حبيت أحطلكن شعر بصراحة هو يهبّل مب بس حلو بالنسبة لي
بس عاد يلا نشوف رايكن فيه
أخليكن معاه
كم المجموع ؟؟؟
سألتيني اش كثر حبي وأنا من هالسؤال أرتاع
جمعت أحساسي في صدري وفاجأ قلبي المجموع
خجلت أحكي.. ولكنك جبرتيني..وقلبي انصاع
لذا.. أخذي الجواب اللي يفسر حبي من أي نوع
أحبك.. كثر ما به ناس ملّت من ترف واشباع
وأحبك كثر ما عيني ترى ناس قتلها الجوع
كثر ما في جرايدنا حروف مثقلة بأوجاع
كثر ما راحت الغيرة بداخلنا بدون رجوع
وأحبك كثر ما كل يوم في التلفاز والمذياع
خبر للقدس أو بغداد.. وعادي ما ذرفنا دموع
وأحبك كثر ما دنس نفوس أهل اليهود أطماع
وأحبك كثر ما طهّر صلاة المؤمنين خشوع
كثر ظلم القوانين.. وكثر ما نشكي الأوضاع
كثر ما "ع" الفقارى بس تطبق كلمة الممنوع
كثر ما به طفل عايش في حرب ما له فيها ذراع
كثر ما صحت أصوات المدافع هالطفل مفزوع
كثر ما به وجوه طيبة..بس .. طيبة بأقناع
كثر ما في البشر زيف.. ونفاق.. وتابع.. ومتبوع
وأحبك كثر ما حول الغني "تتمصلح" الأتباع
كثر ما تنسب الدنيا جرايمها لأهل الطوع
وهذا ربع ما عندي.. وفي صدري ثلاث أرباع
إذا ودك أكملهم.. أو أسكت.. وأنهي الموضوع
عرفتي وش كثر حبك في صدرٍ بالهموم إلتاع
طلبتك.. أجمعي حبي.. وقولي لي: كم المجموع؟
للشاعر: أنور المشيري
منقوووووووووووووووووووووووووووووول
أختكن :
الأنـــ الصامت ــين
