أروووووووووع حمام ملكي

بنت الرياح 18-07-2006 14 رد 11,956 مشاهدة
ب
السلام عليكم و رحمه الله وبركاته

حبيت أجيب لكم اليوم وصفة حمام ملكي .......روووووووووووووعة مدحتلي وحدة من المعارف صالون يسوي حمام ملكي بس أنا ما أحب أسوي حمام مغربي برة البيت فرحت عند الصالون و طلبت منها تسويلي في البيت و رفضت فعرضت عليها أشتري الخلطات و أسويها في البيت و عطتني سبع خلطات و علمتني الطريقة
و الخلطة تشيل أثار حبوب في الجسم و تشيل السواد

نصائح قبل الحمام الملكي :
1- أشربي ماء قبل الحمام الملكي
2- الحوامل ما يسوين أي حمام مغربي الأفضل
3 - الخلطات حسب رغبتك كميتهم و الخلطات للجسم فقط
4- يكون عنك وقت فراغ علشان الخلطات تطول شوي و لا زم يكون معك أحد في الحمام مثل أختك علشان التفريك خصوصا الظهر أو يكون معاك ليفة ألي فيها عصا و حطي عليها الخلطات و أفركي ظهرك ( أذا كان في ظهرك حبوب لا تفركين فقط حطي الخلطة و أغسليها عادي ) أذا كان أثر حبوب أفركيها عادي.
5- تسوين الحمام الملكي كل أسبوعين مره أو كل شهر مره الأفضل يكون مع قناع للوجه و حمام زيت للشعر.
6- لا تنسوني بدعواتكم أن الله يستجيب لدعواتي

( خلي الحمام كله بخارجهزي الخلطات و ضعيهم في علب و أكتبي رقم الخلطة علي العلبه 1 ألي7 )

الطريقة :
1- أبشري صابونه دوف+ صابونة غار + كركم الجسم شويه ربع ملعقه صغيرة + ملعقه صغيره زيت اللوز المر أو أي زيت تحبين للجسم مثل زيت جلسرين أغسلي جسمك بالخلطة مع شوية فرك بيدك و تدليك (تحطين على شعرك شامبو وتغسلينه عدل بماء ثم تحطين علي شعرك حمام زيت أو أي خلطه للشعر مثل زيت خروع + زيت زيتون + زيت السمسم +زيت جوز الهند و تغطينه بنايلون ) .

2- هردة + نصف ليمونه أخلطيهم مع بعض و حطيهم 10 دقائق ثم أفركي جسمك كله بشكل دائري لين تروح الهرده من جسمك و أغسليه بالماي .

3- سنفرة المشمش أو أي سنفرة جسم تستخدمينها تفركين جسمك بشكل دائري بالسنفره و تركزين علي السواد بعين تغسلين جسمك الأفضل سنفره المشمش للوجه والجسم علشان تسنفرين وجهك و جسمك مع بعض .
4- سدر + حليب بودر + شويه سويدا مجروش تحطبنهم علي جسمك يكون مبلل و تنطرين 5 دقائق ثم تغسلين جسمك .

5- تحطين حمام مغربي عادي و تفركين باليفه الحمام المغربي بس تكون ناعمة .

6 - تحطين حجر الباروق تحصلينه عند العطار لونه أبيض مثل الطباشور و تحطين معاه ماء و رد و تدلكين جسمك فيه و تفركين باليفه و يغسل جسمك و شعرك من حمام الزيت عدل ( ممكن تستخدمين تستبدلينه بالسكر + زيت اللوز ).

7 - بابونج + مسمار + ورد من العطار + زيت اللافندر أو دهن عود+ ماء ورد تطبخين بابونج و مسمار شويه و الورد مع شويه ماء ثم أذا برد تحطين عليه نقط لافندر أو دهن عود و ماء الورد و تفركين جسمك بالخلطه و أنطري 5 دقائق ثم نشفي جسمك بس و شوفي النعومه و ريحه الجسم روووووعه .


لازم بعد الحمام الملكي تسوين قناع حق وجهكو الرقبه علشان يسد المسام ( ممكن تحطين عسل + نشا +ماء ورد + حليب بودر ) لمدة نصف ساعه


و أخيرا ممكن تدهنين جسمك بأي كريم مرطب عنك و وتدهنين وجهك و رقبتك بكريم للوجه


و جربوا الطريقه و راح تشوفون التغيير من أول مره (f)
ع
مشكوووووووووره عمري...
ا
تسلمين اختي
ر
تسلمين على هالخلطه .......


مشكورة ماتقصرين .......



الله يعطيك العافيه..........
*
بارك الله فيج

موضوع رائع
ا
جزاج الله خير وياربي يستجيب دعواتج ان شالله
ج
جزااااااااك الله خير
ر
حشا كل هذااا والله ماراح ااخلص ولا بعد ااسبوع:)

مشكووره على الوصفه
تحياتي
ن
تسلميين
ر
تسلمين اختي عل وصفات .. وعسى الله يستجيب دعواتج .

اختج

ر
تسللللللللللللللللللللللللللللللمين
ع
تسلمين على الوصفه

وحمام الهنا للكل
و

يسلموو الغالية على الموضووع

الراااائع،، و يعطيج ألف عااافية

صدق حمااااام ماكى ^_^ (f)
ب
مشكوووووووووريييييين علي الرد

أحسن شيئ تعملين الحمام الملكي بعد النفاس أو حق العرايس قبل العرس بيومين

بس عن جد يفتح البشره و ينعم الجسم و هذا عن تجربه
ب
مشكوووووووووريييييين علي الرد

أحسن شيئ تعملين الحمام الملكي بعد النفاس أو حق العرايس قبل العرس بيومين

بس عن جد يفتح البشره و ينعم الجسم و هذا عن تجربه
:shy: :shy:
X