@@@@تعبت وهذا آخر عرض لي @@@@

السلام عليكم

حبيبتي التجارة عبر النت


يبي لها طولت بال

يعني شوفي انا توني مشتركة بالعروس

ونزلت موضوع عن الجلابيات
الرسائل اللي وصلتني فوق 60رسالة

واللي ادوا طلبهم 3بس
والباقي حتى ماردوا وقالوا مانبي؟؟؟؟؟

فالله يعين التاجرة تتعب بالرد وتوضيح وتنزل الصور

والاخوات الحلوات

حتى رد بكلمة شكرا اختى يعطيج العافية


مكلفوا نفسهم وكتبوها


بس حبيبتي بكل شي احتسبيه عند الله


عند الله مايضيع لا تعب ولاجهد


ومووووووووووفقة يالغلا

بصراحة سعر ممتاز اتمنى لج التوفيق
بس اتمنى لج أكثر أنه يكون عندج صبر و طولة بال بعد

الله يوفقكم إن شاء الله ..

الله يعينج بصراحه البنات اللي يسوون هالحركات يقهروون الواحد حتى تكرهين البيع بسببهم انزين عالاقل اعتذري بمسج اذا كنتي مستحيه والله معاج حق يالحبوبه

الله يكون بعونج

ومثل ما جالوا البنات التجاره يبالها صبر وطولة بال

وبعد الله يهداهم البنات لازم يراعوا ولا يسوون هذي الحركات

الله يوفقك عيوني

الغاليات مشكوووورين
بس انا خلاص اكتفيت و بسنييييي

اهلين يالغاليه00

اغلبهم كذا لا بنت ولا بغيررررره يواعدون واحجز لهم البوزه ويروح ويخلص البزار ماعاد جاتني

ولا اتصلت علي هم كذا


والله يعين طالب الرزق على ررررررزقه00


الله يرزقنا ويرزقكـــم من واســــع فضله00

الله يوفق الجميع

الله يعين الجميع....

انا عشان هالسبب وقفت العرض هني....

البايعه ترسل لكل رسالة وصلتها الصور للاشياء وتتعب نفسها .....بس بعد الخطا شوي منها انها تخاف تحط صورة البضاعه و يقلدونها و يسرقون الموديل..بس اللي يبي يسرق و نيته خايسه باي طريقه بيسرق لو مب من الموضوع بيسرق عن طريق الخاص وطلب الصور و لا يوم بيشوف حد لابس الديزاين ...وشوي انه شي صور ما نقدر نعرضها في الموضوع كونها ملابس داخليه و قمصان نوم...(( انا اقترح انهم يسوون مساحه في المنتدى عشان كل عضوه تقدر تسوي لها صفحه كامله لاغراضها فقط ترتبهم فيه كانه موقع بسيط جدا عشان ما تتعب البايعه كل مره تنزل الف صوره لطالبات الصور بس تعطيهم اللينك لصفحة اغراضها يشوفونه....
وما يفكرن البنات ويحسن على دمهن انهن لما يطلبن و يحجزن الطلبات ...شي اغراض تكون عن طريق النت وتعبي البايعه المسكينه الطلبات في الموقع .....وبس يبقالها كليك واحد و تسوي التأكيد على الشراء و والشيج اوت يسحبون من الكردت كارد....تخيلوا ... وو تتوهق البايعه المسكينه....واللي طلبن لا همهن شي و لا شيات...مال عمك ما يهمك....

وفي بنات يقولون كيف نثق في وحده ما نعرفها و نرسل لها فلوس....ونحن بعد بنقول نفس الشي ليش عيل تبونا نثق فيكم و نطلب الطلبيه اللي بنخسر عليها عشرات الالاف لو ما استلموا طلبياتكم و ارسلتوا لنا الفلوس....

