت تقبض عمرها وصاحت
شافها حمد وشاف كيف كارهه السيرة معاهم واستغرب كرهها لهم
بس سكت ولز عنها عشان تركب السيارة
وسلمت عليهم وتمت تشوف يدتها
نزلت الدريشة:اماااية
حمدة وهيه تقرب منها:لبية
شما:سلمي على اخووية وقولي له اني سلمت عليه قبل لا اروح بس هو راقد
حمدة:ان شاء الله
شما:وانتي اتحملي على عمرج والله الله جانج تبين شي خلي خولة تييج زين
حمدة:ههه ما عليه
شما:هيه ولا تنسين تاكلين حبوب الضغط
حمدة:ان شااء الله يالله ماعليج انتي منيه ان شاء الله تروحون وتردون بالسلاامة
شما وهيه تنزل من السيارة وتحب يدتها:ان شاء الله
سبرة في خاطرها"اف هاذي ما اشبعت؟"
ركبت شما السيارة وهيه حزينة
ورويس بو شما بعد ماودع امه وراحوا للمطار
ابتسمت حمدة ودعت الله انه يحفظ شما ويوديها ويرجعها بالسلامة
ودخلت للبيت
\
/
في المستشفى
كانت خالد قاعد وهو يفكر
اليوم شموة بتسافر اليوم طيارتهم الساعة 10 آه ياليتني في البيت
ومب مريض هذا وقته امرض؟
ع الاقل اودعها قبل لا تساافر..آه شمووة
غريبة لو تدري بيه اني مريض جان اتصلت عليه وتمت تتفلسف
كالعادة يعني بس غرييبة ماتعرف؟!
..
لف خالد للدريشة وهو يشوف السما ويفكر
لف خالد للدريشة وهو يشوف السما ويفكر
في هالوقت دخل عليه الدكتور
الدكتور:صباح الخير
خالد:صباح النور
الدكتور:ما شاء الله صاحي من بدري؟
خالد:شو اسوي الشوق والوله
الدكتور:الله الله ايوا سمعنا من هالكلام الحلو مين دول؟
خالد:دكتور دخيلك خلني اطلع
الدكتور:حشوف صحتك عامله الزاي النهار دة وبعدها ان شاء الله حتطلع
خالد:بس اريد الحين
الدكتور:وليه؟
خالد:دخيلك يادكتور بتساافر واريد اودعها اليوم
الدكتور:ههههه مين خطيبتك؟
خالد:فديتها هيه بتسافر
الدكتور:وليه تودعها هيه حترقع لك بعد السفر
خالد:يادكتوور انته ماتفهم دخيلك
الدكتور وهو يقيس له الحرارة ويشوف صحته:استنى شوية وبعدها نطلعك
سكت خالد ورقب الدكتور تم يسوي له فحوصات
يشوف حالته اليوم وطلع بخير احسن عن البارحة وان الحرارة انخفضت بس فيه كحة
وكتب له شوية ادوية وقعد يقوله النصايح والارشادات وووووالخ
تم خالد على اعصابة واتصل على اخوة محمد عشان اييه المستشفى..ومحمد كان بايت عنده
بس قام من وقت ورجع للبيت
واستغرب محمد ليش طلعوة بهالسرعة
المهم لين ما خلص اجراءات الخروج مرت حوالي الساعة ونص ولين ما يامحمد من البيت
كمل ساعتين ودخل بسرعة بسرعة حتى انه ما سلم على امه
راح يتسبح وطلع وتلبس وركب سيارتة
طلعت له امه اللي مستغربة من تصرفاته ودقت عليه الدريشة
خالد وهو يسلم عليها:هلا اميه
ام خالد:اهلين هاااه وين ساير؟
خالد:بروح عندي شغل مهم شي تبين؟
ام خالد:شحالك ياربك بخير؟
خالد:بخير والحمدالله يالله انا برووح اميه والله شغل مهم
ام خالد:الله يحفضك والله الله بعمرك
خالد وهو يريوس بالسيارة:ان شاء الله
طلع خالد بسيارتة وسيدة على مطار ابوظبي
ومثل ماتعرفون ان المطار بعيد شوي عنهم وتم مسرع يريد يلحق عليهم قبل لايسافرون
"في المطار"
مشت شما وراهم وهيه تشوف الناس حواليها قعدوا عشان يخلصون اجراءات السفر
تمت تشوف العرب وهيه تتنهد خلاص بتصيح ماتقدر تقبض عمرها
استهدت بالله وشافت شله شباب يايين
تمت تشوفهم وفجأة شافت واحد يشبه خالد نبض قلبها
تمت تشوفه وتدقق فيه
يشاابهه ..نسخه منه بس مشكلته شوي قصير
اما خالد طويل .. تمت تشوفه وهيه تفكر في خالد
"لو ايي المطار ويودعنيه؟!
هه الحين تلاقوونة رااقد في ساابع نومة وين واعي؟! واصلا ليش بيفكر فيه
ولا معقولة يسويها يعني ايي ويودعنيه؟!
لا صدق اني احلم واااايد خلني افكر في شي ثاني احسن"
نادا بو شما على حرمته وعياله لأنهم بيركبون الطيارة
تمت شما تشوف وراها وهيه متأمله وصول خالد او انها بالصدفة تشوفه
وهيه تدري مليون بالميه انها مابتشوفه وهو ليش بيفكر فيها؟
في هالوقت وصل خالد ووقف سيارتة في باركنج وبالصدفه لقى واحد فاضي
لأن باركنات المطار فوول محد يلاقي له مكان
نزل بسرعة ودخل للمطار
دخل بين زحمه الناس وقعد يسأل عن طيارة لندن
وان العرب الحين يتجهون لها عشان يركبون الطيارة
كمل خالد طريقة بيروح يشوف مكان الانتظار لكنه مالقى عمه او حد من عياله
ورجع يشوف اذا طارت الطيارة ولاشوسالفتها
وقالت له ان الطيارة تستعد للإقلاع
ضرب يدة باليد الثانية ورجع للكوفي شوب
وهو معصب خلاص مب قادر كان امله الاخير انه يشوفها قبل السفر
طلب له كابوتشينو عشان يشربه
هو من قام ماتريق قام وهو يفكر وعقبها راح للبيت وتسبح وراح للمطار
وبعد هالتعب كله مايلقاها؟! ليش ليش حظي جيه؟!
لف للزجاجه اللي عداله وشاف طيارة مقلعه تم يطالعها وهو يغني في باله

\
/
..
لا تسافر قبل ما شوفك لو دقايق قبل الوداعي
من البعد بتأمل وصولك راعني مادمت لي راعي
.

وفي االطيارة .......؟؟؟؟

بالله اخليكم الحين باقي الجزء الاخير

انتظروني

بسرررررررررررررعة بلييييييييييييييييز

و مشكوره ع القصة << توني تفيقت هههههههههههه

تسلمين على القصة
واحنا بانتظار الباقي لا تتاخرين