بنتي و وزنهااا ....؟؟؟؟؟

السلام عليكم

اختي المبتسمة الله يخلي لج بنتج ويخليج لها ولا يحرمكم من بعض ان شاء الله

وان شاء الله بتنج ما فيها الا العافية ومثل ما قالت اختي تحفة الأبرار ما شاء الله عليها ما قصرت

ولا تخافين حبيبتي أنا ولدي كمل سنتين ونص ووزنه تسعة كيلو حتى انا كنت مثلج وخايفة حيل

والحين عمره أربع سنوات ونص تقريباً ووزنه 13 كيلو

فقال لي الدكتور أنا أضمن لج ان ولدج صاحي ومافيه شي بس عشان تتطمنين سوي له تحليل

شامل وفعلا سويت له وطلع سليم الحمد لله بس نصحني الدكتور بتدخيل بعض الشغلات وتغيير

النظام الغذائي حقه يعني قال لي مثلا أدخل في أكله الزبدة يعني الساندويش دايما أدهنه له

بالزبدة وحتى اذا جيت اسوي له فطور مثلا بيض مقلي قال لي استخدمي الزبدة دايما بدل الزيت

في تحضير الأكل حقه وقال حاولي تقسمين له الوجبات بدال ما يكونون ثلاث خليهم خمس والا ست

ودخلي منتجات الألبان بكثرة والفواكه والخضار كمان

وتسلمين حبيبتي وربي يسلمها لج ان شاء الله