عرايس الامارات احذروا من هذا المحل

m

mozoo

عروس مشاركة

21-07-2006 | 10:10 PM

الله لا يطيحكم في اللي طحت فيه
السلام عليكم و رحمة الله

و الله اني امس كنت فرحانة وااايد حق اختي في حفلة ملجتها.. لكن اتضايجت اللحين بسبب معاملة صاحبة فستان الايجار..

اتصدقون.. اجرنا عنها الفستان و دفعنا لها و خذت ضمان الف فوق سعر الايجار..

اليوم لما رجعنا الفستان اليوم.. خذت الضمان و طلبت الف درهم زيادة و فشلتنا جدام ريل اختي و امه اللي راحو يرجعون الفستان ع الوقت اللي حددته بالضبط.. تمت محتشرة و تصرخ عليهم انه الفستان مخترب مع انه الفستان رجع لها مثل ماخذناه.. بس شو اتقوولووون تبا تاكل الضمان علينا باي طريقة..

و احرجت اختي اللي توه ما وحالها يمر عليها يوم كامل ع الملجة و تحرجها جدام زوجها و اهله بان خربت الفستان..

ريل اختي اتغرم بس عسب ياخذ جوازه اللي حاطنه ضمان عندها

بس بغيت اخبركم و افضفض لكم عسب ما يستويلكم اللي استوالنا

تم حذف اسم المحل من قبل المراقبة
لا داعي من ذكر اسماء المحلات نكتفي فقط بذكر التجربة وأخذ الحذر

ب

بطيطة

عروس جديدة

21-07-2006 | 10:47 PM

زين سويتي يوم خبرتينا حشى نصابين

ف

فراشة الشارجة

عروس رائعة

21-07-2006 | 10:59 PM

انزين يعني ليش سوت جي

و شكرا لج على النصيحة

ب

برشلونيه

عروس مبدعة

21-07-2006 | 11:03 PM

حسبي يالله عليها
حرام عليها
مالها حق تاخذ هلفلوس
نصابين
يبون ياخذون فلوس زياده باي طريقه

M

Moorooj

عروس مبدعة

21-07-2006 | 11:05 PM

عافان الله ها بدال ماتكسب الزباين

جيه تسوي فيهن

ا

المزروعية1

عروس جديدة

21-07-2006 | 11:34 PM

حشاااا

اعوذ بالله منها ومن اشكالها

مشكووووووووووووورة فديتج عالتنبيه

ويسلموووووووووو

B

Bint Elbadow

عروس نشيطة

21-07-2006 | 11:41 PM

والله صح فيه ناس همها لفلوس لو انا منكم بفر الفستان في ويها وبظهررررررررر عشان اادب اللي مثل اشكالها

ف

فوانيس

مشرفة سابقة

21-07-2006 | 11:48 PM

نصابه؟!

لهالدرجه النفوس طماعه و نصابين:qaq:

أعوذ بالله

أختي ..ان شاء الله ربي يهديها و ترجع الفلوس
هذا حال بعض المحلات سواء الفساتين او الكوش و غيره

الشكوى لله

-

- مرت الظبياني -

عروس مشاركة

22-07-2006 | 12:06 AM

:salam: الغاليه الله بيراويها ويعلها ما تهنى بالضمان و مشكوره على التنبيه:shy:

m

mozoo

عروس مشاركة

22-07-2006 | 01:09 PM

حسبي الله عليها

ا

الخجولـه

عروس جديدة

22-07-2006 | 06:26 PM

انا استوى لي نفس الشي
بس من محل الغنادير اللي في الرقة
رحت ارجع فستان عرس اختي المصرية احرجتنا يدام الناس ومب طايعه تقول شو اللي مخترب المهم نعطيها فلوس

أ

أوراق الخريف

مشرفة سابقة

22-07-2006 | 06:34 PM

السلام عليكم ورحمة الله وبركاته

غريبه لان عمة زوجي اجرة فستان عرسها وما سوو نفس الحركه!؟

عن نفسي في محل بالشارجه حجزت عنده حق الكوش وسمعنا كلام عسل ويوم يا وقت العرس حطو كوشه شرات ويهم وكله خرط في خرط.. الواحد ما يعرف شو يسوي؟! يتحسبون الكل عنده بير بترول في بيته يستغلون..

m

mozoo

عروس مشاركة

22-07-2006 | 11:29 PM

مشكورة خواتي على ردودكم

أ

أم نصرال11

عروس متألقة

22-07-2006 | 11:46 PM

واحنا بعد حجزنا فرقه حق عرسنا وسلمنا الفلوس حق حرمه عيوز تمت تمدح فرقتهم ان احنا احلى اسعار واحنا واحنا وبنييب لكم احسن المغنيات ويوم وصلت الفرقه الصاله قالو اول ادفعو وبعدين بنغني وريلي وحليله دفع وآخرتها طلعت العيوز الي استلمت الفلوس هي الي تغني وترقص بعد الله وكبر عليها وتمينا انا وريلي مبوزين في الكوشه وهي السبب وآخر شي غنولنا بس ثلاث غنيات يمكن عشان العيوز تعبت من الرقص والله وكبر عليهم هذيل اكبر نصابين

m

mozoo

عروس مشاركة

22-07-2006 | 11:57 PM

وماحصلو غير العيوز

أ

أم نصرال11

عروس متألقة

23-07-2006 | 12:56 AM

شكلهم كلهم عيزه بس هاي اصغر بشوي

ع

عذاري دبي

عروس متألقة

23-07-2006 | 08:31 AM

أصلاً محل امواج و الغنادير و محل ثالث بينهم كل رعيته وحده مصرية

اجيس ناس هذيل محد يتعامل وياهم جد انا و اختي سايرين عرس قبل سنة و لبسنا العروس الفستان و قالت انه من محل امواج تاجير يعني و بعد سنة سرنه المحل شفنا الفستان نفسه قالت اذا بتاجرونه ترى اول لبسه محد لبسه قبل و من ها الكلام الجذب و اللي ماله داعي من يومها ما ندخل المحل حتى

ف

فلة الامارات

عروس نشيطة

23-07-2006 | 03:37 PM

هذيل المحلات كلهم يبون البيزات وبس
كل المحلات اذا عرفو اناالزبونه عروس يبداء الطمع
لا تاخذين من محلات ....انا اعرف وحده اتاجر فساتين اعراس بس اسمها .....
واجاراتها رخيصه يعني اتحصلين على 3 الاف 3.5 الاف وطالع على حسب زبونة الفستان
وتوصل لين الفندق وتلبسج اذا بغيتي وفي وحده بالماريوت انسانه اخلاق مغربية اسمها ....
مصممه تعطيج الفستان بالسعر الي انتي تبينه اختي خذت من عندها فستان انلبس مرة وقالت اجارة 12 الف تدرون بكم عطت اختي 6000 بس ومعاها تاج تاجيره 500 بس ما خذت شيء
انسانه تبي تخدم وبس

ب

بنت كنافه

عروس مبدعة

23-07-2006 | 03:39 PM

حسبي الله عليها
عساها ماتتوفق راعية المحل

u

um_fa6ame

عروس مشرقة

24-07-2006 | 02:12 AM

سوت لي نفس الحركه يوم رديت فستان عرسي خذت الضمان الالف عشان الفستان اونه توصخ كريم اساس شويمن الصدر يعني لازم بيتوصخ شوي
انتبهو منهم يابنات
الحرمنه زادت هالايام

الله يراويهم انشالله