علاقتنا الزوجيه صارت ثلج بعد المولود الثاني

الله يكون في عونج بس يمكن هو موشايفج مثل قبل يعني قبل ماخذين راحتكم تقدرين تلبسين اللي تبينه اما الحين بما ان شقتج ضيقة فمو ماخذين راحتكم

او يمكن اهتمامج بالعيال يعني يشوفج تعبانه هلكانه من الدوام والعيال فمايحب يتعبج

او في شي مضايقة فيج تغيرتي متنتي ضعفتي اي شي تري رياجيل يلاحظون

انا اقول قعدي معاه وكلميه وساليه مافيها شي لاتستحين هو راح يقدر هالشي ويمكن هو بعد مثلج متضايق بس يقول مدام هي ماتشتكي ليش اكلمها

والله يرد ريلج مثل ماكان تري كل الناس تمر بهالمرحلة وتعدي

و الله سالته يقول ما ادري ما فيني شي

انا ماخذه راحتي باللبس عادي يعني المسا ارقد العيال و اقفل باب الغرفه و ما يخصني في الخدامه يعني و لا كأنها موجوده
بس يمكن علشان العيال معانا بنفس الغرفه

و الله ما ادري ما ادري محتااااره ما اعرف شو اسوي

أختي سحايب دبي
قريت موضوعج...وحزنت عليج واايد
انتي تحسين أنه ريلج متغير بس يمكن انتي المشغوله عنه.......حاولي لما ترجعين من الدوام تتفرغيله أكثر ....اهتمي فيه أكثر ....دقي عليه وهو في الدوام......رحبي فيه لما يرجع البيت....لا تلتهين واايد ويا عيالج....خلصيهم قبل ما يجي هو....
تعرفين : المشكله فعلا في وجود الخدامه في الشقه....أنا أنصحج تدورين بيت شعبي حتى لو قديم انتي ممكن تعدلينه....المهم الخدامه تكون برع ....مو وياكم.....أو ليش ما تسكنين بيت ريلج ..أحس الشقه ما فرقت عن الملحق في بيت ريلج....المهم الخدامه برع ..أتمنى أكون ساعدتج

عزيزتي

حاولي اتزيدين اهتمامج فية يعنى طلعو مثلا مع بعض مطعم او مكان حلو بدون العيال طبعاً
فاجأيه باشياء حلوه في البيت يعني حاولي ترجيع شوي من ايام الخطوبة والدلع
بس مو بشكل ملحوظ او مكثف

تمنياتي لك بالتوفيق

يمكن بعد علشان الاطفال

انا ما عندي خبره
بس انا من الحين اخاف يصير فيني شي وانا بعدني مو متزوجه
الله يستر

و الله انا ما اقصر
احاول كل يو ماغير و ابدل و اسوي اشيا يديده بس ما ادري شو السبب يمكن علشان هو بعد مضغوط في الشغل و يرجع البيت تعبان و انا ارجع تعبانه و العيال و ...

البارحه كانوا عندنا ضيوف و بعد ما راحوا تعمدت ما اغير ملابسي و اتم بلبسي كاشخه و نيمت العيال و كل شي و قعدت معاه بالصاله و قعدنا في لحظات هاديه و الخدامه طبعا نايمه ... و نسشولف بصوت واطي علشان ما نصحي العيال و لا الخدامه .. و قمنا نتذكر ايام الملجه و الحمد لله حسيت انه بدينا نتقرب من بعض اكثر كل شوي اذكره بموقف من مواقفنا اللي ما تننسى ايام الملجه و نضحك و الحمد لله كانت ليله وايد حلوه

ان شاء الله يا رب نرجع مثل قبل و أحس
و لو في حد من الخوات عندهم اساليب حلوه تقربه مني يا ريت ما تبخلون عليه



و شكر لكل ا لللي ردوا على موضوعي

في انتزار تفيدوني بخبراتكم

شوفي الغالية انا بعطيج كم فكره نفذيهم وشوفي انشالله يكون في شوية تغيير على الأقل ولو 10%

الغالية ليش ماتحاولين وانتي في الدوام وهو يكون في دوامه طبعاً تبعثين له مسج حب او مسج انتي تكتبينه مثلاً الله لايحرمني منك
,, احبك حياتي ,, اموت فيك ,, فديت روحك الغالي وهكذا طبعاً هذي كلها مسجات مب مسج واحد

عشان يعرف حتى وانتي بعيد عنه تذكرينه ويكون على بالج وفي نفس الوقت تذكرينه فيج صدقيني تراها حركه حلوه

تعرفين يوم تسوين تذكير في الكاليندر اللي في التيلفون انا بقولج حركه حلوه ادخلي الكاليندر اللي في التيلفون روحي على تاريخ اليوم الثاني
يعني مثلاً اليوم تاريخ 23 روحي على تاريخ 24 إذا تيلفونج بالانجليزي سيري على Options بعدين اختاري new entry وبعدين اختاري meeting
بيطلع لج كلمه subject اكتبي تحت هالكلمه صباح الخير ياعمري عسى عمرك سعادة وحب .. حبيبتك ..... اسمج طبعاً ,,
اسمحيلي اقولج بالتفصيل لأن في بعض البنات مايعرفون للتيلفونات

