شو سبب الالم بعد الولادة

والله اني بعدني ما والدة وما اعرف

والله ياقلبي مااعرف

بس العرايس بيردون عليك 00

تحياتي لك0

الالم اللي في البطن وتحت هذا طبيعي

لانه الرضاعه تساعد على رجوع الرحم لوضعيته الطبيه وبذلك تحسين بالالم

اما عن الخياطه عادي انا اشوف اختي دوم تتغسل بالماي والملح

ونصيحه اشربي اشياء تساعد على تنظيف الرحم

والمجربات راح يفيدونك اكثر

غاليتي

الألم طبيعي و سببه الرحم و نزول الدم و بطانة الرحم

اما الخياطه
فاسمعي كلام الدكتوره و خليها بس نظيفه و اذا حسيتي فيها شد بس اخسليها بماي دافي
الماي و الملح ينفع لنوع من الخياطه مو كل خياطه
بس اذا الدكتوره قالت لج ما يحتاي خلاص خليها و بتطيح طبيعي بدون شي

انا بولادتي الاولى خالفت كلام الدكتوره و يلست في ماي و ملح و الله لا يراويكم و الله تبهدلت و فتحت عندي الخياطه و سوولي اياها مره ثانيه و بنج و بهدله

الله يبعد عنكم الشر
بس في هالولاده ما حطيت شي ابدا ابدا و في 10 ايام الحمد لله طاحت

اولا مبروك على النونو وحمدلله على سلامتج

مثل ما قالوا لج البنات الالم طبيعي لانه الرحم يرجع مكانه،، والدم مب شرط يكون غزير عادي يخف وبما انج من الامارات اوصيج بحبه الحمرا تراها تنظف عدل والرضاعه بعد

تحياتي^_^

endless hope:
اولا مبروك على النونو وحمدلله على سلامتج

مثل ما قالوا لج البنات الالم طبيعي لانه الرحم يرجع مكانه،، والدم مب شرط يكون غزير عادي يخف وبما انج من الامارات اوصيج بحبه الحمرا تراها تنظف عدل والرضاعه بعد

تحياتي^_^

الالم عادي لان مثل ما قالو الاخوات الرحم يرجع محله .. عليج بشرب الاشياء الحاره و الساخنه

ماعليج شر

حبيبتي ..
انا قاريه بهالامور كثير .. اهتمي بنفسك بهالفتره ..
واياك والتنقع بالماء والملح .. كغسول ممكن .. لا لا للتنقيع فهذا مخرب للأرحام ..
اكتبي في محرك البحث قوقل .. ( نظام فيافي للنفاس ) منزله نظام انا ما جربته بس كثير جربوه وقالوا زين .. بس احرصي وابعدي عن التنقع او ادخال اي شئ داخل الرحم ..
حتى فيافي تقول عن طريقه لتحاميل تدخل بالرحم للتنظيف لكن اياك تجربيها اختي جربتها وخربت وتوسعت المنطقه عندها ..
والبخور بعد لا تستخدميه .. لانه في حالات يدخل فيك هواء .. الافضل طبقي نظامها في السفوف ومغلي الاعشاب .. ونصائح في الرياضه والاكل ..
الدم بهذي الفتره يختلف من وحده للثانيه بس اهم شي اهتمي بأكلك وبشرب الاعشاب في نظام فيافي ..
كثرت عليك الكلام .. بس حقيقي خايفه عليك .. انتبهي لنفسك واي اسئله انا حاضره

انا بعد والله محتاره من سالفه اليلسه في الماي والملح
حد يقول اوكي وحد لا
وحد يقول حطوا بيتادين زين والله اعلم قمنا نخاف صدق

بس الحبه الحمرا وااااااااااااااااايد زينه والتمريخ بعد بالزيت رهييييب للرحم .. وبعد الغاليه انصحج ما تستخدمين اي مشد على بطنج لعشر ايام على الاقل لان الرحم يكون طري ولازم يرجع مكانه وممكن بالمشد يسبب لج سقوط الرحم عفاج الله منه
واصلا عقبها لو بغيتي تشدين بطنج بشي لا تشدين بالقو شوي شوي وابدي بالمشي ولا تسوين رياضه الا بعد شهرين بس احرصي على المشي اكثر شي الحين

والدم عادي في ناس ما يستمر نفاسها 40 يوم يعني كلها كم يوم والحرمه تطلع من النفاس يعني مو شرط 40 يوم بالضبط ينزل عليج الدم بس اهم شي انج تهتمين في نفسج في هالفتره وداومي على الرضاعه الطبيعيه عشان جسمج بسررررعه يرجع مثل ما كان

والاخت اللي قالت عن التحاميل تراها صاجه لان اصلا خذوها بالعقل كيف التحاميل تنظف الرحم وهي اصلا ما توصل لداخل الرحم وبعدين اي شي يدخل الرحم طبيعي يخرب الحرمه فلازم البنات يحطاطون وما يطبقون كل شي يقرونه الا من بعد ما يستشيرون الدكتوره

وزياده الوالده قالت لي لازم ما امشي حافيه وما اتعرض للبرد

صح اني مب مجربه بس كل هذا احب اسمعه من امايه لانه ما بقى لي شي ادعوا لي

والسموحه طولت عليج الغاليه والف مبروك على البيبي يتربى في عزكم امين

هلا و الله خرزة زرقاء
حبيبتي الالام عاديه جدا لانه كل ما رضعتي الطفل ينكمش الرحم بلحظة الرضاعه
و بالاضافه انه بنحسين بالام في الحوض و العظام
اما الخياطه ؟؟لا تتنقعين في الملح ابد ..
مجرد رشى المكان بماء مخلوط مع شويه ملح
و عالجي الجرح بمرهم اسمه ميبو موجود في الصيدلية
ممكن تستخدمين غسول للجرح اسمه سيتيل
اما الدم ..طبيعي و داومي على الحبة الحمرا يوميا لمدة اسبوعين او 20 يوم

ماشاءالله الخوات ما قصرن ... والف مبروك على البيبي ... والحمدلله على سلامتج اختي ....