اللي ولدت في مستشفى الوصل..غرف VIP

وينكم يا بنات الامارات؟

هلا و الله بالغلا

بصراحه ما عندي فكره!

بس من قريب وحده من الاهل سمعت اهل ربيعتها يمدحون الـ في آي ي اللي في الوصل

هلا اختي

اول ما تدخلين المستشفى بتربين خلي ريلج ايسجل اسمج عند الشباب إلأي يالسين عند الطوارء وبيحطون اسمج في القائمة والليلة 1500درهم... عاد انتي وحظج.. انا يلست 6 ايام وطلع علية 9000 درهم.. الصراحة وايد حلو .. كأنج في فندق .. مخصصين ممرضتين حق الـvip ..الحلو فيه ان عمال التنظيف ما يأذونج من الفجر ..متى ما اتنشين ينظفون.. وبعد لج حجرتج الخاصة إلي لها باب على الصالة يعني تقدرين اتسكرين الباب اذا بغيتي وحمام خاص .. وغرفة مشتركة لاطفال الvip .. ومعاملة النرسات حلوه .. ويوم يشوفونج راقدة محد يأذيج... والاكل زين لاباس فيه ويحطون عصير برتقال فرش ... والاكل يحطونة في صحون مذهبة فخمة :) .. وبعد وقت الزيارة مفتوح محد يقول شي .. بس هاي الميزة انا ما عجبتني لاني يوم كنت في المستشفى تعبانة كانوا الغرف الثانية عندهم زوار لين الساعة 12 او 1 الصبح انا كنت اتأذى منهم وايد ..

وسمعت انهم بيسوون في المستقبل القريب 25 غرفة vip زيادة ...

صح أم خلفان ما خلت شي ما قالته

و كل المعلومات صحيحة .. ان شاء الله اتقومين بالسلامة

انا ربيت فالوصل غرفه عاديه بروحي وبحمامها والحمدلله محد ياذيج ومن يخلص وقت الزياره يعم الهدوء وترقدين عراحتج وياخذون البيبي عنج والنيرس من ادقين الها جرس تييج واكلهم حلو يعني ماشي فرق الا انه غرفة الضيوف غير عن غرفتج وصراحه خدمة الوصل ممتازه ومايحتاي في اي بي
وعن عمال النظافه ايوون يمسحون الغرفه بالسريع ويظهرون وعادة من فرحتي بالبيبي مايكون فيني رقاد يعني الحمدلله ماتاذيت من شي ابدااااا
هذا رايي

الف شكر على ردودكم يا بنات

فوانيس
مشكوره يا احلى مشرفه...هههه احسني متلومه فيج....من حملت وحتى من قبل لا احمل مليون سؤال وانتي ماشالله عليج مول ما قصرتي....الله يخليج لعيالج وابوهم و يحفظهم لج :)

ام خلفان

مشكوره وتسلمين يالغلا..بصراحه كفيتي ووفيتي.....:)
بس تعتقدين بحصل حجره؟؟ احس يكون ضغط عالغرف...كم غرفه عندهم؟؟


هلا هلا بعروس اللولو..وينج؟؟ من زمان ما جفناج
تسلمين فديتج عالمرور

um fa6ame
مشكوره عالمرور الغاليه...بس بصراحه انا يلست في الوصل 5 ايام يوم اجهضت المره اللي طافت ...بصراحه طلعت لي قرون...الي تنظف تدخل تكسر عليج الباب من الفجر و انتي راقده...وعادي يسولوفون ولا جنه فيه حد راقد...ومال الريوق نفس الشي...تكسر عليج الباب ويا صينيتها....والنيرس تزقرينها تييج عقب نص ساعه!!!

البنات ما قصروا ما شاء الله عليهم وانتي عشان تتأكدين اتصلي قبل او اسألي عند الاستعلامات وقسم التنويم اذا رحتي الموعد الجاي
يمكن مثل ما قلتي تصير زحمة ولا فيه غرف
لو كان بالحجز تكوني لحقتي على عمرك
سعرها مناسب واهم شي راحة الوحدة بعد الولادة

الله يتمم لك بخير ولكل عرايسنا الحوامل

انزين منو جربت غرف ال في اي بي في مستشفى دبي

خبرونا عن الاسعار و المزايا

hala engel eyes

ana rabait fe il vip room... of course u know my case ! ana ma3rf 3n il baby room but ur room is very niceee and big>>

you guest can stay as long as they want... my husband used to stay unill 1 or 2 in the morning

u r treated as if ur a ROYALTy

yala betwfeeeg>>

ثلاث غرف مع مطبخ مشترك وغرفة حضانة للبيبي ...

انا يلست في المستشفى سبوع قبل الولادة غرفة عادية واسبوع عقب الولادة في غرف الVIP والصراحة في فرق في الخدمة .. بس الصراحة احس ان سعر الغرفة شوي غالي ..كأنهم فندق خمس نجوم ..

مرحبا بناااات

الف شكر على ردودكم واهتمامكم....

RoOomy

اسعدني مرورج يالغلا....بالفعل اتصلت فيهم..بس قالولي انه بدون حجز!! الوحده يوم يدخلونها ولاده تقدر تطلب غرفه في اي بي بس يحطونها عاللسته وتنتظر دورها..يعني مافي حجز من قبل..يعني مش مضمون ابدا...

fashion girl

هلا بالحلوه..مشكوره على ردج..وان شاءالله يرزقج قريب حبيبتي

ام خلفان
ما قصرتي فديتج....بس قوليلي...انتي حصلتي الحجره بسهوله؟؟ يعني ما كان فيه ضغط...؟؟

ما خبرتونا عن مستشفى دبي .... بالنسبه للغرف ... والخدمات ..؟؟

انصحكم بمستشفى ويلكير..عنايه خاصه...

اختي angel eyes

انا دخلت المستشفى قبل لأربي بأسبوع ويلست في غرف عادية في نفس الوقت سجلت اسمي في غرف الvip وكانوا كل ما تفضى غرفة يتصلون فيه يسألوني اذا ابغي الغرفة .. بس انا كنت ابغيها بس عقب ما اربي .. واليوم إلي سويت فيه العملية حطوني في غرف الvip ... ويلست 6 ايام تقريبا وكان كل الغرف محجوزة .. بس آخر يومين فضن غرفتين ...

ان شاء الله بتحصلين غرفة .. الله يسهل عليج واتربين بالسلامة يا رب