المهم وبعدين انزلي على كلمه stsrt time وحطي الوقت اللي هو يقوم فيه عشان يسير للدوام طبعاً انتي تعرفين متى يطلع من البيت فحطي الوقت اللي هو بيكون فيه في السياره
يعني مثلاً انا ريلي كان يطلع الساعة 4:30 الفجر لأن دوامه في ابوظبي فحطيت المنبه على الساعة 4:45 انه ألف بالأمية بيكون في السيارة
وبعدين انزلي على كلمه end time وحطي نفس الوقت يعني الساعة بس الدقيقه زياده 5دقايق مثلاً حطيتي قبل الساعة 7:15 حطي بعدين 7:20 أوكي ,,
وبعدين انزلي وسيري تحت بعد على كلمه Alarm وخليه On لأنه بيكون مبند وعقبها على طول بيطلع لج alarm time حطي نفس الوقت الأولي اللي في start time
وآخر شي على يمين الشاشه بتشوفين كلمة Done اضغطي عليها .. هالكلام كله بدون مايدري وفي الليل مب الصبح عشان يحس ويخترب كل شي

صدقيني انا شخصياً سويتها ماتتخيلين ريلي شو كانت وناسته والله انه تخبل وواااااااااايد استانس وعلى طول دق لي تيلفون يقول لي شو هالحركه الحلوه والله انج فرحتيني

بهالطريقه هو بيحس انج دايماً وياه وانج تفكرين فيه وفي سعادته ,, صدقيني لو انها اشياء عاديه لكن والله ان لها مفعولها

وفي طرق ثانيه جربي وخبريني شو رايج وانشالله اكون فدتج

و الله روعه ان شاء الله اليوم بسرق التيلفون يوم بيدخل يسبح و بجربها

:)

مشكوره الله لا يحرمني منج

عطيني من هالحركات الحلوه خليني انعش حياتنا شوي

و الله ما قصرتي

سحابة شوق افكارها حلوووه وفعالة طبعاااا

طبقيهاااا

والله يديم عليكم المحبه

بس احيانا ضغوط العمل بالنسبه للرجل تؤثر عليه كثيراا

وايضا المراة العامله ضغط كبير عليها خاصة مسؤولية البيت والاطفال والزوج

نوووسه

اشكرج الغالية بس والله هالأيام الوحده منا ادور هالسوالف اللي تذكر ازواجنا فينا

الصراحه من اللي نشوفه برع من البنات ريايلنا من حقهم متخبلين يشوفون كل شي برع ماخلولنا شي نقدر نسويه


سحايب دبي

الله يوفقج الغالية وتعيشين بحب وسلام ويا ريلج والحمد لله انه الفكره عيبتج واي شي تحتاجينه تراني في الخدمه وصدقيني مابقصر وياج

نوووسه:
سحابة شوق افكارها حلوووه وفعالة طبعاااا

طبقيهاااا

والله يديم عليكم المحبه

بس احيانا ضغوط العمل بالنسبه للرجل تؤثر عليه كثيراا

وايضا المراة العامله ضغط كبير عليها خاصة مسؤولية البيت والاطفال والزوج................................

أم خالد:shy:

حبيبتي
حزنتيني والله
والبنات الله يجزاهن خير ماقصرن
بس انا من رااي اتصارحينه بهدوء وتفهمين منه الاسباب

انا عندي حركة حلوة
حطي ورقة على منظرة الحمام وكتبي فيها صباح الخير يانظر عيني...وعلى منظرة الحجرة في المكان اللي يكشخ فيه كتبي كم كلمة حلوة بالليل ولزقيها وهو راقد لما يقوم الصبح بيستانس صدقيني والله بيتخبل على هالحركة...وحركة التنبيه وايد حلوة سويتها..وبعد طرشي له مسجات عالاقل 4 مسجات وهو في الدوام يعني وهو ظاهر كتبي له الله يحفظك يانظر عيني
بعدين طرشي الله لايفرقنا ياتاج راسي..وقبل مايخلص دوامه طرشي له انتظر وصولك ياحياتي والله ولهت عليك...

لما تكونين فاضية جهزي الرسايل في التلفون عشان اذا ماكان عندج وقت

وحتى طرشي له رسايل مكتوبه بخط ايدج توصفين مشاعرج بين فتره وفتره كتبي كمية من الرسايل في الاجازة مرة توصفين حبج له ومرة قصيده كتبتيها او خاطرة ومرة تشكرينه لان عمره ماقصر عليج في الاجازة وعطي بين فترة وفتره رساله وبجذي ماتقولين انا ماعندي وقت اكتب كل شغلج في الاجازة...

حاولي اتغيرين وتروحين بيت عشان تفصلين اليهال يعني انا قريبتي عندها غرفتها هي وزوجها اوكي... وغرفه صغييييييره مثل الممر حاطة عيالها فيهم وهاي الغرفه متصله في غرفتها عشان اليهال مايكونون بعاد عنها...عشان اليهال يخربون على الزوج خاصة بالليل اذا صاحو...والياهل بس اترضعينه يرقد فحاولي فديتج واذا تبين اتغيرين حياتج اذا عندج مناسبه

الخوووووات كفو وفووو

ماقصرو

الله يسهل عليج اختي

هلا حبيبتي انشالله فتره وبتعدي انتي حاولي ماتخلين الشغاله اتناام ويااكم على الاقل خليها عند امج وحاولي وانتي سايره الدواام اتخلين عيالج عند امج المهم دبريلج طريقه انه الشغاله تكون مثل قبل يعني ما تناام عندج وشوفي الوضع اتغير ولا يعني يمكن سبحان الله يكون من الشغاله ما اقدر احط في ذمتي بس الوااحد يتوقع كل شي هالاياام ..
ولا يمكن ريلج هالاياام ماله مزااج ترى عاادي احياانا اتي حق الرياييل هفاات حبيبتي لاتحطين في بالج وانشالله اترد الاموور على طبعتهاا ..