التهاب البـــول والمزرعـــة

ولا رد بس مشاهدات :sad:

ما بغيت اظهر بدون ما ارد
ما اعرف الغاليه انشالله اللى مرت بهالشي اتخبرج ... وما تشوفين شر انشالله

هلا حبيبتي
لا تخافين انا مثلك يوم كنت بنهايه السادس صارلي التهاب بالبول من قله شرب الماي
وعطتني الدكتورة اللي انا اتابع معاها الحمل حبوب وكنت اخذها
وبعد كم يوم سويت المزرعة اللي هي طبعا نفس فحص البول وطلعت النتيجة بعد 48 ساعة والحمدلله النتيجة كانت ايجابية وما كان عندي شيء كبير ومخيف
حتى ان الدكتورة بعدما شافت نتيجة الفحص ما عطتني اي حبوب بس نصحتني بالماي كثر ما اقدر

لا تحاتي ولا تخافي بس اهم شيء شربي ماي واييييييد لان قله الماي والجفاف ياثر على جلد النونو وممكن يسببله احمرار فاكثري من العصائر الطازجة واذا تحبين ماي النارجيل خذيلك كل يوم نارجيلة وحدة تراها جدا مفيدة

وحتي شراب الشعير جدا مفيد ولا تنسين البوكاري سويت جدا ممتاز

هذي كانت كل النصائح اللي عطتني اياها الدكتورة وانا بدوري انصحك اياها

لا تنسي ان الماي اللى حوالين النونو يتغير كل 3ساعات مع بداية الشهر السابع فلازم تضاعفين كميه السوائل بجسمك


اتمنى اني افدتك ولو بالقليل واي استفسار انا حاظرة

زوجة راشد تسلمين كفاية مرورج الغــــلا ..

غدووورة مشكووورة عزيزتي على ردج ونفس اللي قلتية لي الدكتورة قالته وبخصوص ماااي

النارجيل بعد قالت اشربي

منه وايد زين بس شوووه اسوووي أنا مالي نفس مولية والله للإكل ..

انا مااؤؤمن الصراحه بادوية الالتهاب ودواي المفضل الماي..

هلا اختي

مثل ما قالت اختي العهد العلاج المفيد للالتهاب الماي الماي الماي .
اتعرفين فوائد الماي عظيمه وااايد. شربي علي الاقل شفتي قاروره الماي الكبيره 2 او ثلاث في اليوم لازم تشربين ماي وايد حطي جنبج الماي وشربي كل دقيقه حتي والله انتي بكرامه بتشوفين لون البول صار فاتح من كثر ما هو صافي .

عليج بعصير التوت وااايد مفيد للالتهاب وااااايد مفيد اختي .

وان شاء الله ما عليج شر

ربي يعطيج العافيه

هلا فيج الغالية
الكبسولات اكيد هي عباره عن مضاد حيوي عشان الالتهاب
اشربي ماء وايد و اشربي عصير التوت موجود في الجمعيات لانه مفيد جدا
و ايضا لا يفوتج الكرز يعتبر علاج كامل لالتهابات البول
و الحين موسم الكرز

تسلمووون حبايبي على الرد وبتبع نصايحكم إن شاء الله .. :shy: