ساعدوني .أبغي حركــات رومانســية.

هلا بك

عشان تستفيدين اكثر راح انقل موضوعك لمكان اكثر مناسب

والخوات ما يقصرون إن شاء الله

مشكورة لأني عضوة يديدة
فما كنت اعرف المكان المناسب

اولشي انتي خبرينا شوو من الحركات الي طبقتيها ويابت نتيجه عسب احنا انخبرج الي عدنا ههههه


شو رايج يالله نستفيد من بعض

:think: بصراحة أنا وايد أشياء سويتها .سويت ليلة حمراء وزرقاء وخضراء .ومرة سويت له مفاجأة شريت له هدية بس على شكل كنز مفقود بس وايد استانس عليها وأحب بين يوم أو يومين اسوي جو رومانسي في الغرفة مثلاً أولع شموع بس كل يوم غير عن الثاني مثلااًيوم شموع زرقاء .أو حمراء أو وردية أو بيضاء أو خضراء يعني على حسب لون اللبس .وانثر بعض الورود المجففة . أبي شي مختلف لأن هوبعد يومين بيرد البيت. فأنا مستعيلة عسب اسوي لأن بعدين ماعندي وقت

همممم انا مالجه او ريلي من الحين امنبهني اونه ان حطيتي شمعه فالبيت يويلج هههه ما يحب سوالف شموووع معنه رومانسي بس ما ادري ليش ما يحب الشموع يحب الورد وااايد..


المهم:-

اذا ترومين تحجزين فالفندق خاصه فنادق دبي وترتبين يالفندق وكلشي وتسرين انتي وهوو بس قيسي نبضه مب كل الريايل يحبون هالحركات لان اذكر وحده من ربعي كانت بتسوي بس قالت خليني اقيس نبضه قالها زين ما سويتي جان رديتج بيت ابووج ههههههه


في حركه انا وايد اتعيبني وانشالله اطبقها مستقبلا:- بما ان زوجج اسبوع في الدوام اكيد يشل معاه شنطه ملابسه حاولي تكتبين فيه كلام حب وتحطينيه بين ملابسه يعني تقريبن كل لبسه سوي هالحركه وذكريه انج وااايد تشتاقيله وهوو بعيد..

وفي افكار وايد البنات ذاكرينه فالمنتدى سوي بحث ماشالله بنات منتدى عروووس افكارهم حلوووه

اذا فكره يديه انشالله اخبرج

مشكورة يالغالية

حبيبتي سوي بحث بالموضوع لأن البنات حاطين افكار كثيره ومميزه..
وشوفي ملف الرومانسيات..
وان شاء الله تستفيدين منها..
والله يهنيكم يا رب..