السلام عليكم ورحمة الله وبركاته
شحالكم ..وعلومكم ..عساكم بخير وسهاله ؟؟
انا وحدة معرسة و عندي ولد عمره 3 سنوات .. بس من بدا يكبر ولدي ..ريلي تغير عليه شوي ..أحسه دووم يطلع و ياتأخر و ما يرد البيت الا الساعة 2 بالليل .. وشوووو الحل .... ممكن نسااعدة ؟؟؟؟؟ الله يخليكم :sad:
اختي ادعي واستغفري وحاولي تسوين له ليله رومانسيه من عشاء من عمل يدك وفي ركن خبرات اكقر من فكره يمكن زوجك مل من الروتين اليومي
طيب اختي زوجك وانتي ادرى فيه
تتوقعين ليش بدا يتغير عليك ؟
هل فيه مشاكل بينكم ؟
هل الملل والروتين له دور؟
شاكة في شي؟
انتي ماوضحتي بالضبط اصل المشكلة او ملاحظاتك على زوجك
يمكن انتي مشغولة كثير بولدك عنه وهو بدا يبتعد شوي
او يمكن مشاغله في الدوام وهالشي طبيعي بس انتي حاسة انه متغير عليك
لازم تعرفين بالضبط وين المشكلة وتوضحين لنا أكثر عشان نعرف نساعدك
بالتوفيق
م
منسيه من الكل
عروس مشاركة
16-07-2006 | 01:55 PM
حاولي انج تكلمينه
مشكلة اغلبيت الخليجيات ما يتناقشون
ناقشيه بحنان قولي له اللي بقليج بس شرط
1_يكون شبعان ما يكون يوعان هههه عشان يسمعج
2_يكون مزاجه رايق
وفهميه قولي له انا كازوجه لي الحق انه تعطييني من وقتك
بس بطرييقه غير مباشره
والله يوفقج
وانا بصراحه عمري 17 سنه وما اقدر افيدج واايد
وعليكن السلام .والله أشكركم .. أشكرج دارعة ع رايج .. وبحاول انشالله ... ختيه roomy والله انه متغير 180 درجة .. أكثر عن اول بواايد .. البارحة يوم قلتله أريد أظهر و نتشمى و جييه و نتشرى ..يلس يزااعج و يقول انا مشغول وانا وااحد مش فااضي وانا وأنا .....الخ ,,,, والله ماعرف شو السبب ...وانا وربي ما قصرت معاه في شي .. أما قبل كل شي أقوله يقولي من عيووني ..و كل طلب أطلبه منه ما يقولي لا دووم يقولي : من عيوني ... واما عن المشكال ..ما أعتقد شي مشكال من بينا .. مرت علينا مشكلة وحدة و هااي المشكلة طلاق امه قبل كم شهر ... والله أريد مساعدتكم .. أريده يتغير .. أريده يرد لي شرات قبل ... ساعدووووني الله يخليكم ... ختيه منسية عن الكل .. بحاول اليوم انشالله بس مش العصر بحاول وياه الفليل انشالله .اووكي والسمووحة ...ومشكورين يا بناات ما تقصروون وربي يحفظكم من الشر
انتي قلتيها بنفسك
مريت عليكم مشكلة طلاق امه .. تخيلي رجال بهالسن واب لطفل ... وامه تتطلق !! اكيد هالشي راح يأثر عليه
انتي دورك توقفين جنبه وتسانديه .. حاولي تطلعيه من الجو اللي عايش فيه وتخليه ينسى شوي
جددي في حياتك الزوجية وغيري من شكلك واحرصي على تخصيص يوم كامل من الاسبوع معاه مع ولدكم عشان يحس بوقفتك معاه
اختي العزيزه اول شي انصحك انك ما تيئسي بسرعه وتقولي خلص ما انا جربت مع زوجي كل الطرق ما في فايده هذه الجمله ممكن انها تضعفك وما تخليك تفكري منيح بحل المشكله تانيا لازم تعرفي بالبدايه السبب الي ادى لتغير زوجك من ناحيتك وبعدين منفكر بالحل عشان هيك ابقي وراه واعرفي السبب وبعد ما يعرف السبب يبطل العجب ؟ نصيحه تانيه ما تتغيره انت من ناحيته ابقي الزوجه الحنون والمحبه دائما ولما يرجع متل اول رايح يذكر موقفك معه انك ما تغيرت من اول ازمه او مشكله صادفتكم ابقي قويه وثابته والله يكون بعونك دائما
انشالله يا روومي .. وانتي الصادجة ..بس والله مر كم شهر ..بس معليه انا برمسه اليوم .. وبحاول أخوّز عنه هالظيج والله غامضني واااايد .. لا أكل ولا حياة شرات الناس .. بحاول وياه انشالله ..ومشكوورة ختيه ..وتسلمين والله وماتقصرين ... والله يخليج لهلج ...والله الحين حسيت بالراحة .. الحمدالله والسمووحة ختيه ومشكوووووورة .. وانشالله عقب كم يوم بخبرج عن التطورات و ما تقصرين ...
