طريقه لوميه بالتبخير

حبيباتي بنات منتدى عروووس

لي طريقه استخدمها من يوم ما وعيت عالبخور والعطور .....

طريقه تعطير الملابس :

خلي عطر خاص للملابس يكون رخيص السعر من اللي ينباعون عند الهنود .... واخذي مشعل او رشوش يكون مثبت ....

افتحي خزانه الملابس ورشي عالملابس العطر من بعيد بعدين اقلبي الملابس للناحيه الثانيه ورشي ...

ولعي جمره وحطي عليها بخور عود او معمول ..... ورشي عالملابس المشعل او المرشوش او المثبت ... وحطي المبخر داخل الخزانه .....

مو تحرقين الملابس ... خلي المبخر تحت الملابس .... بس الملابس الطويله ابعديهم عن المبخر ...

ردي باب الخزانه .... لين تبخر

طلعي المبخر بسرعه.... وخلي باب الخزانه مصكر ...

بعدها كل ما تفتحين الباب بتشمين ريحه الطيب

سوي الطريقه عالملابس الداخليه ورشي عليها عطر خفيف ....


الطريقه الثانيه للجسم ...

بعد السباحه مباشره .... اخلطي كريم مع دهن العود او لوشيون الجسم لنفس العطر وادهني جسمك ...كله ثم ضعي الديودرانت ...

حطي خمريه على اطراف الشعر ...

رشي عطرج المفضل تحت الاذن عند العروق باليد ...

حطي بودره من نفس العطر او بودره لماعه للمناسبات

بخري شعرج وجسمج قبل لبس الملابس ...

بعد لبس الملابس رشي عطرج رشه بالهوا وخلي الرذاذ يتناثر عليج ..........
بعدها تبخري مره ثانيه ....

اتمنى تستفيدون من تجربتي ....