خدامتنا ،، احترت معاها،،بتذبحني؟؟؟

بسم الله الرحمن الرحيم،،

السلام عليكم بنات عروس،، انا بعرض مشكلتي واتمنى تناقشوني وتساعدوني فيها،،

قبل كل شي انا عمري 18 سنه،، عايشة مع امي وابوي واخويا الكبير،، اختي متزوجه وفي بيت ريلها،،

المهم مثل كل بيت،، عندنا خدامه، اندونيسيه،، اصلا المكتب اللي طلبنا منها،، عطانا مواصفات غلط مثلا كان مكتوب متزوجه،، وهذا اهم شي،، ولما يت عندنا قالت لنا انها مو متزوجه،، وهذا بروحه مصيبه،، غير انه شكلها صغير وااايد،، كان عمرها 17

طبعا لشدة حاجتنا لها بحكم ان امي ما تقدر تشتغل،،

المهم اللي مو عاجبني في تصرفاتها انها مثلا لما انا او امي نطلب منها شي ونقول لها نظفي هالمكان او اي شي،، شكلها يكون معصب شوي وبتضربنا،، وكم من مرة صارخت علي وعلى امي

تخيلوا مرة امي قالت لها افتحي الليتات اللي برع،، لانه احنا مو متعودين نسكرها لانه بيصير ظلام في البيت،، تمت تقول كلام حاار لامي،، وماعرف،، وامي حزتها عصبت،، وآخر شي البشكارة قالت لها بس وهي تصارخ،، يعني سمعتو عن خدامه تسكت راعيه البيت،،


وهذا موقف من عدة مواقف كثيرة صارت،،

المهم اللي ابيكم تعرفونه انها مع ابوي غير جذي بالمرة،، كله ضحك وسوالف،، واي شي يقولها تسويه بدون صراخ،، ما ادري شو اسوي احترت،،

حتى امي بروحها تعرف،، بس كم مرة احنا قلنا حق ابوي خلا يسفرها،، ما نبيها،، بس هو مو طايع،، يقول ماشي بديل لها،،
نقوله ماعليه بنصبر كم اسبوع لين الخدامه الجديدة توصل،، بس هو مو طايع،،

وياليت شغلها زين،، حتى الثياب ما تكويهم،، صرنا نخاف انا وامي نقولها شي عن تصارخ علينا

انا اللي قاهرني ليش تسوي هالحركات مع ابوي،، والله عادي تغني وما عرف شو،،

ترى احنا عندنا حجرة للتلفزيون حذال المطبخ،، يعني مو متصلة بالبيت،، مرات ابوي يقعد هناك يطالع تلفزيون،، مرة كنت طايفة من حذال الحجرة جان اشوفها قاعدة وتطالع بعد،،قلت حق امي بس ما بيدنا شي،، امي بروحها ما تقوى على الضرايب ،، وهي تقولي لا تسوين لها شي ولا تأذينها،، ترا هاذيل مشهور عنهم السحر والخرابيط،،

ساعدوني،، ابي اقنع ابوي انه يسفرها،، لانه الحل الوحيد ،، بس هو مو طااايع،، ما يسوي شي،، يعني عااادي عنده،، والله صرت اكره البيت،،

وكل ما اشوفها معاه تضحك،، تزيد دقات قلبي واتعب وااايد،، حتى مرة صحت جدام ابوي وقلت له سفرها ما نباها،، وعدني وقال اوكي،، بس مرت الايام ولا سوى شي،،،

انا كتبت لكم هالمشكلة،، من بعد ما تعبت اليوم بالذاات واايد،، كالعاده اسمع صوتها تضحك وتغني،، تميت اصيح وسرت عند امي،،

وقلت خلا اكتب مشكلتي هني،، على الاقل تخففون عني،،

ابوي طيب واايد انا اعرف انه ما يسوي لها سالفه،، بس هي اللي تزيد بمصاختها،،

انا اخاف ربي واعرف اني لازم ما اشهر بحد،، بس شسوي حالتي النفسيه تعبت واايد



والسموحه،،
اتمنى تشاركون ولو بشي بسيط