لحقوا علي ... صدري ينزف من الرضاعه .....

:sad:

السلام عليكم و رحمة الله و بركاته

مثل ما اغلبكم عارف انا ولدت بتاريخ 25 مايو و الحمد لله تيسرت كل اموري بس طحت في مشكله و ليومكم مش قادره اتخلص منها

انا بولادتي الأولى لأسباب صحيه الله ما راد اني ارضع بنت

بس بهاي الولاده عقدت العزم اني ارضع ودلي و الحمد لله قدرت

بس

:cry:

بعد اسبوع من الولاده كنت توني مخلصه رضعت الولد و نيمته على جنبه واشوف لك ولدي يرجع دم

انصمدت و ناديت امي و انا ودي ابكي

قالت لي لا تخافين هذا من صدرك اكيد في جرح بسيط
و تكرر الموقف اكثر من مره
و ذاك اليوم نام وهو يرضع و لا اشوف لك حلقه من داخل فيه دم :(

صرت ابكي و زوجي كان عندي

قلت لهم اكيد صدري في شي و لا من وين هالدم

المهم قلت بوقف الرضاعه فتره ما نفع
دحت للدكتوره عطتني كريم مرطب و قالت خلال اسبوع بيروح الجرح

راح و رجعت ارضع و عادت المشكله
و الله نزيف تقولين احد شاق الحلمه بسكين :(
و قررت ما ارضعه و تعبت و نيمت بالمستشفى من الألم اللي جاني بصدري و سببلي حمى ضديده وصلت جرارتي ل 40 من ألم الجليب المتجمع بالصدر

و من اسبوع لليوم و انا ما ارضع الولد

و الله حرام يتقطع قلبي لمن اشربه الصناعي لانه اصلا هو وايد حجمه صغير و الصناعي ما يربي الطفل مثل الطبيعي

بس ما اعرف شو اسوي

ساعدوني الله يجزيكم خير

اختكم سحايب دبي