امي وخواتي يقولون ان ما لي مكان بينهم

بسم الله الرحمن الرحيم

صحيح يا بنات اني حابة آخذ رايكم في هذي المشكلة

واللي مع مرور الايام صرت اسميها قدر

وادري زين انها ما لها حل الى يوم الدين

بس صدقوني حابة اسمعكم

بنات مشكلتي اللي صار لها سنييييييييييين وسنيييييييين

مشكلتي هي خواتي

انا اكبر وحدة فيهم

يمكن اكون جادة شوي في حياتي، بس ما اتدخل في اللي ما يعنيني لو تنقلب السما على الارض

خواتي اللي اصغر مني يكرهوني

ولا تقولون متوهمة لان هذي الحقيقة

من كنت صغيرة كان الخصام عند اخواتي شي كلش عادي

كنت ايامها افتكر اني انا الغلطانة

فكنت آكل في نفسي

كانوا يخاصموني لشهور واظل في البيت وحيدة ما اعرف اتكلم مع من

ومرت الايام والسنين وتزوجت

كان هدف حياتي اني الاقي انسان يحبني ومن زود حبه يقربني من خواتي

وفعلا صار هالشي

اتزوجت انسان احبني واحبه وبدون ما اقول له حب يقربني من خواتي

وحاول لشهور انه يسوي هالشي

تعرفون شنو صار؟؟؟؟؟؟؟؟

قالت وحدة منهم: احنا عادي نخاصمها نص سنة.. او حتى سنة، عادي يعني شنو

والثانية قالت: ما بتنقطع عني المعونة اذا خاصمتها فخليني اخاصمها

انصدمت يومها عدل

والمصيبة الاكبر انهم صاروا يكرهون زوجي بس لانه زوجي

وظليت ابكي يومها للصبح :confused:

وبعدين قررت اني خلاص من بعد ما عرفت الحقيقة خلاص انا اللي لازم انسى ان عندي خوات

بس

في يوم من الايام صارت بيني وبين زوجي مشكلة كبيرة وقرر هو يطلقني :sad:

تعرفون شنو كان رد امي يومها ؟؟؟

قالت لي : لا تفتكرين انج اذا تطلقتي بتلاقين لج بيت تقعدين فيه ترى خواتج ما يبونج (w)

من زود الالم اللي فيني لان زوجي زعلان مني، انجرحت اكثر واكثر واكثر

امي تقول هالكلام ليش انا شسويت حتى يكرهوني ؟

زوجات اخواني وخوالي يقولون لاني مو مثلهم اشيل الحقد في قلبي، واني اكثر وحدة اواصل الاهل

بذمتكم هل هذا سبب حتى يكرهوني؟؟؟

انا ادري ان القضية هذي بلا حل بس حبيت انقلها لكم حتى تعرفون لاي مدى ممكن توصل العلاقات الانسانية حتى بين الام والخوات