ساعدوني بمشكلتي مع ولدي عقدته يسمع كلمة روضه ..

طيف الإمارات:

وحليلة ولدج أكيد في أحد من الأولاد الأشقياء قام وضربه

وما بغى الروضة ‘ حاولي إختي تحبببيه بالروضة بأي طريقة

مثلا تقولين له إنج إنت راح تسيرين الروضة بدله وغيظيه شوي

وادلعي له وقولي إن ولد جاركم أو ولد أحد أقاربكم وهو يعرفه

راح يسير والمعلمة راح تعطيه هديه وتاخذه الحديقة والمنتزه

ولا تخافين ان شاء الله راح يسير الروضة وبعد هو صغير لما دخلتيه الروضة

، فتعقد الولد من شي شافه أكيد

والله يعينج

غداري:
سبحان الله والله كأنج تتكلمين عن ولدي بالضبطططططط
انا وديته روضة وفعلا كان متحمس في البداية
وبعدين خلاص كره الروضة فجأة وقام اصيح ما يبغي اروح وللحين ماعرف السبب عاد السنة اللي طافت قلت له بوديك المدرسة (مثل الفكرة) ووديته يوم اسجله وقعدت افتر معاه داخل الروضة الثانية
واشجعه وكان فيها حيوانات
وقعدت احببه في المكان واقول له انها احلى من الروضة صح وهو مستانس اقول اي ومديرة الروضة كان لها دور انها قامت تلاطفه وتلاعبه والحمدلله داوم فيها عادي لكن مستحيل يعترف انها روضة على طول اقول انها مدرسة وانه مايحب الروضة

نصيحتي لج وديه الروضة الجديدة وقعدي راويه الاماكن اللي فيها وخلي المديرة تلاطفه وتلاعبه وتروح هي بنفسها تراويه الاماكن وانت ضلي سأليه هذي احلى من الروضة صح ومن هالكلام لحد ما يقتنع

@الجواهر@:
نفس مشكلتي بنتي موتها الروضه كل شي عندها الا الرووووضه والله مت وانا اقنع فيها قمت اقول لها الحين هذي مدرسه مو روضه واشجعها عشان السنه الجديده ان شاء الله عاد مادري شبيصير الله يستر وتروح الروضه لأن قلبي مايطاوعها أخليها بروحها بالبيت

العهد:
هاي الظاهره عادي حبيبتي وكلنا مرينا فينها وانا وحده منهم..

بس لازم تغصبينه عليها مثل ماكنا ننغصب وكنا عشان نسير لازم يزيدون مصروفنا من درهمين لين ثلاث..والهدايا طبعا شي تشجيعي..

وبعدها بفتره حبينا الروضه من دون تشجيع بس يباله طولة بال وصبر..

وان شاء الله تتغلبين ع هاالظروف..

الله يعطيج العافيه..:shy: