مواقف مع الخدامات

وردة العتبان 16-07-2006 10 رد 1,853 مشاهدة
و
(f) السلام عليكم ورحمة الله وبركاته (f)


شلونكم بنات طبعا الموضوع مبين من عنوانه ابي لو سمحتوا كل وحدة دش تكتب موقف صارلها مع


الخدامة يضحك(r) (r)




يبجي:confused:




يخرع :qaq:




عااادي المهم نبي نستانس شوي مع استفادة





وشاكرتلكم:clap:
m
لا اتذكر مواقف الحين

نظرا لاننا فى مصر لا نعتمد عليهم اعتماد كبير
و
هلا حبيبتي مي منورة
س
أما أنا غير خدامتنا اللي سفرناها كنت دايما أضارب معاها وهي تكرهني لأبعد الحدود حتى انها تدعي علي اني لما أتزوج آخذ واحد ما يكون طيب .
وصارت وايد مواقف الين سفرناها وارتحنا منها.
المهم أنا بقول عن قصتها مع أمي:
في يوم من الأيام كان هناك تعديلات في فريجنا يعني الهنود تارسين الفريج والحبيبة(الخدامة) تبغي تسير عند خدامة الجيران ولما استأذنت من أمي رفضت لأن كلنا في الجامعة ومحد في البيت وأمي تخاف تخلي باب الحوي مفتوح بوجود الهنود في الفريج وقالت لها العصر سيري مب مشكلة
ورفضت الخدامة وأصرت انها تسير الحين المهم أمي هددتها اذا طلعت بتسكر عنها الباب وما بتفتحه وعاندت الخدامة وسارت.
ولما رجعت شافت الباب مسكر ودقت الين ايدها تعبت وأمي ما فتحت تخيلوا شو سوت عفدت من فوق جدار البيت ودخلت وامي ما حست فيها الا وهي داخلة عليها المطبخ وتصارخ ومحمرة عينها على أمي الغالية وبصراحة أمي خافت لأنها بروحها في البيت مع ولد أخوي اللي عمره كان في هذاك الوقت تقريبا عشر شهور فدخلت أمي الصالة علشان تتصل حق أبوي بس أنا الله يسامحني كنت ماخذة بطاقة تلفونها والخدامة طول هالوقت لاحقة أمي وتصارخ عليها وامي خافت انها تذبحها أو تسوي شي في ولد أخوي واتصلت بعدين من تلفون البيت حق جدتي وخالي ويلسوا عندها والخدامة من شافت خالي دخلت غرفتها وما طلعت منه ولما راح خالي لشغله طلعت وراحت تدعي على أمي وعلينا جدام جدتي ولما تقول لها جدتي ليش تدعين عليهم هم حشموج وكرموج ويعاملونج أحسن معاملة تقول انت اسكتي ولا تتكلمين أنا ما أشتغل عندج واذا اشتغلت عندج اتكلمي تصوروا الحقارة كيف ترد على حرمة كبيرة.
المهم بعد ما أبوي رجع من الدوام كانت حابسة نفسها في الحجرة وما اشتغلت ف أمي قالت لأبوي ما أبيها تيلس في البيت بطالية اما تشتغل مثل باقي الخدامات أو تروح لربيعتها اللي سارت عندها الصبح ف أبوي قالها هذا الكلام وبعدها اشتغلت فترة بسيطة وسفرناها.

آسفة طولت عليكم...
و
يعطيج العافية سعادة الدنيا الله عانكم عليها ولا انا جان مسفرتها من زمان

انا بقول شوي شوي عن شغلات خدامتي الخبلة تخيلوا تلبس دايما خفيف وصدرها تجره توديه لرقبتها ولما كلمتها تقول انا مو تيتيه مشان نزل صدري للعلم انه كانت تشتغل في لبنان عشتوا علي بالها لبنانية تبي تلبس قصير وحفر بعد لما زوجي قالها هيه معندنا جذي انتي ومتغطية مو قادر اتحملج شلون ولابسة قصير وتم وراها لما سفرها
S
انا بقولكم قصه شغاله خدامه بنت عم ابوي الاندونيسيه <- مافي اقرب!!

اهي هبله وتصرفاتها غريبه يعني وايد دفشه

المهم اهم كل يوم اربعا جمتعهم


مره وحده شافو وحده من الخدم تصرخ تصرخ تصرخ

مسكوها شفيج شفيييييييييييييج مني مناك

قالت انها دشت الحمام وشافت الاندونيسيه بالحمام!!!!!!!!!!!!!!!!!!!!!!!!!





والمصيبه انها كانت رجال!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ولمه مسكوها وتاكدو قال انه انا جيت اشتغل عشان اجمع فلوس حق عمليه تحويل الجنس!!!!!!!!
ا
السلام عليكم

بقولكم سالفة خدامتنا .. اللي كانت جديدة حزتها ...

