السلام عليكم ورحمة الله وبركاته
خواتي بنات الإمارات
الحمدلله عقب استقبال أول دفعتين لي ولخواتي بنات الإمارات
من بجايم الأخت الغالية lekaa139
حطيت موضوع مصور لطلبياتي
++ صور طلبيتي من الأخت lekaa139 (الدفعة الثانية) + الهدايا ++
وبصراحة كنت مأجلة فكرة تجميع الطلبيات للدفعة الثالثة
لكن إصرار البنات أنهن يشوفن الكتالوجات خلانيه أتشجع وأستقبل الطلبيات
بالنسبة لبيجامات الأخت lekaa139
وعشان الموضوع يكون مرتب
أي وحدة حابة تشوف الكتالوج أو تطلب ضمن الدفعة الثالثة إن شاء الله .. يا ريت يكون ع الخاص
منعاً للردود الكثيرة اللي ممكن تسبب إغلاق الموضوع
وأنا إن شاء الله بثبت الطلبيات في قائمة عندي + ترتيب الطلبيات على العام
----------------------------------
بالنسبة لنظام الطلبيات .. فبيكون كالتالي إن شاء الله تعالى
إذا كان مجموع الطلبيات 300 درهم وأقل .. الأسعار اتتم مثل ما هي .. مع زيادة 55 درهم فقط
إذا كان مجموع الطلبيات أكثر عن 300 درهم .. الأسعار اتتم مثل ما هي + 20% من المجموع
يعني مثلاً .. إذا كان مجموع طلبية وحدة من الخوات = 200 درهم
تزيد فوق طلبيتها 55 درهم فقط
وبالتالي مجموع الطلبية الكلية = 255 درهم
أما مثلاً لو الوحدة كانت طلبيتها 400 درهم
في هالحالة تزيد فوق طلبيتها 20% .. يعني 80 درهم
وبيكون المجموع 480 درهم
----------------------------------------
شي ثاني خواتي .. بالنسبة للعروض الحلوة من الأخت lekaa139
إذا كانت الطلبية بـ 500 درهم وأكثر .. فالهدية بيجامة انتي تختارينها .. وتكون في حدود الـ 60 درهم
أما إذا كانت الطلبية بـ 1000 درهم وأكثر .. فالهدية أي منتج متوفر عند الأخت lekaa139 .. مهما كانت قيمته
غير جيه .. الأخت lekaa139 دوم توفر هدايا حلوة لزباينها
ودوم تنوع في هداياها
أول مرة حطت لنا زيت الجوجوبا
هالمرة حطت لنا حلاوة إيزي سويت المصرية + كريم إملا المخدر + اكسسوارات متنوعة
البشارة الحلوة .. أني حالياً أتعامل ويا شركة الفيرست فلايت
يوصل الطلبيات .. ورايح راد مقابل 30 درهم فقط (يعني سلم واستلم)
فما بيكون عندكم تعب تحويل وسيرة وردة إن شاء الله تعالى
لكن عيبهم أنهم يوصلون لإمارات ومناطق محددة
العين .. بوظبي .. دبي .. الشارقة .. عجمان
بالتالي .. يعذرونيه الخوات من باقي الإمارات
مضطرة يكون نظام الدفع والتسليم شرات السابق
بالنسبة للدفع .. بيكون مقدماً عن طريق تحويل المبلغ للأنصاري للصرافة
(الأنصاري فقط .. وليس رضا الأنصاري أو الفردان أو لاري الأنصاري)
والشحن الداخلي بيكون عن طريق الآرامكس .. وتكلفة الآرامكس عليكن
البجايم عبارة عن قطن خالص 100% (وأكيد سمعتن وعرفتن عن القطن المصري)
موديلاتهن حلوة واااايد
واللي حابة تشوف الصور .. بطرش لها ع الخاص إن شاء الله
وأي وحدة بتطلب
تحدد لي رقم الموديل + الحرف الموجود في الصورة الخاصة برقم الموديل
يعني مثلاً الصورة رقمها 54 .. وداخل الصورة 3 موديلات .. وكل موديل داخله حرف a b c
فإذا بتختارين a .. تقولين بغيت 54a
وإذا بتختارين b .. تقولين بغيت 54b
وأكيد كل وحدة تحدد لي شو المقاس اللي بغته (سمول - ميديوم - لارج - اكس لارج)
ربي يحفظكن