السلام عليكم ورحمة الله وبركاته
حلم وابغي له تفسير ضروري
في وحدة من قريباتي معرسة وعندها عيال وهي حليلها تحبني وايد وتبغيني اكون كنتها حلمت بعد ما ردت من عرس انها كانت واقفة عند شارع وشافت شايب ماسك عصا ويسالها هاذي سيارتج اللي مبركنة في الشارع وهي ترد وتقول لا مب سيارتي وعقب قالها هذا الشارع انتي بنيتيه وهي قالت لا وعقب يوم بغت تروح زقرها باسمها الثنائي يعني اسمها واسم ابوها واهي انصدمت جيف عرف اسمها وعقب شوي مسك ييدها وتم يطالع وفجاة هد الييد وهي تمت تصيح وتقول جيف يييدي وهو ماطاع وعقب يلس فتح كتاب وتم يعق لبان عليه (مب العلكة) وهي تصيح وتقوله ساعدني وعقب انا ييت ويلست حذالها وتميت ساكتة ما تكلم وقريبتي تمت تقولي تكلمي وانا ماكنت ارد وهي عقب قالت حق الشايب ساعدني انا ابغي تكون هاذي كنتي وقالت حق الشايب عن مشاكلها في البيت وجي وتقول ساعدني وهي تصيح وهو ساكت يطالع الكتاب ويحط عليه اللبان وعقب عديلتها كانت ياية و قريبتي قالت حق المطوع اخاف من تفتن وعقب هو رد عليها وقال عادي لا تخافين منها وضرتها مرت صوبهم وتمت تطالع الكتاب اللي هو يالس يعق عليه اللبان
وعقب روحت وقامت قريبتي من النوم
فياريت تفسرولي هالحلم في اسرع وقت لانه صدق احسه يحير
والسموحة