تعالوا يا عرايس عروس أقولكم تجربة أختي ومرت أخوي مع .............

[grade="00008B FF6347 008000 4B0082"]

بسم الله الرحمن الرحيم

الحمد لله والصلاة والسلام على رسول الله وبعد

شحالكم يا عرايس عروس إن شاء الله طيبين وبخير

المهم نبدا بالموضوع

طبعاً كلكم شفتوا العنوان بنقل لكم بالتفصيل الممل إن شاء الله

تجربة أختي ومرت أخوي مع البقدونس وخل التفاح والليمون

الله يسلمكم أختي عندها كتاب حق الرجيم والتغذية الصحية لكن الصراحة ما عرف اسمه المهم

يقول فيه الدكتور عن فوائد البقدونس وإنه ينزل كل السوائل الزايدة بالجسم وينظف الجسم

ويعالج الالتهابات وفوايد كثيرة الصراحة وكتب طريقة

تحضرين حزمة البقدونس وتغسلينها عدل من الأتربة وتجيبين حلة وتكتين فيها الماي وخله يغلي

وبعدين نضع البقدونس مثل ما هو لا تقطعينه وخله يغلي لمدة 10 - 20 دقيقة وبعدين غطيه

واشربي منه واحفظيه بالثلاجة قبل الأكل كوب وبعد الأكل كوب

الطريقة بالترتيب

أول ما تقومين من النوم تشربين كوب ماي دافي فيه عصرة ليمونة

وقبل الفطور أو الغدا أو العشا كوب بقدونس دافي وبعد تناول الوجبات

وأثناء تناول وجبة الفطور والغدا والعشا شربي ماي دافي فيه 2 ملعقة خل تفاح

أختي نزلت 2 كيلو في أقل من شهر وجسمها ما شاء الله صار وايد حلو

ومرت أخوي الانتفاخ اللي في جسمها راح وعبايتها كانت لاصقة فيها من المتن صارت وسيعة وايد

وصار لها ملتزمة بالوصفة 11 يوم لكن لحد الآن ما توزنت

أنا بديت فيها من أمس لحد اليوم حاسة نفسي خفيفة وكروشتي نفست شوي وإن شاء الله بداوم عليها

أتمنى إنكم تجربون وتستفيدون وقولولي ع النتايج

والله يوفقكم إن شاء الله وقبل لا تتناولون أي شي لا تنسوا تقولون

بسم الله الذي لا يضر مع اسمه شيء في الأرض ولا في السماء وهو السميع العليم

3 مرات ولا تنسوني من صالح دعاؤكم أنا وأهلي وأحبتي[/grade]