الاخت ما تحملت فراق زوجها وعيالها (معذورين ) .. حاولت تنتحر .. جت تبي تقطع شريانها

وامي لحقت عليها لانبتلش فيها .. ومرة ثانية امي كانت نايمة ..وانا قاعده ع الكمبيوتر

جتني تقوولي ريم Pain Pain وهي ماسكه قلبها .. يعني قلبها يعورها .. وتمثل انها طاحت من

طولها .. طبعا انا خويتكم مخقــــه :S انحشت قعدت امي :D وظلــت تقريبا ساعتين على سدحتها

مو راضيه تقووم خير شر .. طبعا هي مكشووفه قاعده تمثل .. جاء ابووي زفها وسفرناها مالت

عليها ..وهي ما كملت اسبوعين يمكن


خلت الكرف علي :"(

هذي اللي اتذكره من اغرب خدامه مرت علينا .. ولا الباقي ياحلوهم يهبلون ..

والسموحه طولت عليكم ..
ه
:sad:

انا اللي صارلي شي ثاني مع شغالتنا

:sad: :sad:

اقولكم احنا عندنا شغاله واخوي بعد عنده والشقق جنب بعض يعني فطورنا وكل شي سو
المهم 0كان زواج زميلتي وكنت الف شعري 0 فجات شغالت اخوي وجلست تلف في شعري
وزعلت شغالتنا0 وناديتها وجات تسوي معها0 وبدت الخبله تسولف على راسي0 اول سوال قالتلي في زواج 0قلتلها ايوه زواج زميلتي0 ردت رجال او حرمه0 شغالت اخوي ماقدرت تمسك نفسها جلست تضحك وتقول 0هذا سعودي مو اندنوسي0:sad: :dd:



وشكــــــــــــــــــــــــــــــرا
*
أقول لكم عن خدامت أختي بصراحه عمري ماشفت مثلها خدامه بهطيب
هي من النوع إلي يكبت عن إلي بخاطرها ما تقول شنو فيها إذا متظايقه
عادي كل شي تقولين لها تسويه حتى لو نص الليل تقوم إذا سمعت صوت أختي
أتخيلو معاي يوم السفر قبل لا تروح المطار عادي اختي توقعت إنها اتسلم عليها
وتروح لأنه نحن متعودين عليها إنها ما تبوح عن إلي بخاطرها يعني جامده المهم
أختي مدت أيدها تسلم عليها كان ردت فعلها غير إلي متعودينه حظنت أختي وطاحت ع الأرض منهااااااااار من البكي اختي انصدمة من ردة فعلها قالت هذي إلي ما توقعت إنها تصيح لما راح تسافر وأختي تصيح وعيالها يصيحون فلم هندي فاتني هذا الموقف إلي يظحك....

أما الموقف إلي يبكي
تخيلو كل تجهيزاااااتها كان عباره عن هدايا لولدها تقول لها أختي بشتري لج صوغات حق أهلج تقولي مب مهم أهلها المهم ولدي كانت مشتاااااااااااقه له بالحييييييييييييييييل سافرت المسكينه لها والبارحه أوصلة للأهلها وأول ما وصلت البيت تقول لهم وين شكري اسم ولدها يقولون لها ناااايم من حبه له قالت خلو نايم لما يشبع نوم راح تشوف المهم انشغلت بأهلها وأصدقائها وبعدين قالت لهم جيبو لي شكري قالولها محد هو الحين برع كل شوي يقولون لها شي عاد قامت هي تدور على ولدها بالبيت ماشافت موجود قالت لهم وين اتخيلووووووو وين كاااان

















المسكين نااااااااااااااااااااااااااااااااايم من ثلالث سنوات إي نايم بس ما راح يصحا مره ثانية
هو كان ميت من ثلالث سنوات مو كانت تدري وكل ما تتصل لهم تكلمه ولم تسكر تقول لنا ولدي يبي اشتري له سياره وكميوتر وألعاااااااب المسكين كانو يقصون عليها إلي كانت تكلمه طول مو هي ابعيده عنه مب ولدها كان ولد أحد من قرايبها عبالها ولدها كبر وتغير صوت وهي امصدقتنهم
والله العظيم إنه صار عندنا عزى الكل يصيح كان يوم الخميس نجتمع بيت أبوي ولما اتصلت لنا تخبرنا إنه إهي وصلة وأختي تقول لها شخبارج وشخبار ولدج قالت وهي تصيح ولدي ميت وأنا مادري عنه عاد وقتها طاح البكي والله قلبي يعورني عليها ومب قادره أناااام من كثر ما فكر فيها يمكن تقولون إني ماعندي سالفه أو إني أبالغ بس والله من طيبتها ما راح نحصل مثلها
ا
حرراااااااااااااام كسرت خاطري :(

الله يعين قلبها
و
ياحليلكم يابنات عليكم سوالف


شيفة صراحة الله يعينكم ماسوت فيكم شي


الياسمين فلم هندي مو خدامة هذي


هديل موتيني من الضحك الله ياخذ بليسج



ام عبد الرحمن كسرت خاطري خدامتكم يحليلها
X