اتمنى التفسير

من جم يوم صليت صلاة الإستخارة واستخرت في أمرين
الأمر الأول : انتقالي من عملي الحالي لعمل آخر
الأمر الثاني : في خدامة ومترددة اني آخذها فالكل يمدحها ولاكن بدون سبب ما احس اني متطمنه لها

بنفس الليلة حلمت حلم ولا أدري هالحلم لأي أمر من ال 2 ام انه ماله علاقة بالإستخارة
الحلم فيه وايد تفاصيل بس احسها مو مهمة لانها غير مترابطة
ولكن الشي الأساسي بالحلم اني طول ما انا امشي بالحلم امشي خطوات قليلة وبعدين تييلي دوخة ويغمى علي واطيح على الأرض وبعدها بثواني يرد وعيي واقوم وانا مبتسمة ومستغربة واقول شفيني أغمى علي ؟؟ ليش ؟؟ وارد امشي شوي ويتكرر معاي نفس الشي واحيانا اطيح وبعد ما اوعى استغرب شلون ان ما احس بارتطامي على الأرض ولا احس ابألم وويهي كان شديد البياض وابيض من الحقيقة مع اني اصلا بيضة ووجهي حلو بالحلم وفي مرة من المرات كأني كنت ماسكة بنتي بعدين قلت لأمي ان فيني دوخة وقتلها مسكي بنتي لا تطيح مني فأخذت امي بنتي وسقطت على الارض بعدها قمت فقلت لامي وانا ابتسم : يمه ما ادري اشسالفتي مع الدوخة لاني لا حامل ولا مريضة واقولها انا بالواقع مو بالحلم عمري ما طحت غشيانة فشلون الحين وبدون سبب ابيوم واحد أطيح غشيانه 6 مرات ؟؟ وعلى آخر الحلم جني كنت بروح مع امي المستشفى عشان افهم شنو سبب فقدي للوعي وكنت اقول لأبوي بروح المستشفى الحين مع امي بعرف اشسالفتي وكنت ابتسم !!!