السلام عليكم ورحمة الله وبركاته .....فرحااااااااااااااااانه فرررح ما ينوصف ...رد لي شرات قبل .وأخيرا .. الحمدالله و حبيت أشكر roomy من كل قلبي ... والله انج ما قصرتي .. بخبركم كل شي استوى بالتفاصيل ... رمسته و ويلست أسولف وياه .. و يلسنا نظحك ...الحمدالله رب العالمين .. رد لي شرات قبل ... و احم احم .. عقب الدلع قالي انا اليوم عازمنج عالعشى في مطعم .. ما تتصوروون كيف انا مستانسة واااااااااااااايد ... الله لا يحرمني منه انشالله .. آميييييييين ... يلا والسمووحة .. وما قصرتووا .. أخااف الحين يطلع من الحمام و يقول شو يالسة تسوين عالكمبيوتر و يعصب عليه .. ماريد أغير الجو .. يلا صبايا .. مشكووووووووووووووورين و ما تقصروووون ... rommy مشكوورة حبيبتي ... والله يخليج لهلج .. يلا باااااااااااااااااي ... وبخبركم عن التطورات انشالله عقب ... ومع السلامة
انا قلبي ناغزني انه وراه بنت لاقدر الله
احس معظم المشاكل اللى اقراها واللى يشكن من تغير ازواجهن وراهن هالبنات بواقات الريايييل
بس اتمنى يكون شكي في غير محله
كثري من الاستغفار اعطيه الحنان الحب الاستقرار لاتحاولين تبينيله انج شاكة فيه غيري روتين حياتكم حبيبتي انتى من بلدي وانا عارفتنهم من زوجة تييبلهم عيال خلاص مايعبروها يخلوها حق البيت والعيال
قومي قيام الليل وقولي (يارب تحبب زوجي فين وتحببني فيه)
والله يوفقج
الرجاله والله زى الاطفال عايزين اللى يدلعهم ويحسسهم انهم رقم واحد وطبعا مع وجود الاولاد الزوجة بتبقى ام من الدرجه الاولى والرجاله بتزعل استمرى على نظام الدلع والحركات والمفاجأت وان شاء الله هتستمر حياتكم حب فى حب وربنا يديم السعادة وراحة البال على الكل
ن
نونة - الحنونة
عروس جديدة
16-07-2006 | 11:07 PM
[CENTER]السلام عليكم ورحمة الله
أختي انا بدخل بالموضوع على طول
أنت تعرفين الحياة الزوجية ماتستمر على وتيرة واحدة
تحصل بعض الأحيان حالة برود او هروب او ملل
نتيجة الروتين فحاولي تكسرينه شوي
ثانيا والاهم انا مااصاب العبد من خير فمن الله وما اصابه من شر فمن نفسه والشيطان
اختي لازم تراجعين نفسك شوي ممكن قصرت بشئ مع الله والله كلنا مقصرين بس الله يرحمنا برحمته
الجأي للاستغفار و لدواء الأحوال (( سورة البقرة )))
والله اسألوني عن سورة البقرة و تذكروا جميعا سورة البقرة أخذها بركة وتركها حسرة ولا يقدر عليها السحرة البطلة
فممكن تغيره من عين او حسد او شياطين سكنت بالبيت ارقي نفسك بالاذكار والادعية وولدك وزوجك عند النوم
ولا تخلي زوجك يحس وانت ترقيه