الواحد يوم ما يملك الثقه في نفسه او في غيره لا يدش المنتدى من الاساس و يسجل فيه...ويتعب حاله و يتعب غيره معاه.....ويقعد يطلب الثقه من الغير

اختي حبوبه لو تكلمنا الكلام ما بيخلص...عن هالنوعيه من الناس....

وتعرفون شو الللي يعور القلب و اليوف اكثر....انه الوحده ما تثق في بنت بلادها و تثق في البعيد...

يلا ما علينا اللي على راسه البطحه يتحسسها.....

المهم ختي حبوبه المكياج ها اي ماركة؟ ومن وين؟...

اذا تحبين اساعدج بامكاني اعرضه لج مكان ثاني و عندي صديقتي عندها صالون في البيت و تحب تجرب الماركات اليديده.....اذا كنتي من دبي اقدر اعطيج رقمها....راسليني عالخاص

وحتى عن العود الكمبودي

السلام عليكم

انا بعد اضم صوتي لصوتكم

بليييييز لاحد يطلب شي هو متردد فيه بعدين يوهقنا ويا طلباته

عيب هذي فلوس مو لعب اصرف على البضاعة بعدين حضرتك تسكتين لا رد و لا غيره

انتي حزبالك الله ما يشوفك الا يدري

واذا مستحية و تقولين اسكت احسن من الفشيلة ترى بالعكس بها الطريقة انتي تفورين دمنا اكثر


تعبت و الله وانا اطلع الي في خاطري


دعوة للمشرفات ارجوكم حطو اعلان واضح بها الموضوع يعني تذكرون الزبونة ان الوعد وعد و لا تسوي حركات على التاجرات


من جهة ثانية يمكن في وحدة كلت لها مقلب من تاجرة و لا شي اذا كذي السالفة و عندكم دلائل تكلمو على العام عشان نقطع التعامل مع التاجرات الي مب كفو

سوري تكلمت وايد لكن تقولون دزو لنا على الخاص و احنا نتعب و بعدين تطنشونا هذا مو حرام و فوران دم


ردو عليييينا يالله على الاقل الي سوو ها الحركات يبررون

انشاء الله يكون في رد و تجاوب من الادارة و المشرفات

الغالية فولك بالنسبه للمكياج فيه وحده تبغيه بس ياريت اذا بخصوص العود

على كم الغالية العود...وهل هو بس الكمية اللي فالصورة ... والمكياج من اي ماركة فديتج...

الغالية اذا تبين العود بروحه راح يكون ب400 واذا تبين المكياج بروحة راح يكون ب750 و اذا راح تاخذينهم على بعض راح يكونون ب1100 و بالنسبه للمكياج هو كولكشن يعني فيه اكثر من ماركه (remel.bonsbons.....) فيه ماركات ثانيه بعد

الغالية اذا تبين العود بروحه راح يكون ب400 واذا تبين المكياج بروحة راح يكون ب750 و اذا راح تاخذينهم على بعض راح يكونون ب1100 و بالنسبه للمكياج هو كولكشن يعني فيه اكثر من ماركه (remel.bonsbons.....) فيه ماركات ثانية بعد
اما بالنسبه للعود فهو 15 توله يعني اكثر بوايد من الي في الصوره الي في الصورة توله وحده

الحبووبه....

انا برمس جماعه عن عود الخشب.....لاني اعرف الكمبودي الغير صبوغ ريحته وايد حلوه...وعندنا منه...

وبالنسبه للمكياج ربي يوفقج...لانه ماركو بونس بونس انا مجربه من عندهم ....حلوه ماركتهم بناتيه....

ممكن اطرشين لي رقمج عالخاص عشان اذا حد يبا العود اخليهم يكلمونج

مشكووورة اختي فولك
و الله ما اعرف شو اقولج بس الله يكثر من امثالج خصوصا في المنتدى خخخخخخ
مشكورة و جزاج الله خير

رفع

الله يعينج اختي ....اتصدقين انا كنت مفكره اني اتاجر بالنت بس شكلي بغير رايي


خليني جحي احسن بلا صدعه ولا ويع راس